LEVÍTICO 6:17 - Biblia Guarani Tumpa Iñee

¹⁷ Agüɨye tomboyɨ reta mbae oyembovu pɨpe vae ndive; amee ko chupe reta mbota oyeapɨ oñemee cheve vae güi jae reta imbaerä; jae ko mbae oñeñono tee kavi yae cheve vae, mɨmba oyeyukagüe mbaeyoa re vae rami, jare mɨmba oyeyuka ñɨ̈ro peguarä vae rami.

LEVÍTICO 6:17 ပူးပေါင်းရင်းမြစ်များ

ÉXODO 29:37

Chiu ara emee mɨmba oyeyukagüe mbaeyoa oyemboai vaerä vae mɨmba oyeyuka oyeapɨ jese vae re, jare eñono tee jare toiko mɨmba oyeyuka oyeapɨ jese vae oñeñono tee kavi yae vaerä: Oipotagüe mbae oñátai mɨmba oyeyuka oyeapɨ jese vae, toñeñono tee topɨta.

ÉXODO 40:10

Epɨyere vi asaite yeparavo pegua mɨmba oyeyukagüe opaetei oyeapɨ jese vae re jare opaete jembiporu reta re; jökorai eñono tee mɨmba oyeyuka oyeapɨ jese vae, jare toiko oñeñono tee kavi yae vae.

LEVÍTICO 10:16

Jare Moisés oparandu kavara kuimbae oyeyuka Tumpa iñɨ̈ro vaerä mbaeyoa re vae re, ërei opa ma yepe oyeapɨ; jare iyarasɨ Aarón taɨ reta opɨtaño vae kotɨ, Eleazar jare Itamar kotɨ, jei:

LEVÍTICO 2:11

Agüɨye etei mbota oyembovugüe toñemee cheve; echa ngaraa etei ko mbae ombovu vae, ani ei yepe oyeapɨ cheve;

LEVÍTICO 2:3

Jare mbota güi jembɨregüe topɨta Aarón jare taɨ reta peguarä; mbae oñeñono tee kavi yae ete vae ko, mbota reta güi cheveguarä.

LEVÍTICO 6:25

“Ere Aarón jare taɨ reta pe: Jae ko kuae mborookuai reta kërai oyeapo vaerä mɨmba oñemee Tumpa iñɨ̈ro vaerä mbaeyoa re vae, mɨmba oyeyukagüe opaetei oyeapɨta vae oyeyukaa pe toñaseokɨ̈ti mɨmba mbaeyoa regua cheróvai; kuae ko mbae oñeñono tee kavi yae cheveguarä vae.

LEVÍTICO 6:26

Jókuae sacerdote omee kuae mbota kia iyoa re vae, tou jókuae soo; tou tupao guakapi pegua joka pe, oñeñono teea pe.

LEVÍTICO 6:29

Opaete sacerdote reta tou joko güi. Kuae ko mbae oñeñono tee kavi yae Tumpa peguarä vae.

LEVÍTICO 7:1

Jaeramiño jae kuae mborookuai kërai oyeapo vaerä mɨmba oyeyuka ñɨ̈ro pegua jare mbaemboepɨ oñemoïru reve vae. Kuae ko jae oñeñono tee kavi yae Tumpa peguarä vae.

LEVÍTICO 7:6

Opaete sacerdote reta tou joko güi oñeñono teea pe; kuae ko mbae oñeñono tee kavi yae Tumpa peguarä vae.

LEVÍTICO 7:7

Mɨmba oyeyuka mbaeyoa re vae rami ko mɨmba oyeyuka ñɨ̈ro peguarä vae; metei mborookuaiño togüɨnoi reta: Topɨta sacerdote imbaerä, jókuae mbota oyapo cheɨ̈ro vaerä mbaeyoa re vae pe.

1 Pedro 2:22

echa Cristo mbaetɨ etei iyoa. Mbaetɨ etei oporombotavɨ.