LEVÍTICO 3:17 - Biblia Guarani Tumpa Iñee

¹⁷ Mborookuai jekuae avei pegua toiko peveguarä jare peraɨ reta peguarä, oipota rupi peikoa rupi, agüɨye peu mbaekɨra ani tugüɨ.”

LEVÍTICO 3:17 ပူးပေါင်းရင်းမြစ်များ

GÉNESIS 9:4

Ërei agüɨyeta peu soo jugüɨ reve. Echa jugüɨ re ko oï jekove.

2 CRÓNICAS 29:35

Jökorai oime jeta mɨmba oyeyukagüe opaetei oyeapɨ vae, mbota mbɨakatu pegua oñemee vae ikɨragüe ndive jare mbota vino oyepɨyere vaerä vae mɨmba oyeyukagüe opaetei oyeapɨ vae re. Jare jökorai oyeapo ye mbaravɨkɨ yandeYa jo pegua.

NEHEMÍAS 8:10

Jaɨkue rupi jei chupe reta: “Pekua, peu soo ikɨra kavi vae jare vino jëe kavi vae, jare pemee vi tokaru mbaetɨ güɨnoi vae reta; echa ara oñeñono tee yandeYa pe vae ko; agüɨye pepɨatɨtɨ, echa yandeYa Tumpa pegua yerovia ñanemomɨ̈rata vae ko.”

ÉXODO 27:21

Aarón jare taɨ reta toñogüɨnoi oyangareko vaerä jese, jendɨ vaerä cheróvai pɨ̈tu-ɨpɨ güive köe regua tupao guakapi pegua pe, käjou yemomaendúa pegua jóvai oï asoya vae güi ikatu pe. Kuae mborookuai toï jekuae avei pegua Israel iñemuña reta pe, jare jaɨkue rupigua reta pe.

ÉXODO 28:43

jare Aarón jare taɨ reta tomonde togüɨraja oike reta yave tupao guakapi pegua pe, ani oya reta yave mɨmba oyeyuka oyeapɨ jese vae re oyeokuai vaerä tupao guakapi pegua pe, agüɨye vaerä iyoa reta jare omano reta. Mborookuai opambae ko kuae chupegua jare iñemuña reta peguarä.

EZEQUIEL 33:25

Jáeramo, ere chupe reta: YandeYa Tumpa jei körai: ‘Pe reta peu soo jugüɨ reve, pemboete tumpa-raanga jare peporoyuka, ¿perovia pa jökorai reve peikota kuae ɨvɨ iyarä?

EZEQUIEL 44:15

Sacerdote reta Leví iñemuña pegua, Sadoc iñemuña reta, tupao re jekuaeño oyangareko reta cheve, Israel iñemuña reta oyembosɨrɨ chegüi yave vae reta, jókuae reta yogüeruta chekotɨ oyeokuai reta vaerä cheve, ñogüɨnoi retata cheróvai omee reta vaerä mɨmba ikɨragüe jare jugüɨgüe, jökorai che peYa Tumpa jae kuae.

EZEQUIEL 44:7

Pe reta pemongɨa chetupao, ketɨgua reta peru ipɨa oyembocircuncidambae jare isoo oyembocircuncidambae oike vaerä pɨpe vae rupi. Mbɨyape, mbaekɨra jare tugüɨ pemee vae rupi pemongɨa, pemboeteä cheporogüɨrökuavee, opaete ikavimbae yae peyapo vae rupi.

LEVÍTICO 10:15

Mɨmba ikɨragüe mbota oñemee oyeapɨ vaerä vae ndive togüeru reta ipɨtiagüe jare iugüe oñererökuaveeta vae, jare tomee mbota oñererökuavee oñemee yandeYa pe vae; jupi ko opɨta avei vaerä ndembaerä jare nderaɨ reta imbaerä, yandeYa oporookuai rami.

LEVÍTICO 10:9

“Peike tupao guakapi pegua pe nde jare nderaɨ reta ndive yave, agüɨye peu vino ani mbae oporombosavaɨpo vae, agüɨye vaerä pemano; mborookuai jekuae avei pegua toiko peñemuña reta pe,

LEVÍTICO 16:29

Kuae mborookuai jekuae avei pegua toiko peveguarä: Chiu yasɨa pe, payandepo araa pe jókuae yasɨ, peiporarauka peyeupe aeño, agüɨye peyapo mbae nunga mbaravɨkɨ ani ketɨgua reta ave pepɨte rupi yogüɨreko vae.

LEVÍTICO 16:34

Kuae mborookuai jekuae avei pegua toiko peveguarä: Pemee mɨmba oyeyukagüe cheɨ̈ro vaerä mbaeyoa re vae, metei vese año pe Israel iñemuña reta re.” Jare Moisés oyapo yandeYa oyókuai vae rami.

LEVÍTICO 17:7

Jare agüɨye ye mo pemee mɨmba oyeyukagüe aña reta pe, pemboete jeko pegua peñererokomegua, kuae mborookuai jekuae avei pegua toiko peveguarä jare peñemuña reta peguarä.

LEVÍTICO 19:26

Agüɨye peu soo jugüɨ reve. Agüɨye pembaekuaa, ani pemomora peikuaa vaerä mbae maratuta vae.

LEVÍTICO 23:14

Agüɨye peu mbɨyape ani trigo jäɨ oyeimbegüe ani ipɨaugüe, ndei peraja mbove mbotarä Tumpa pe, kuae mborookuai toiko avei peve jare peñemuña reta pe, oipota rupi peikoa rupi.

LEVÍTICO 23:21

Jókuae ara peyapo yemboatɨ mbaemboete pegua, agüɨye mbae nunga mbaravɨkɨ ipoɨgüe peyapo; mborookuai jekuae avei pegua toiko peve jare peñemuña reta peguarä oipota rupi peikoa rupi.

LEVÍTICO 24:3

Aarón toyangareko jese, opaete pɨ̈tu jendɨ vaerä ogüembae cheróvai, tupao guakapi pegua pe; käjou yemomaendúa pegua jóvai oï asoya vae güi ikatu pe. Mborookuai jekuae avei pegua toiko peñemuña reta pe.

LEVÍTICO 24:9

Aarón jare iñemuña reta imbaerä toiko jekuae avei pegua, jae reta tou o oñeñono teea pe; echa mbota reta oñemee cheve vae, mbota reta oñeñono tee kavi yae vae ko.”

LEVÍTICO 3:16

Jare sacerdote toapɨ kuae reta mɨmba oyeyuka oyeapɨ jese vae re; mbota tembíu oyeapɨ ipiche katu vae ko cheveguarä. Opaete mɨmba ikɨragüe chembae ko.

LEVÍTICO 4:1

YandeYa jei Moisés pe:

LEVÍTICO 6:15

Jare jókuae mbota trigokúi ipɨuasɨ vae güi toekɨ metei poagua, jare olivo iasaite, jare ikäti kavi vae incienso mbota ndive oï vae jare toapɨ mɨmba oyeyuka oyeapɨ jese vae re, jókuae mbota reta oñemee vae jekovia pe, mbae ipiche katu vae ko cheveguarä.

LEVÍTICO 6:18

Opaete kuimbae Aarón iñemuña reta tou joko güi, mborookuai oiko avei vae toiko peveguarä jare peñemuña reta peguarä kuae nunga mbota oyeapɨ cheveguarä vae, kuae ara güive tenonde kotɨ. Oipotagüe oñátai vae toñeñono tee topɨta oñeñono kavi ye regua.”

LEVÍTICO 6:22

Jare Aarón taɨ reta güi oyeparavo sacerdote tenondeguarä Aarón jekovia pe vae, tomee vi mbota; cheporookuai ko jekuae avei pegua, jókuae mbota opaetei toyeapɨ.

LEVÍTICO 7:23

“Ere Israel iñemuña reta pe: Agüɨye etei peu toro ani vecha kuimbae taɨrusu vae ani kavara ikɨragüe.

LEVÍTICO 7:34

Echa Tumpa oekɨ mɨmba oyeyukagüe reta yembopɨakatu pegua güi, Israel iñemuña reta omee vae güi ipɨtía oñererökuavee oñemee vae, jare iugüe mbota oñererökuavee oñemee cheve vae; kuae reta omee sacerdote Aarón peguarä jare iñemuña reta peguarä, mborookuai jekuae avei pegua toiko Israel iñemuña reta peguarä.”

LEVÍTICO 7:36

Kuae mborookuai che amee chupe reta, jókuae ara jae reta oyeparavo Israel iñemuña reta güi yave güive, mborookuai jekuae avei pegua toiko peve jare peñemuña yoapɨ reta pe.

NÚMEROS 19:21

Kuae mborookuai toiko jekuae avei pegua chupe reta. Jókuae japicha oñapiramo ɨ yetɨo pegua pe vae, toputuka vi jemimonde; jare ɨ yetɨo pegua oyavɨkɨ vae, tikɨa topɨta Tumpa jóvai pɨ̈tu regua.

San Mateo 16:24

Jayave Jesús jei jemimboe reta pe: —Kia nunga vae ikɨ̈reɨ ojo cherupíe vae, tiñakañɨ iyeugüi, tovoɨ ikurusu, jare tou cherupíe.

San Mateo 26:28

echa kuae jae ko cherugüɨ morogüɨrökuavee päve ipɨau vae pegua, oyepɨyereta Tumpa iñɨ̈ro vaerä jeta vae reta pe iyoa reta re.

Hechos 15:29

Agüɨye peu soo tumpa-raanga reta pe oñererökuaveegüe, jare mɨmba oyeyuvɨgüe isoo jare mbaerugüɨ. Agüɨye peyapo aguasa. Kuae roe peve vae peyapo yave, jaekavi ko. Tumpa ndiveño.”

Efesios 1:7

jugüɨ rupi yandereepɨ ma, Tumpa iñɨ̈ro vaerä yandeve yandeyoa reta re, ipɨakavi yae rupi,

Efesios 5:26

oñono tee vaerä iyeupeguarä, jare oyoe vaerä iñee rupi, ɨ pe mbae yayoe vae rami;

DEUTERONOMIO 12:16

Jaeño ete jugüɨgüe agüɨye peu, pepɨyere ɨvɨ re ɨ rami.

DEUTERONOMIO 12:23

Jaeño agüɨye peu jugüɨgüe, echa tugüɨ jae ko tekove, jayave agüɨye peu soo tekove ndive.

DEUTERONOMIO 12:24

Agüɨye peu, pepɨyere ɨvɨ re ɨ rami.

DEUTERONOMIO 15:23

Jaeño ete agüɨye peu jugüɨ, pepɨyere ɨvɨ pe ɨ rami.

DEUTERONOMIO 32:14

jare neche kɨra jou reta jare vecha ineche jou reta, jou reta vecha kuimbae taɨrusu vae ikɨra vae, jare vecha kuimbae jare kavara kuimbae ɨvɨ Basán pegua; jou reta trigo ikavigüe, jare vino, uva tɨgüegüe.

1 Timoteo 4:4

Echa opaete mbaembae Tumpa oyapogüe ikavi ko. Mbaetɨ ikavi ñaröɨro vaerä, ikavi ko yau ñamee reve yasoropai Tumpa pe.