LEVÍTICO 8:30 - Biblia Guarani Tumpa Iñee

³⁰ Javoi Moisés oipɨɨ michi mi olivo iasaite yeparavo pegua güi, jare michi mi tugüɨ mɨmba oyeyuka oyeapɨ jese vae re oï vae güi, jare oñapiramo Aarón jare jemimonde, taɨ reta jare jemimonde reta; jökorai oñono tee Aarón jare jemimonde sacerdote pegua, jare taɨ reta jare jemimonde sacerdote pegua reve.

LEVÍTICO 8:30 ပူးပေါင်းရင်းမြစ်များ

ÉXODO 28:2

Jare toyapo reta temimonde ikavi yae vae nderɨkeɨ Aarón pe, oyemboete kavi jare ipöra yae oyekuaa vaerä.

ÉXODO 29:21

Jare mɨmba oyeyuka oyeapɨ jese vae re tugüɨ oïta vae jare asaite ñeñono tee pegua, eñapiramo Aarón re jare jemimonde reta re; taɨ reta re jare jemimonde reta re. Körai jae jare taɨ reta oñeñono teeta opɨta, jökoraiño vi jemimonde reta.

ÉXODO 30:30

Aarón jare taɨ reta re epɨyere vi kuae asaite, jökorai eñono tee reta yogüɨreko vaerä chesacerdoterä,

ISAÍAS 61:1

YandeYa Tumpa iEspíritu oï cheré, echa yandeYa ko cheparavo; chembou amoërakua vaerä ñee ikavi vae oiporara vae reta pe, ambogüera vaerä ipɨatɨtɨ vae reta, amoërakua vaerä yeyora tembipɨɨ reta pe, jare tembipɨɨrɨru oyepea vaerä tembipɨɨ reta pe;

ISAÍAS 61:3

amee vaerä opaete Sión pe ipɨatɨtɨ ñogüɨnoi vae reta pe, oime vaerä mbaemboete, mbɨatɨtɨ jekovia pe, yerovia katu toñemee mbae ikäti vae rami temimonde mbɨatɨtɨ pegua jekovia pe; asoya yerovia pegua, mbɨatɨtɨ jekovia pe. Jare oyembojeeuka retata: “Ɨvɨra jupi vae”, yandeYa jemitɨ, jae iyemboetea peguarä.

LEVÍTICO 10:3

Jayave Moisés jei Aarón pe: —Körai voi ko yandeYa jei: “Chekotɨ yogüeru vae pe aechaukata che ko jae iyoambae, jare Israel iñemuña reta jóvai ayemboeteukata.” Jare Aarón kïrii opɨta.

LEVÍTICO 7:35

Jae ko kuae tembíu Aarón jare iñemuña reta imbaerä, mbota reta oyeapɨ cheve vae, jókuae ara jae oñono tee chesacerdoterä yave güive.

LEVÍTICO 7:36

Kuae mborookuai che amee chupe reta, jókuae ara jae reta oyeparavo Israel iñemuña reta güi yave güive, mborookuai jekuae avei pegua toiko peve jare peñemuña yoapɨ reta pe.

LEVÍTICO 8:12

Jare opɨyere olivo iasaite yeparavo pegua Aarón iñäka re, jökorai oñeñono tee vaerä Tumpa isacerdoterä.

NÚMEROS 3:3

Jae ko kuae Aarón taɨ reta jee, sacerdote oyeparavogüe reta, jae ko oñono tee oparavɨkɨ reta vaerä sacerdoterä.

Hebreos 2:11

Jesús oporoñono tee vae jare oñeñono teeuka vae reta Tumpa imbae päve ko; jáeramo Jesús mbaetɨ imara jei “cherɨvɨ reta”,

1 Pedro 1:2

yandeRu Tumpa peparavo, ndei ɨvɨ oyeapo mbove oikuaa voi pe reta peyeapota ko taɨ retarä. Espíritu Santo peñono tee Tumpa peguarä, peñeereendu katu vaerä jare peyeyoe vaerä Jesucristo jugüɨ pe. Tumpa ipɨakavi jare ipɨakatu toï jeta pe reta ndive.

1 Juan 2:27

Ërei Tumpa omee ma peve Espíritu Santo vae oiko pepɨa pe. Jáeramo mbaetɨ ma kia ipuere pemboe ye vaerä, echa Espíritu Santo etei pemboe opaete mbaembae re, jare añetete ko, mbaetɨ apu; jae pemboe rami peiko avei Jesucristo re.

Apocalipsis 7:14

Jare che jae chupe: “Cheru, nde ko reikuaa.” Jayave jae jei cheve: “Kuae reta ko jae yogüeru tembiporara guasu güi vae. Oputuka jemimonde jare omotïi Vecha kuimbae taɨrusu vae jugüɨ pe vae.