San Lucas 13:33 - Biblia Guarani Tumpa Iñee

³³ Añete ko, ikavi ko aja añave, pɨareve jare kóeramo Jerusalén kotɨ. Echa mbaetɨ ko jaekavi metei ñeemombeúa omano vaerä ïkotɨa Jerusalén güi.

Nuevo Testamento Guaraní Pe

³³ Añete co, icavi co aparavɨquɨ vaera añave jare pɨareve jare coerambue. Echa Jerusalén peño judío reta oyuca Tumpa iñee omombeu vae reta —jei—.

San Lucas 13:33 ပူးပေါင်းရင်းမြစ်များ

San Mateo 20:18

—Mase, ko yaja Jerusalén kotɨ. Jare che Kuimbaerä ayeapo vae chemeeta sacerdote reta itenondegua reta jare mborookuai re oporomboe vae reta ipo pe vae, jare jae reta jeita amano vaerä,

San Mateo 21:11

Jare jeta vae reta jei: —Kuae jae ko Jesús ñeemombeúa Nazaret pegua ɨvɨ Galilea pegua.

San Lucas 9:53

Ërei joko pegua reta mbaetɨ omboresive, echa oikuaa reta Jerusalén kotɨ ko ojo oiko vae.

San Juan 11:54

Jáeramo Jesús mbaetɨ ma opɨta Judea pe, agüɨye vaerä judío reta oecha. Ojo joko güi metei tëta guasu Efraín jee vae pe. Jókuae tëta guasu oï ñuu iyɨpɨ pe. Joko pe opɨta jemimboe reta ndive.

San Juan 11:9

Jesús jei chupe reta: —Ara, doce ora ko güɨnoi. Ara rupi oguata vae ngaraa ipɨ̈sa-yeyuka. Echa güɨnoi tembipe kuae ɨvɨ pegua.

San Juan 12:35

Jesús jei chupe reta: —Tembipe oimeño pe reta ndive ramboeve peguata tembipe pe, agüɨye vaerä pepokou pɨ̈tu. Echa pɨtumimbi pe oguata vae mbaetɨ oikuaa kerupi ojo.

San Juan 4:34

Jesús jei chupe reta: —Cherembíu jae ko, ayapo vaerä chembou vae jemimbota, jare opa vaerä iparavɨkɨ ayapo.

San Juan 9:4

Ikavi ko ayapo vaerä chembou vae iparavɨkɨ ndei pɨ̈tu mbove. Echa outa pɨ̈tu; echa pɨ̈tu yave mbaetɨ kia ipuere oparavɨkɨ.

Hechos 10:38

kërai Tumpa oiparavo Espíritu Santo rupi jare mbaepuere rupi Jesús Nazaret pegua, jare kërai jae ojo opaete kerupi oyapo ikavi vae, jare kërai ombogüera opaete aña guasu oiporarauka chupe vae reta. Echa Tumpa oiko jae ndive.

Hechos 13:27

Echa Jerusalén pegua reta jare juvicha reta mbaetɨ oikuaa kia ra ko Jesús vae ani ñeemombeúa reta jeigüe, ara mbutuu ñavo pe jae reta omongeta tëi vae. Jáeramo jae reta jei Jesús oyeyukauka vaerä, jare jökorai ombopo reta oyekuatía oï jese vae.