LEVÍTICO 4:24 - Biblia Guarani Tumpa Iñee

²⁴ Toñono ipo kavara kuimbae iñäka re, jare toñaseokɨ̈ti mɨmba oyeyukagüe opaetei oyeapɨ vae oñeaseokɨ̈tía pe cheróvai, cheɨ̈ro vaerä mbaeyoa re vae ko.

LEVÍTICO 4:24 ပူးပေါင်းရင်းမြစ်များ

2 REYES 12:16

Korepoti oñemee mbaeyoa re vae, jare teko re vae, mbaetɨ oyereraja yandeYa jo pe; echa sacerdote reta imbaerä ko.

2 CRÓNICAS 29:23

Jaɨkue rupi güɨraja reta mburuvicha guasu jóvai jare opaete vae jóvai kavara kuimbae reta Tumpa iñɨ̈ro vaerä mbaeyoa re, jare oñono reta ipo jókuae mɨmba reta iñäka re.

ÉXODO 29:38

Ara ñavo emee avei mɨmba oyeyuka oyeapɨ jese vae re, mókoi vecha kuimbae taɨrusu vae metei año vae.

ISAÍAS 53:6

Opaete yande reta yanderopa vecha reta jopa rami, metei ñavo opia jape jape ae rupi; ërei ngatu yandeYa oñono jese opaete yandeyoa.

LEVÍTICO 1:11

Jare toñaseokɨ̈ti mɨmba oyeyuka oyeapɨ jese vae güi ɨvɨtuguasu kotɨ cheróvai; jare sacerdote reta Aarón taɨ reta toñapiramo jugüɨgüe pe mɨmba oyeyuka oyeapɨ jese vae iyɨke yɨke re.

LEVÍTICO 1:4

Jare toñono ipo jókuae mɨmba oyeyukata vae iñäka re, jare jese cheɨ̈rota chupe iyoa re.

LEVÍTICO 1:5

Jayave toñaseokɨ̈ti toro taɨrusu vae cheróvai; jare sacerdote reta, Aarón taɨ reta tomee mɨmba jugüɨgüe, jare toñapiramo reta mɨmba oyeyuka oyeapɨ jese vae iyɨke yɨke re, tupao guakapi pegua jöke pe oï vae.

LEVÍTICO 14:13

Jare toñaseokɨ̈ti vecha kuimbae taɨrusu vae, mɨmba oyeyuka mbaeyoa re vae, mɨmba oyeyuka opaetei oyeapɨ vae oñeaseokɨ̈tía pe. Echa mɨmba oyeyuka mbaeyoa re vae jare mɨmba oyeyuka ñɨ̈ro pegua vae sacerdote imbaerä ko, mbae oñeñono tee kavi yae vae ko.

LEVÍTICO 16:15

Jaɨkue rupi toñaseokɨ̈ti kavara kuimbae tëta pegua reta iyoa re, cheɨ̈ro vaerä mbaeyoa re, jare togüɨraja jugüɨ tupao guakapi pegua japɨpe oñeñono tee kavi yae vae pe, jókuae asoya o imboyaoa japɨpe toyapo toro taɨrusu vae jugüɨgüe oyapo rami, toñapiramo ñɨ̈ro renda re jare jóvai kotɨ.

LEVÍTICO 3:13

Toñono ipo jókuae mɨmba iñäka re, jare toñaseokɨ̈ti tupao guakapi pegua jóvai; jare Aarón taɨ reta toñapiramo jugüɨgüe pe mɨmba oyeyuka oyeapɨ jese vae iyɨke yɨke re.

LEVÍTICO 3:2

Jare jókuae mbota omee vae toñono ipo mɨmba iñäka re, jare toñaseokɨ̈ti tupao guakapi pegua ikësea jöke pe, jare sacerdote reta Aarón taɨ reta toñapiramo jugüɨgüe pe mɨmba oyeyuka oyeapɨ jese vae iyɨke yɨke re.

LEVÍTICO 3:8

Toñono ipo jókuae mɨmba iñäka re, jare jaɨkue rupi toñaseokɨ̈ti tupao guakapi pegua jóvai; jare Aarón taɨ reta toñapiramo jugüɨgüe pe mɨmba oyeyuka oyeapɨ jese vae iyɨke yɨke re.

LEVÍTICO 6:18

Opaete kuimbae Aarón iñemuña reta tou joko güi, mborookuai oiko avei vae toiko peveguarä jare peñemuña reta peguarä kuae nunga mbota oyeapɨ cheveguarä vae, kuae ara güive tenonde kotɨ. Oipotagüe oñátai vae toñeñono tee topɨta oñeñono kavi ye regua.”

LEVÍTICO 6:22

Jare Aarón taɨ reta güi oyeparavo sacerdote tenondeguarä Aarón jekovia pe vae, tomee vi mbota; cheporookuai ko jekuae avei pegua, jókuae mbota opaetei toyeapɨ.

LEVÍTICO 6:25

“Ere Aarón jare taɨ reta pe: Jae ko kuae mborookuai reta kërai oyeapo vaerä mɨmba oñemee Tumpa iñɨ̈ro vaerä mbaeyoa re vae, mɨmba oyeyukagüe opaetei oyeapɨta vae oyeyukaa pe toñaseokɨ̈ti mɨmba mbaeyoa regua cheróvai; kuae ko mbae oñeñono tee kavi yae cheveguarä vae.

LEVÍTICO 7:2

Mɨmba oyeyukagüe opaetei oyeapɨta vae oyeyukaa pe toñaseokɨ̈ti mbota ñɨ̈ro pegua; jare jugüɨgüe pe toñapiramo mɨmba oyeyuka oyeapɨ jese vae iyɨke yɨke re.