San Lucas 12:28 - Biblia Guarani Tumpa Iñee

²⁸ Tumpa omopöra yae ñana, yepe tëi añave oï kó pe jare pɨareve pe oyeapɨ. Vɨtei pa pe reta, omeeta ko peve peremimonderä. ¡Michi peporogüɨrovia vae reta!

Nuevo Testamento Guaraní Pe

²⁸ Tumpa omopora yae ñana, yepe tei metei ara ñana oi co pe jare pɨareve pe ócai. Jae rambue Tumpa omeeta co peve peremimondera. Michi co peporogüɨrovia —jei—.

San Lucas 12:28 ပူးပေါင်းရင်းမြစ်များ

ISAÍAS 40:6

Ñeeäta oyeendu vae jei: “Esapúkai.” Jare che aparandu chupe: “¿Mbae pa jaeta asapúkai?” Esapúkai körai: “¡Opaete kuimbae reta ñana rami ko, opaete iyemboetea mbaepotɨ ñana rupigua rami ko!

San Mateo 14:31

Jupiveiño Jesús omondo ipo jare oipɨɨ Pedro. Jayave jei chupe: —Michi yae ndeporogüɨrovia. ¿Maera pa mbaetɨ rerovia ete cheré?

San Mateo 16:8

Jesús oikuaa chugüi mbae jei reta vae, jare jei chupe reta: —Michi yae iporogüɨrovia vae reta ¿Maera pa peyemongeta mbɨyape peruä vae re?

San Mateo 17:17

Jayave Jesús jei: —Oporogüɨroviambae jare ipɨapochɨ vae reta. ¿Kërai regua pa aikota pe reta ndive? ¿Kërai regua pa pogüɨropɨata? Peru cheve kuae pe.

San Mateo 17:20

Jare Jesús chupe reta: —Michi yae peporogüɨrovia ramo. Añete che jae peve, peporogüɨrovia mostaza jäɨ rami mona yave. Pepuereta pere kuae ɨvɨtɨ guasu pe: “Esɨrɨ kuae güi pea pe”, jare ojota ko. Jare ngaraa mbae yavai peve.

San Mateo 6:30

Tumpa omopöra yae ñana, yepe tëi añave oï ko pe jare pɨareve pe oyeapɨ. Vɨtei pa pe reta, omeeta ko peve peremimonderä, ¡iporogüɨrovia michi vae reta!

San Mateo 8:26

Jayave Jesús jei chupe reta: —¡Michi iporogüɨrovia vae reta! ¿Maera pa pekɨɨye? Jayave opüa jare oñeengata ɨvɨtu jare ɨguasu pe. Jare opaete voi kïrii ngatu opɨta.

San Lucas 8:25

Jare Jesús jei chupe reta: —¿Jama pa peporogüɨrovia? Jare jae reta okɨɨye jare ipɨakañɨ, jare jei oyoupe: —¿Mbae nunga kuimbae pa kuae? Ɨvɨtu jare ɨ ave oyapo jae jei vae.

Hebreos 6:7

Echa okɨ avei vae pegua ɨvɨ, oparavɨkɨ vae pe okuakuaa kavi jemitɨ jökorai Tumpa iporerekua jese;

1 Pedro 1:24

Echa jei: “¡Opaete kuimbae reta ñana rami ko, opaete iyemboetea ñana ipotɨ rami ko! Ñana yɨpi jare ipotɨ oa,