LEVÍTICO 5:17 - Biblia Guarani Tumpa Iñee

¹⁷ Kia nunga vae mbae oyapo vae rupi iyoa yave, cheporookuai kotɨ agüɨyeta tëi oyeapo vae oyapo yave, yepe tëi oikuaambae reve oyapo, tijeko topɨta, toiporara iyoa re.

LEVÍTICO 5:17 ပူးပေါင်းရင်းမြစ်များ

SALMOS 19:12

¿Kia pa ipuereta oikuaa imbaeyoa reta? Chereepɨ mbaeyoa reta aikuaambae oï cheré vae güi.

LEVÍTICO 4:13

Israel iñemuña reta oyavɨ yave oikuaambae reve, jare mbaetɨ oikuaa ñogüɨnoi oyavɨ ko cheporookuai kotɨ vae; agüɨyeta tëi oyeapo vae oyapo reta vae rupi jeko reta,

LEVÍTICO 4:22

Metei mburuvicha oyavɨ yave oikuaambae reve che peYa Tumpa iporookuai reta kotɨ, agüɨyeta tëi oyeapo vae güi oyapo yave, iyoa ko.

LEVÍTICO 4:27

Kia nunga vae kuae tëta pegua oyavɨ yave oikuaambae reve che peYa iporookuai reta kotɨ, agüɨyeta tëi oyeapo vae güi oyapo yave, iyoa ko,

LEVÍTICO 5:15

“Kia nunga vae oyavɨ yave jare iyoa oikuaambae reve chekotɨ, mbaembae oñeñono tee vae omeeä yave, togüeru jeko re cheve metei vecha kuimbae jete kavi vae jɨmba reta güi, nde emae kavi jepɨ re, o mbaemboetea pe korepoti ipoɨ oñejäa rami, mbota mbaeyoa re oñemee vae ko.

LEVÍTICO 5:18

Kuae jeko pegua togüeru sacerdote pe metei vecha kuimbae jete kavi vae, cheɨ̈ro vaerä mbaeyoa re; nde emae kavi jókuae mɨmba jepɨ re, jare sacerdote toyapo chupe cheɨ̈ro vaerä iyoa re, oikuaambae reve oyavɨ vae re, jare cheɨ̈rota chupe.

LEVÍTICO 5:19

Echa oyavɨ ko, iyoa ko chekotɨ.”

San Lucas 12:48

Ërei tembiokuai mbaetɨ oikuaaä ramo oyavɨ vae yave, iya ngaraa jeta ete oinupa. Jókuae jeta oñemee chupe vae pe jeta vi oyeekata, jare jeta yae oñemee chupe vae pe jeta yaeta vi oyeeka.

Romanos 14:23

Ërei ipɨa pe oyemongeta jaekaviä ko jókuae jou vae yave, oyemboeko ma ko, echa mbaetɨ oyapo güɨrovia reve kavi. Opaete mbaetɨ yayapo mborogüɨrovia reve vae, mbaeyoa ko.