LEVÍTICO 6:11 - Biblia Guarani Tumpa Iñee

¹¹ Jaɨkue rupi toipoepɨ jemimonde reta, jare togüɨnoe jókuae tanimbu teyupa güi ikatu pe, ikɨambaea pe.

LEVÍTICO 6:11 ပူးပေါင်းရင်းမြစ်များ

ÉXODO 29:37

Chiu ara emee mɨmba oyeyukagüe mbaeyoa oyemboai vaerä vae mɨmba oyeyuka oyeapɨ jese vae re, jare eñono tee jare toiko mɨmba oyeyuka oyeapɨ jese vae oñeñono tee kavi yae vaerä: Oipotagüe mbae oñátai mɨmba oyeyuka oyeapɨ jese vae, toñeñono tee topɨta.

EZEQUIEL 44:19

Oë reta yave tupao joka tuicha vae kotɨ, ikatu pe, jeta vae ñogüɨnoia pe; tomboi iyeugüi jókuae temimonde reta lino pegua tupao pe oyeokuai yave omonde vae, jare toeya reta japɨpe peño, javoi tomonde reta ïru temimonde, agüɨye vaerä jeta vae reta re ova ñeñono tee.

LEVÍTICO 16:27

Jare togüɨnoe reta teyupa güi ikatu pe, toro taɨrusu vae jare kavara kuimbae mbaeyoa re oyeyuka vae, jugüɨgüe oyereraja o mbaemboetea pe vae, cheɨ̈ro vaerä mbaeyoa re; ipiregüe, isoogüe jare jepotigüe toyeapɨ tata pe.

LEVÍTICO 24:9

Aarón jare iñemuña reta imbaerä toiko jekuae avei pegua, jae reta tou o oñeñono teea pe; echa mbota reta oñemee cheve vae, mbota reta oñeñono tee kavi yae vae ko.”

LEVÍTICO 4:12

opaetei toñerenoe teyupa güi ikɨambaea pe, tanimbu oyemomboa pe, jare joko pe toapɨ reta tata pe yepea iárambo.

LEVÍTICO 4:21

Jare togüɨnoe toro taɨrusu teyupa güi, jare toapɨ tenonde toro taɨrusu oapɨ rami; cheɨ̈ro vaerä Israel iñemuña reta iyoa re.

LEVÍTICO 6:10

Jare sacerdote tomonde jemimonde igüɨ pegua lino pegua jare temimonde lino pegua, jare opa ma ókai mɨmba yave, tombosɨrɨ itanimbugüe mɨmba oyeyuka oyeapɨ jese vae güi, jare toñono mɨmba oyeyuka oyeapɨ jese vae iyɨpɨ pe.

LEVÍTICO 6:12

Jare mɨmba oyeyuka oyeapɨ jese vae re tata jendɨ oï vae agüɨye togüe. Sacerdote reta toñono yepea jese ndeimbove ñavo, jare toñono kavi jese mɨmba oyeyukagüe opaeteita oyeapɨ vae, jare toapɨ vi jese mbota yembopɨakatu pegua ikɨragüe.

LEVÍTICO 6:20

“Kuae mbota tomee Aarón jare taɨ reta cheve, jókuae ara oyeparavo reta yave sacerdoterä: Mókoi kilo trigokúi ipɨuasɨ vae, tomee mbɨte rupi ndeimbove yave jare mbɨte rupi kaaru yave, temitɨ jäɨgüe ara ñavo oñemee rami.

LEVÍTICO 6:22

Jare Aarón taɨ reta güi oyeparavo sacerdote tenondeguarä Aarón jekovia pe vae, tomee vi mbota; cheporookuai ko jekuae avei pegua, jókuae mbota opaetei toyeapɨ.

LEVÍTICO 7:6

Opaete sacerdote reta tou joko güi oñeñono teea pe; kuae ko mbae oñeñono tee kavi yae Tumpa peguarä vae.