San Lucas 12:17 - Biblia Guarani Tumpa Iñee

¹⁷ Jare jae jei ipɨa pe iyeupe: ‘¿Mbae ra ayapota? Mbaetɨ ma chembaagüɨye jendarä.’

Nuevo Testamento Guaraní Pe

¹⁷ Jare cuimbae jei iyeupe ipɨa pe: ¿Mbae ra ayapota? Mbaeti ma cheavati jendara —jei, jei—.

San Lucas 12:17 ပူးပေါင်းရင်းမြစ်များ

ECLESIASTÉS 11:2

Renoigüe emboyao ïru vae pe, oime renoi rupi, echa mbaetɨ reikuaa ikavimbae outa kuae tëtaguasu re vae.

ISAÍAS 58:7

pemboyao perembíu oata chupe vae ndive vae, pemee oputuu vaerä paravete vae pero pe vae, pemboemimonde mbaetɨ jemimonde vae, jare mbaetɨ peikuaku mbae penoigüe perëtara güi vae.

San Mateo 16:7

Jayave jemimboe reta jei oyoupi ae: —Kuae jei, yaruä mbɨyape ramo.

San Mateo 5:42

Jaeramiño vi kia oyerure ndeve mbae re vae pe, emee, jare kia ombaeporu ndeve vae pe, eiporuuka.

San Lucas 10:25

Metei ara metei mborookuai re oporomboe vae oyemboɨ Jesús jóvai jare jei chupe oyavɨuka vaerä: —Oporomboe vae, ¿mbae pa ayapota anoi vaerä tekove opambae vae?

San Lucas 11:41

Pemee pepɨakatu reve penoigüe paravete vae reta pe. Jókuae rupi ïru vae reta oikuaata ikɨambae ko pepɨa.

San Lucas 12:16

Jayave jei chupe reta ombojaanga reve: “Metei kuimbae oikokatu vae jeta imbaagüɨye.

San Lucas 12:18

Jare jei: ‘¡Aikuaa ma! Tamboai cheavatío reta jare tamopüa pɨau ye tuicha vae, jare joko pe tañovatu opaete chembaagüɨye reta jare opaete chembaembae.’

San Lucas 12:22

Javoi Jesús jei jemimboe reta pe: “Jáeramo che jae peve, agüɨye peyemoambeko peyé, perembiurä vae re ani temimonde re.

San Lucas 12:29

Agüɨye peyemoambeko yae mbae ra peuta vae re, ani ïru mbaembae re.

San Lucas 12:33

Pemee pembaembae, jare jepɨgüe pemee paravete vae reta pe. Körai peyapo yave, penoita mbaeyekou opambae vae ara pe, imonda vae reta oikembaea pe jare kupii güɨrokomeguambaea pe.

San Lucas 16:3

Jayave jókuae tembiokuai jei iyeupe: ¿Mbae ra ayapota? Echa mbaetɨta ma aiko mbaembae iyangarekoarä. Echa akaapi vaerä, ngaraa chepuere. Ayerure vaerä, chemarata ko.

San Lucas 16:9

Che jae peve peiporu vaerä pembaembae kuae ɨvɨ pegua peyapo vaerä vɨa-ïru retarä. Echa oata ma pembaembae yave, jae reta pemboresiveta tëta opambae vae pe.

San Lucas 18:22

Jesús kuae oendu yave, jei chupe: —Oimeño mbae oata ndeve. Emee opaete mbaembae renoi vae, jare jepɨgüe emee paravete vae reta pe, jayave renoita mbaembae ara pe. Javoi eyu cherupíe.

San Lucas 19:17

Jayave iya jei jókuae jembiokuai pe: ‘Cherembiokuai ikavi vae. Ikavi yae ko reyapogüe. Reyeokuai kavi cheve kuae mbovɨ vae re ramo, reporookuaita payandepo tëta guasu re.’

San Lucas 3:11

Jare Juan jei chupe reta: —Oime yave kia mókoi temimonde güɨnoi, tomee metei mbaetɨ güɨnoi vae pe. Jare oime yave kia jeta tembíu güɨnoi, tomee mbaetɨ güɨnoi vae pe.

Hechos 16:30

Jayave güɨnoe reta oka pe jare jei chupe reta: —¿Mbae pa ayapota ayemboasauka vaerä?

Hechos 2:37

Kuae oendu reta yave, ipɨatɨtɨ yae reta, jare oparandu reta Pedro jare ïru temimondo reta pe: —Tëtara reta, ¿mbae pa royapota?

Romanos 12:13

Oporogüɨrovia vae oata mbae re vae pemborɨ. Pemboresive kavi mboupa.

1 Timoteo 6:17

Añave rupi oikokatu vae reta eyókuai, agüɨye toyembotuicha, agüɨye toyeko imbaeyekou reta re, jókuae ɨmambae opata vae re. Ërei toyeko Tumpa oikove vae re, jae omee yandeve opaete mbaembae yayerovia vaerä vae.

1 Juan 3:16

Kuae re yaikuaa kërai ko mboroaɨu vae, echa Jesucristo omano yanderé. Jaeramiño vi ikavi ko yande ñamee yanderekove ïru oporogüɨrovia vae reta re.