LEVÍTICO 8:14 - Biblia Guarani Tumpa Iñee

¹⁴ Javoi güeruruka toro taɨrusu vae ñɨ̈ro pegua; Aarón jare taɨ reta oñono ipo jókuae mɨmba iñäka re.

LEVÍTICO 8:14 ပူးပေါင်းရင်းမြစ်များ

SALMOS 66:15

Ameeta ndeve mɨmba oyemongɨragüe opaetei oyeapɨ vaerä vae vecha kuimbae; ameeta ndeve mɨmba oyeyukagüe toro jare kavara kuimbae.

ISAÍAS 53:10

Ërei opaete kuae reve yandeYa oiporarauka chupe, omee oiporara yae vaerä. Omee jekove mano pe, mbaeyoa omboai vaerä yave, oechata iñemuña reta, oiko pukuta, jare ipo pe yandeYa jemimbota oë kavita.

EZEQUIEL 43:19

Sacerdote reta Leví iñemuña pegua, Sadoc iñemuña reta, yogüeru chekotɨ oyeokuai reta vaerä cheve yave, emee jese reta metei toro taɨrusu vae mɨmba reta güi, cheɨ̈ro vaerä mbaeyoa re vae.

EZEQUIEL 43:20

Emboɨru jugüɨgüe jare eñapiramo mɨmba oyeyuka oyeapɨ vae re guakarätiecha vae reta re, jare irundɨ ekina re jare jembeɨ regua iyɨ́vɨri rupi. Jökorai reitɨota opaete mbaeyoa güi.

EZEQUIEL 44:27

Javoi oike ye tupao joka michi vae pe oyapo vaerä joko pegua mbaravɨkɨ yave, tomee iyé mɨmba oyeyukagüe Tumpa iñɨ̈ro vaerä mbaeyoa re vae. Che ndeYa Tumpa jae kuae.

LEVÍTICO 1:4

Jare toñono ipo jókuae mɨmba oyeyukata vae iñäka re, jare jese cheɨ̈rota chupe iyoa re.

LEVÍTICO 16:21

jare toñono ipo mókoi reve kavara kuimbae oikove vae iñäka re, jare tomombeu jese opaete Israel iñemuña reta oyapo mbae ikavimbae vae, opaete ipɨapochɨ reta, jare opaete iyoa reta, jökorai topa toñono mbaeyoa kavara kuimbae iñäka re, jare kuimbae oyeparavo jókuae peguarä vae togüɨraja tomondo ñuu kotɨ.

LEVÍTICO 16:6

Jare Aarón togüeruruka toro taɨrusu vae jae imbae, cheɨ̈ro vaerä mbaeyoa re, jare toyapo ñeñono kavi iyeupeguarä jare jo pegua reta peguarä.

LEVÍTICO 4:15

Jare Israel iñemuña itenondegua reta toñono ipo toro taɨrusu vae iñäka re cheróvai, jare joko pe toñaseokɨ̈ti jókuae toro taɨrusu vae.

LEVÍTICO 8:2

“Eraja Aarón jare taɨ reta, temimonde reta sacerdote pegua, olivo iasaite yeparavo pegua, toro taɨrusu vae oñemee cheɨ̈ro vaerä mbaeyoa re vae pegua, mókoi reve vecha kuimbae jare kanata raɨ mbɨyape oyembovumbae reta jɨru,

NÚMEROS 8:12

Jaɨkue rupi Leví iñemuña reta toñono ipo toro reta iñäka re; metei toñemee Tumpa iñɨ̈ro vaerä mbaeyoa re, jare ïru toñemee mɨmba oyeyuka opaetei oyeapɨ vaerä cheve, Leví iñemuña reta oyetɨo vaerä opɨta Tumpa jóvai.

Romanos 8:3

Echa Tumpa oyapo, mborookuai mbaetɨ ipuere oyapo vae, echa mborookuai ipuereä yandemborɨ yandeyoa jeko pegua. Jáeramo, ombou Taɨ kuae ɨvɨ pe, metei kuimbae iyoa vae rami, omano vaerä yandeyoa re. Jökorai omoamɨri mbaeyoa jókuae jete rupi;

2 Corintios 5:21

Cristo mbaetɨ etei ko iyoa. Ërei Tumpa omae jese mbaeyoa etei rami yandereko pegua. Jökorai Cristo rupi yayembojupi vaerä.

1 Pedro 3:18

Cristo vi metei veseño oiporara yandeyoa reta re. Jupi vae oiporara jupimbae vae reta re, yandereraja vaerä Tumpa pe. Jae jete omano kuimbae rami ërei oikove ye Espíritu pegua.