LEVÍTICO 6:21 - Biblia Guarani Tumpa Iñee

²¹ Takɨpe pe tomboyɨ olivo iasaite pe oyemómbɨu vae, oyɨgüe togüeru, jare oñepɨ̈saagüe tomee ipiche katu vae cheveguarä.

LEVÍTICO 6:21 ပူးပေါင်းရင်းမြစ်များ

1 CRÓNICAS 23:29

Ñogüɨnoi vi oyangareko vaerä mbɨyape mbaemboete pegua oyemboyoarambo kavi vae re, trigokúi re, mbota temitɨ jäɨgüe re, mbɨyape ipïreriasɨ oyembovumbae re, mbota mbɨyape oyɨ takɨpe pe vae re, mbɨyape oyeapegüe re jare opaete mbaejäaka re.

1 CRÓNICAS 9:31

jare metei levita Matatías jee vae, Salum taɨrɨpɨ jae ko Coré iñemuña pegua vae, ipo pe oï oyapo avei vaerä mbɨyape mbotarä.

LEVÍTICO 11:33

Oipotagüe kuae mɨmba reta jëogüegüe oa yave ɨvɨyapepo pe, tikɨa topɨta Tumpa jóvai, jökorai vi opaete pɨpegua, jare toyeyoka jókuae ɨvɨyapepo.

LEVÍTICO 15:12

Jókuae imbaerasɨ vae oyavɨkɨ ɨvɨyapepo yave, toyeyoka, jare opaete ɨvɨra ñae toyeyoe ɨ pe.

LEVÍTICO 2:5

Ërei omee yave mbotarä temitɨ jäɨgüe takɨpe pe oyemboyɨ vae, toyapo trigokúi ipɨuasɨ vae oyembovumbae olivo iasaite pe oyemómbɨu vae.

LEVÍTICO 6:22

Jare Aarón taɨ reta güi oyeparavo sacerdote tenondeguarä Aarón jekovia pe vae, tomee vi mbota; cheporookuai ko jekuae avei pegua, jókuae mbota opaetei toyeapɨ.

LEVÍTICO 7:12

Oñemee yave mbota yasoropai pegua Tumpa pe, toñemee mɨmba oyeyukagüe ndive mbɨyape oyembovumbae olivo iasaite pe oyemómbɨu vae, jare mbɨyape ipïreriasɨ vae oyembovumbae olivo iasaite pe oñeapiramo vae, jare mbɨyape trigokúi ipɨuasɨ vae olivo iasaite pe oyemómbɨu vae.

LEVÍTICO 7:9

Jaeramiño vi opaete mbota oyemboyɨ horno pe vae, jare takɨpe pe ani ɨvɨyapepo pe vae, topɨta sacerdote omee mɨmba oyeyuka oyeapɨ jese vae re vae pe.