LEVÍTICO 7:31 - Biblia Guarani Tumpa Iñee

³¹ Jare sacerdote toapɨ ikɨragüe mɨmba oyeyuka oyeapɨ jese vae re, ërei ipɨtiagüe topɨta Aarón peguarä jare iñemuña reta peguarä.

LEVÍTICO 7:31 ပူးပေါင်းရင်းမြစ်များ

ÉXODO 29:26

Jare eekɨ vecha kuimbae ipɨtiagüe ñeñono tee pegua güi, Aarón imbae, jare erökuavee emee cheve mbota; jare toiko ndembaerä.

LEVÍTICO 3:11

Jare sacerdote toapɨ kuae reta mɨmba oyeyuka oyeapɨ jese vae re; mbota tembíu oyeapɨ vae ko cheveguarä.

LEVÍTICO 3:16

Jare sacerdote toapɨ kuae reta mɨmba oyeyuka oyeapɨ jese vae re; mbota tembíu oyeapɨ ipiche katu vae ko cheveguarä. Opaete mɨmba ikɨragüe chembae ko.

LEVÍTICO 3:5

Opaete kuae reta Aarón taɨ reta toapɨ mɨmba oyeyuka oyeapɨ jese vae re, mɨmba oyeyukagüe opaetei oyeapɨ vae ndive, yepea tata pe oï vae iárambo; mbota ipiche katu vae ko cheveguarä.

LEVÍTICO 5:13

Jare sacerdote toyapo chupe cheɨ̈ro vaerä iyoa re, jókuae mbaembae reta güi oyapogüe, jare cheɨ̈rota; jare jembɨregüe topɨta sacerdote peguarä, mbota temitɨ jäɨgüe oñemee vae rami.”

LEVÍTICO 6:16

Jare jókuae mbota güi jembɨregüe topɨta Aarón jare taɨ reta peguarä; oyembovumbae tou reta oñeñono teea pe, tupao guakapi pegua joka pe tou reta.

LEVÍTICO 6:26

Jókuae sacerdote omee kuae mbota kia iyoa re vae, tou jókuae soo; tou tupao guakapi pegua joka pe, oñeñono teea pe.

LEVÍTICO 7:34

Echa Tumpa oekɨ mɨmba oyeyukagüe reta yembopɨakatu pegua güi, Israel iñemuña reta omee vae güi ipɨtía oñererökuavee oñemee vae, jare iugüe mbota oñererökuavee oñemee cheve vae; kuae reta omee sacerdote Aarón peguarä jare iñemuña reta peguarä, mborookuai jekuae avei pegua toiko Israel iñemuña reta peguarä.”

LEVÍTICO 8:29

Jare Moisés oipɨɨ ipɨtiagüe jare güɨrökuavee mbota oñererökuavee oñemee vae yandeYa jóvai, jókuae mbota ñeñono tee pegua topɨta Moisés imbaerä, yandeYa oyókuai vae rami.

NÚMEROS 18:11

Amee vi ndeve, nderaɨ reta jare nderayɨ reta yogüɨreko nde ndive vae pe, opaete mbota Israel iñemuña reta omee cheve vae güi, jekuae avei pegua; opaete ndero pegua oyetɨo Tumpa jóvai vae ipuere jou jókuae güi.

NÚMEROS 18:18

Jare isoogüe ndembaerä ko; oñererökuavee oñemee vae ipɨtiagüe jare iugüe iyakatu kotɨgua, ndembaerä vi ko.

1 Corintios 9:13

¿Mbaetɨ pa peikuaa tupao pe oparavɨkɨ vae reta jou ko tembíu tupao pegua? Echa mɨmba oyeyukagüe oyeapɨ jesea pe oparavɨkɨ vae reta jou ko jókuae mɨmba oyeyukagüe isoo.

DEUTERONOMIO 18:3

Kuae topɨta sacerdote reta imbaerä opaete vae reta omee yave mɨmba oyeyukagüe toro ani vecha, toñemee chupe reta iugüe, jañɨkagüe jare iguaogüe,