LEVÍTICO 9:22 - Biblia Guarani Tumpa Iñee

²² Jaɨkue rupi Aarón oupi ipo jeta vae reta kotɨ, jare jei ñee kavi ikotɨ reta; opa yave omee mbota Tumpa iñɨ̈ro vaerä mbaeyoa re vae, jare mɨmba oyeyukagüe opaetei oyeapɨ vae jare mɨmba oyeyukagüe yembopɨakatu pegua, osɨrɨ mɨmba oyeyuka oyeapɨ jese vae güi.

LEVÍTICO 9:22 ပူးပေါင်းရင်းမြစ်များ

1 REYES 8:55

oyemboɨ jare jei ñee kavi opaete Israel iñemuña reta pe iñeeäta reve körai:

1 CRÓNICAS 23:13

Amram taɨ reta jae Aarón jare Moisés. Tumpa oiparavo Aarón omee vaerä mbota reta oñeñono tee kavi yae vae, oapɨ vaerä ikäti kavi vae incienso yandeYa jóvai, oyeokuai vaerä jare jei avei vaerä ñee kavi, mbaravɨkɨ oyapo vaerä Aarón jare taɨ reta jekuae avei pegua.

2 CRÓNICAS 6:3

Javoi mburuvicha guasu oyerova omae Israel iñemuña reta yatɨ ñogüɨnoi vae kotɨ, jare jei ñee kavi ikotɨ reta; jare opaete Israel iñemuña reta oyemboatɨ vae oyemboɨ ñogüɨnoi.

SALMOS 72:17

¡Mburuvicha guasu jee toiko avei! ¡Tijërakua avei jee toiko, kuaraɨ oime ramboeve! ¡Jese toyekou opaete tëtaguasu reta! ¡Jese timiari kavi opaete tëtaguasu reta!

ÉXODO 39:43

Jare Moisés omae opaete mbaembae re, jare oecha oyapo reta yandeYa oyókuai rami, jare jei ñee kavi chupe reta.

NÚMEROS 6:22

YandeYa jei Moisés pe:

San Marcos 10:16

Jayave Jesús ovoɨ michia reta, oñono ipo jese reta, jare jei ñee kavi ikotɨ reta.

San Lucas 24:50

Jayave Jesús güɨraja reta Betania pe. Jayave oupi ipo ara kotɨ jare jei ñee kavi ikotɨ reta.

Hechos 3:26

Tumpa omopüa Taɨ peve, oyapo vaerä ikavi vae peve, metei ñavo peyerova vaerä Tumpa kotɨ pereko ikavimbae vae güi.”

2 Corintios 13:14

YandeYa Jesucristo ipɨakavi, Tumpa iporoaɨu jare Espíritu Santo iñemoïru toï opaete pe ndive. ¡Amén!

DEUTERONOMIO 10:8

Jókuae ara rupi yandeYa oiparavo Leví iñemuña reta, güɨraja vaerä käjou morogüɨrökuavee päve pegua, jare ñogüɨnoi vaerä yandeYa jóvai oyeokuai reta vaerä chupe, jare jei vaerä ñee kavi yandeYa jee re, añave rupi oyapo rami.

DEUTERONOMIO 21:5

Jaɨkue rupi toyogüeru sacerdote Leví iñemuña reta, echa yandeYa Tumpa ko oiparavo jae reta jei vaerä ñee kavi yandeYa jee re, jare iñee reta rupi oyemboapɨ vaerä ñeapo ani yoaka reta.

1 Pedro 3:9

ikavimbae oyapo peve vae pe agüɨye pemboekovia ikavimbae pe, agüɨye peyepopeyu oyepopeyu peré vae re, ërei peñee kavi, echa peikuaa ko peyeparavo penoi vaerä mborerekua.