LEVÍTICO 8:22 - Biblia Guarani Tumpa Iñee

²² Jaɨkue rupi Moisés güeruruka ïru vecha kuimbae, sacerdote reta oñeñono tee pegua, Aarón jare taɨ reta oñono ipo jókuae mɨmba iñäka re.

LEVÍTICO 8:22 ပူးပေါင်းရင်းမြစ်များ

LEVÍTICO 7:37

Jae ko kuae mborookuai mɨmba oyeyukagüe opaetei oyeapɨ vae reta regua, mbota temitɨ jäɨgüe regua, mɨmba oyeyukagüe mbaeyoa regua, jare mɨmba oyeyuka ñɨ̈ro pegua regua, jare oñeñono tee Tumpa pe vae regua jare mɨmba oyeyukagüe yembopɨakatu regua.

LEVÍTICO 8:2

“Eraja Aarón jare taɨ reta, temimonde reta sacerdote pegua, olivo iasaite yeparavo pegua, toro taɨrusu vae oñemee cheɨ̈ro vaerä mbaeyoa re vae pegua, mókoi reve vecha kuimbae jare kanata raɨ mbɨyape oyembovumbae reta jɨru,

LEVÍTICO 8:29

Jare Moisés oipɨɨ ipɨtiagüe jare güɨrökuavee mbota oñererökuavee oñemee vae yandeYa jóvai, jókuae mbota ñeñono tee pegua topɨta Moisés imbaerä, yandeYa oyókuai vae rami.

San Juan 17:19

Kuae reta jeko pegua añeñono tee ma ndeveguarä, jae reta vi oñeñono tee vaerä neñee añete vae rupi.

1 Corintios 1:30

Ërei Tumpa etei peapo metei ramiño Cristo Jesús ndive. Echa Cristo Jesús rupi Tumpa omee yandeve arakuaa, yembojupi, ñaneñono tee jare yandereepɨ.

2 Corintios 5:21

Cristo mbaetɨ etei ko iyoa. Ërei Tumpa omae jese mbaeyoa etei rami yandereko pegua. Jökorai Cristo rupi yayembojupi vaerä.

Efesios 5:25

Kuimbae reta toaɨu jembireko, Cristo oaɨu oporogüɨrovia vae reta rami, echa jae oñemee omano vaerä jese reta,

Efesios 5:27

jökorai oporogüɨrovia vae reta imboetea yae reve güeru vaerä jóvai ikɨambae reve ani jova oñɨñɨimbae reve ani jókuae rami vae, jaeño ikɨambae etei, ikavi yae reve.