San Lucas 15:17 - Biblia Guarani Tumpa Iñee

¹⁷ Jayave ou oyemongeta, jare jei iyeupe: ¡Cheru jëta pe, omombaravɨkɨ vae reta jeta güɨnoi jou vaerä! Ërei che kuae pe cheyukata ma yɨmbɨaɨ.

Nuevo Testamento Guaraní Pe

¹⁷ Jare cuimbae oicuaa ma quirai oyapo mbaeti iyaracuaa vae oyapo rami. Jayave jei iyeupe ipɨa pe: Cheru omombaravɨquɨ vae reta jeta yae güɨnoi jou vaera. Erei che amanota ai ñɨmbɨaɨ güi —jei, jei—.

San Lucas 15:17 ပူးပေါင်းရင်းမြစ်များ

SALMOS 119:59

Amae kërai aikogüe re, jare ayerova ye ndeporookuai kotɨ.

SALMOS 73:20

Ipaɨu güi opa vae rami, jökorai, nde cheYa, reporojäa yave, reröɨrota jókuae añete vae nunga oyekuaa vae.

ECLESIASTÉS 9:3

Kuae ikavimbae yae vae ko oime oyeapo kuae ɨvɨ pe: Opaete vae oyovakeño ko omanota. Ïru yé jae ko kuimbae reta oyemongeta ikavimbae reño jare arakuaambae reño, opaete ara oikove oiko ramboeve, jare jökoraita opa omano.

JEREMÍAS 31:19

Che asɨrɨ ndegüi, ërei añave ayembopɨambuae chereko güi; aikuaa cheyoa ko jare akua cheu re chepɨatɨtɨ güi; chemomarai yae cheyoa reta chetaɨrusu pegua.’

LAMENTACIONES 1:7

Jerusalén imaendúa, pɨpegua reta opa oa tovaicho reta ipo pe jare mbaetɨ kia omborɨ vae yave, imaendúa jae ipɨatɨtɨ opɨta vae re, jare oyembopɨapochɨ vae re. Imaendúa vi jeta mbaembae ipöragüe güɨreko arakae güive vae re. Jovaicho reta oecha yave jókuae, oyóyai yóyai reta opa oyemboai vae re.

EZEQUIEL 18:28

Echa omae jare opia opaete ikavimbae oyapo vae güi. Oikoveta ko, ngaraa omano.

OSEAS 2:7

Ojota iyaguasa reta jaɨkue, ërei ngaraa oupitɨ; oeka tëita, ërei ngaraa oväe chupe. Jayave jeita: ‘Taja ye tenondegua cheme pɨri, echa jókuae ndive ikavi aiko añave vae güi.’

San Lucas 15:16

Jare kunumi oipota tëi oyemoangapɨɨ ɨvope kuchi reta jou vae re. Jare mbaetɨ kia ave omee chupe mbae jou vaerä.

San Lucas 16:23

Jare omanogüe reta ñogüɨnoia pe kuimbae oikokatuse vae oiporara yae oï. Jayave oupi iñäka jare oecha Abraham mombɨrɨ oï chugüi. Oecha vi Lázaro oï Abraham ndive.

San Lucas 8:35

Jare oendu vae reta yogüeru omae jókuae oasagüe re; jare oecha reta Jesús jare jókuae kuimbae aña reta osɨrɨ chugüi vae oguapɨ oï jóvai; oecha oyemonde kavi ma jare yarakuaa kavi ma. Jare opaete yogüeru vae reta okɨɨye.

Hechos 12:11

Jayave ramo Pedro oikuaa kuae oyeapo vae añete yepe, jare jei iyeupe: “Añave aikuaa cheYa ko ombou iaraɨgua chereroasayepe Herodes güi jare opaete judío reta oipota oyapo cheve vae güi.”

Hechos 2:37

Kuae oendu reta yave, ipɨatɨtɨ yae reta, jare oparandu reta Pedro jare ïru temimondo reta pe: —Tëtara reta, ¿mbae pa royapota?

Efesios 5:14

Jáeramo Tumpa jei: “Esareko mo, nde reke vae. Epüa ye omanogüe vae reta ipɨte güi, jare Cristo ndemboesapeta.”