San Lucas 10:21 - Biblia Guarani Tumpa Iñee

²¹ Jókuae ora pe etei Jesús oyerovia jare jei: “Romboete cheRu, nde ko jae ara pegua reta jare ɨvɨ pegua reta iYa, echa reñomi mbaembae iyarakuaa vae reta güi, ërei reechauka oñemomichi vae reta pe. Ikavi ko cheRu. Echa jökorai ko jaekavi ndeve.”

Nuevo Testamento Guaraní Pe

²¹ Jocuae ora pe etei Jesús oyerovia jare jei: —Amee yasoropai ndeve, cheRu, quirai nde mbaeti remaeño cuae ɨvɨ pegua iyaracuaa vae reta re oicuaa vaera cuae mbaembae, erei reicuauca michia rami vae reta pe. Icavi co, cheRu. Echa icavi co ndeve reyapo vaera jocorai. Nde co jae ara pegua reta jare ɨvɨ pegua reta iYa —jei.

San Lucas 10:21 ပူးပေါင်းရင်းမြစ်များ

SALMOS 24:1

YandeYa imbae ko ɨvɨ jare opaete mbaembae oï pɨpe vae, jare opaete yogüɨreko pɨpe vae.

SALMOS 25:14

YandeYa oï oipoɨu chugüi reta vae ndive, chupe reta oechaukata iporogüɨrökuavee päve.

SALMOS 8:2

Michia reta rupi jare okambu vɨteri vae reta rupi remboyekuaa ndembaepuere nderovaicho reta jeko pegua. Remokïrii vaerä nderovaicho reta jare iyepɨse vae reta.

ISAÍAS 29:14

jáeramo, jekuae ayapo yeta mɨakañɨ kuae tëta pe, metei mɨakañɨ tuicha vae jare oporoiämondo vae; jayave yarakuaa katu vae reta iyarakuaa opata okañɨ, jare ipoki vae reta ipɨarakuaa opata vi okañɨ.”

ISAÍAS 35:8

Jare jokoropi oimeta tape, jókuae tape jeeta: “Tape Oñeñono tee vae”. Mbaetɨta oasa jokoropi ikɨa oï Tumpa jóvai vae; mbaetɨ iyarakuaa vae reta, ngaraa oguata kuae tape rupi.

ISAÍAS 53:11

Oechata oiporaragüe jekovia, jare ipɨakatuta opɨta; cherembiokuai jupi vae iyarakuaa katu rupi ombojupita jeta vae, güɨrajata jae reta iyoa.

ISAÍAS 62:5

Echa kunumi omenda kuñatai, mbaetɨ kuimbae ndive oasa vae rami, jökorai Tumpa omendata nde ndive. Kuimbae oyerovia katu jembireko ndive rami, jökorai neTumpa oyerovia katuta nde ndive.

ISAÍAS 66:1

YandeYa jei körai: “Ara ko jae cheguapɨa jenda, jare ɨvɨ ko jae chepɨ jenda; jayave, ¿ketɨ pa pepuereta peyapo cherorä?, jare ¿ketɨ pa peñonota cheputuúa rendarä?

SOFONÍAS 3:17

YandeYa oime oï nde ndive; ¡imbaepuere yae vae ko, jae ndereroasayepeta! Oyerovia katuta ndekotɨ. Iporoaɨu jeko pegua omeeta ndeve tekove pɨau otairari reve.

San Mateo 16:17

Jayave Jesús jei Pedro pe: —Reyekou ko Simón, Jonás taɨ. Echa cheRu ara pe oï vae ko oikuaauka ndeve kuae. Mbaetɨ ko kia oikuaauka ndeve.

San Mateo 21:16

Jayave jei reta Jesús pe: —¿Reendu pa kuae reta jei vae? Jesús jei chupe reta: —Aendu. ¿Mbaetɨ pa pemongeta kuae regua Tumpa Iñee pe oyekuatía oï vae? Echa jei: “Michia reta rupi jare okambu vɨteri vae reta rupi remboyekuaa ndembaepuere.”

San Mateo 3:7

Jare oecha jeta fariseo reta jare saduceo reta yogüeru Juan oporombobautisa oïa pe yave, jei chupe reta: “Pe reta ko jae mboi reta rami. ¿Kia pa omombeu peve peyerova vaerä Tumpa kotɨ, agüɨye vaerä jae oiporarauka peve?

San Marcos 10:15

Añete che jae peve, mbaetɨ yave pemboresive Tumpa iporookuaía metei michia rami, ngaraa peike Tumpa iporookuaía pe.

San Lucas 15:5

Jare oväe yave, ovoɨ güeru ye iyatiɨ re oyerovia yae reve.

San Lucas 15:9

Jare oväe chupe yave, omboatɨ opaete ivɨa-ïru reta jare jëta-ɨpɨ pegua reta, jare jei chupe reta: ‘Peyerovia che ndive. Echa aväe ye reare amokañɨ vae.’

San Juan 11:41

Jayave ombosɨrɨ reta ita tɨvɨa jöke güi. Jare Jesús omae ara kotɨ jare jei: —CheRu, amee yasoropai ndeve, nde reendu cheve vae re.

2 Corintios 4:3

Amogüe vae reta pe yavai yae ñee ikavi vae romombeu vae, ërei okañɨtei ñogüɨnoi vae reta pe ko jökorai.

Efesios 1:11

Iyɨpɨ güive voi yandeparavo ñanoi vaerä jae omeeta yandembaerä vae, jae oyapo opaete mbaembae ipɨa jemimbota rupi vae.

Efesios 1:5

iporoaɨu rupi iyɨpɨ güive voi yandeparavo yandeapo vaerä taɨ retarä Jesucristo rupi, jae ipɨa jemimbota rupi,