LEVÍTICO 26:9 - Biblia Guarani Tumpa Iñee

⁹ Echa che ayerova yeta pekotɨ, jare pombokuakuaata jare pombojetata jare cheporogüɨrökuavee päve amoañeteta pe ndive.

LEVÍTICO 26:9 ပူးပေါင်းရင်းမြစ်များ

GÉNESIS 1:28

Jare iporerekua jese reta; jei chupe reta: “Peñemuña jare pemotɨnɨe jare peiporu ɨvɨ; peyangareko jare penoi mbaepuere jevae reta ɨ rupigua re, güɨra reta re, jare opaete mbaemɨmba reta omɨi ɨvɨ rupi vae re.”

GÉNESIS 17:20

Ismael regua aendu vi ndeve; cheporerekuata vi jese, jare amoñemuñata jeta yae; doceta taɨ reta, mburuvicharä kuae reta. Iñemuña reta güi oëta tëtaguasu tuicha yae vae.

GÉNESIS 22:17

añave añetete cheporerekuata nderé jare ambojetata neñemuña reta yasɨtata rami, jare ɨguasu jembeɨ rupi ɨvɨkuitï oï rami. Neñemuña reta opɨ̈rota jovaicho reta güi jëta.

GÉNESIS 26:4

Ambojetata neñemuña, ara re yasɨtata rami, jare ameeta ndeve opaete kuae ɨvɨ. Jare neñemuña rupi opaete tëtaguasu reta re outa mborerekua.

GÉNESIS 28:14

Neñemuña reta jeta yaeta ɨvɨkúi rami, reñemoaita kuaraɨ oikea kotɨ, jare kuaraɨ oëa kotɨ, ɨvɨtuguasu kotɨ jare arayevɨ kotɨ; jare opaete ɨvɨ pegua reta oyekouta nderupi jare neñemuña rupi.

GÉNESIS 28:3

Tumpa imbaepuere yae ete vae tiporerekua nderé jare tanemoñemuña jeta, reyeapo regua tëta tuicha yae vaerä.

GÉNESIS 48:4

Jei cheve: “Mase, che rombotuichata, rombojetata, roñonota tëtaguasu reta iyɨpɨrä; jare kuae ɨvɨ ameeta neñemuña reta nderaɨkue rupigua reta pe jekuae avei pegua.”

GÉNESIS 6:18

Ërei ayapo morogüɨrökuavee päve nde ndive: Nde reiketa arca pe nderembireko ndive, jare nderaɨ reta jembireko reve reve.

1 REYES 3:8

Jare che nderembiokuai aï kuae tëta reiparavogüe juvicharä: Tëta tuicha yae vae ko, mbaetɨ ipuere oyepapa jeta yae vae jeko pegua.

2 REYES 13:23

Ërei ngatu yandeYa güɨnoi mboroparareko ikotɨ reta, jare morogüɨrökuavee päve oyapo Abraham, Isaac, jare Jacob ndive jeko pegua mbaetɨ omokañɨtei jare mbaetɨ omombo iyeugüi; jökorai añave rupi mbaetɨ omokañɨtei.

NEHEMÍAS 2:20

Jare amboyevɨ chupe reta körai: —Tumpa ara pe oï vae ko oremborɨta, jare ore jembiokuai reta romboɨpɨ yeta mbaravɨkɨ, pe reta mbaetɨ ko mbae penoi kuae pe jare mbaetɨ vi mbae peyapo vaerä kuae Jerusalén pe.

NEHEMÍAS 9:23

Jare iñemuña reta rembojeta yasɨtata jeta yae rami, jare reru ɨvɨ nde reñererökuavee remee iñemuñagüe reta imbaerä vae pe.

SALMOS 107:38

Jae iporerekua jese reta, omoñemuña jetagüe; jökoraiño vi jɨmba reta.

SALMOS 89:3

Reyapo metei morogüɨrökuavee päve David ndive; reñererökuavee nderembiokuai reiparavo vae pe, rere:

ÉXODO 1:7

Jare Israel taɨ reta jeta yae oñemuña, jeiete okuakuaa reta jare imbaepuere yae reta, jökorai jae reta omotɨnɨe jókuae ɨvɨ.

ÉXODO 2:25

Tumpa omae Israel iñemuña reta re, jare oecha kërai yogüɨreko vae.

ÉXODO 6:4

Ayapo vi morogüɨrökuavee päve jae reta ndive, añererökuavee amee vaerä chupe reta ɨvɨ Canaán, ketɨgua rami yogüɨreko pɨpe vae.

ISAÍAS 55:3

Pemboɨke peapɨsa, peyeapɨsaka, peyu chekotɨ jare peikoveta; jare ayapota pe reta ndive, morogüɨrökuavee päve opambae, mboroparareko jekuae avei pegua David pe ayapo vae.

JEREMÍAS 23:3

Che etei aru yeta chevecha reta jembɨregüe, opaete ɨvɨ rupi amoaia kotɨ güi, jare aru yeta yogüɨrekosea pe; okuakuaata jare jeta oñemuña retata.

JEREMÍAS 23:4

Jare maangarekoa reta añonota oyangareko vaerä jese reta; jare ngaraa ye ma oipoɨu jare okɨɨye reta, ngaraa etei ma vi okañɨ reta. Che ndeYa ko jae kuae.”

JEREMÍAS 33:3

Eyerure cheve jare aenduta ndeve, amombeuta ndeve mbae tuicha vae jare oñemi oï ndegüi vae, nde reikuaambae vae.

EZEQUIEL 16:62

Jaeño cheporogüɨrökuavee päve ayapo vae amoañeteta nde ndive. Jayave chekuaata che ko jae ndeYa.

EZEQUIEL 36:9

Echa che aï pe ndive, oyeparavɨkɨta jare oñemaetɨta peré.

LEVÍTICO 26:15

peröɨro yave che jae vae, jare pepɨa etei güɨröɨro yave cheporookuai reta, peyapombae vaerä, jare mbaetɨ pemboete cheporogüɨrökuavee päve,

San Lucas 1:72

oiparareko vaerä ñaneñemuñagüe reta, imaendúa morogüɨrökuavee päve ikɨambae oyapogüe re;

DEUTERONOMIO 28:11

YandeYa pemboyekouta pembaembae rupi, peraɨ reta rupi, perɨmba imembɨ reta rupi, peremitɨ reta ia rupi, jókuae ɨvɨ güɨrökuavee jee re omee vaerä peñemuñagüe reta pe vae pe.

DEUTERONOMIO 28:4

Peyekouta peraɨ reta rupi, peremitɨ reta ia re, perɨmba reta imembɨ re, peguaka reta imembɨ re, jare pevecha reta re.

DEUTERONOMIO 7:13

Jare peraɨuta, iporerekuata peré, jare pemoñemuñata jeta, iporerekuata peñemuña reta re, pembaagüɨye reta re, petrigo re, peuva tɨgüegüe re, peolivo iasaite re, peguaka reta imembɨ re, jare pevecha reta re, jókuae ɨvɨ güɨrökuavee jee re peñemuñagüe reta pe vae, omeeta peve vae pe.

Hebreos 8:9

Mbaetɨta peñemuñagüe reta ndive morogüɨrökuavee päve ayapo rami, jókuae ara aipoko anoe ɨvɨ Egipto güi rami; echa yogüɨreko cheporogüɨrökuavee päve pe, jáeramo che aeya reta; che peYa ko jae kuae.