LEVÍTICO 26:39 - Biblia Guarani Tumpa Iñee

³⁹ Jare pegüi oimeño oikove vae omanota perovaicho reta iɨvɨ pe, ikavimbae vae peyapo jeko pegua; ¡pemanota peñemuñagüe reta iyoa jeko pegua jare peyoa jeko pegua!

LEVÍTICO 26:39 ပူးပေါင်းရင်းမြစ်များ

2 CRÓNICAS 34:24

Körai jei yandeYa: ‘Che aruta kuae tëta re jare yogüɨreko pɨpe vae reta re opaete ikavimbae, kuae tembikuatía pe oyekuatía oï vae reta, mburuvicha guasu Judá pegua jóvai omongeta reta vae.

ESDRAS 9:7

Oreñemuñagüe reta yogüɨreko güive voi ma roiko mbaeyoa rupi, orereko pɨ̈chɨi jeko pegua, ore, oreruvicha guasu reta, jare oresacerdote reta ndive, opa roñemeeuka ïru ɨvɨ pegua mburuvicha guasu reta ipo pe, royeyukauka, royererajauka oreɨvɨ güi, ropɨ̈rouka orembaembae, ñemomarai rupi roiko añave regua.

NEHEMÍAS 1:9

ërei ngatu, peyerova ye chekotɨ yave, peñovatu jare peyapo yave cheporookuai reta, yepe tëi opa peñemoai moai ketɨ ketɨ rupi, joko güi pogüeru yeta. Pogüeruta che aiparavo cheree oï vaerä pɨpea pe.’

ÉXODO 20:5

Agüɨye peyetavatɨka yepe jóvai, agüɨye vi pemboete, echa che ko jae peYa Tumpa, imbaepuere yae vae, jägüɨro vae, aiporarauka peñemuñagüe reta imbaeyoa re vae: Taɨ reta pe, jɨmɨmino reta pe jare vi jɨmɨmino reta jɨmɨmino pe, chemotareɨ vae reta,

ÉXODO 34:7

Jeta ñemuña reta re iporoparareko vae, iñɨ̈ro ikavimbae iyapoa pe, ipɨarai vae pe, mbaeyoa iyapoa pe, ërei mbaetɨ oeya jekombae rami mbae pɨ̈chɨi iyapoa, echa ko iñemuñagüe reta imbaeyavɨ oiporarata taɨ reta, jɨmɨmino reta, jɨmɨmino taɨ reta jare jɨmɨmino reta jɨmɨmino.

ISAÍAS 14:21

Peyupavo peyuka vaerä taɨgüe reta, tu reta oyapo ikavimbae vae jeko pegua, agüɨye vaerä oyemombae reta kuae ɨvɨ re, ani omotɨnɨe reta kuae ɨvɨ tëta guasu reta pe.”

ISAÍAS 24:16

Ɨvɨ iyapɨ kotɨ güi roendu otairari reta yandeYa pe körai: “¡Toyemboeteuka Jupi yae vae!” Ërei che jae: “¡Atataɨ, maera pa ko jökorai mbatee!” ¡Jupimbae reta oyapo ikavimbae yae vae!

JEREMÍAS 29:12

Jayave pe reta chereenɨita jare peyerureta cheve, jare che aenduta peve;

JEREMÍAS 3:25

Oreropa jare oremara yae, echa orendei güive añave regua, ore jare oreñemuñagüe reta oreyoa nde oreYa Tumpa kotɨ, jare mbaetɨ royapo nde rere vae.”

JEREMÍAS 31:29

Jókuae ara rupi ngaraa ye ma jei reta: ‘Tu reta jou uva jayasɨgüe jare taɨ reta jäi iyeɨ.’

LAMENTACIONES 1:3

Judá oyereraja tembipɨɨ, oiporara yae oï jasɨ katu yae reve; oï tëtaguasu reta ipɨte rupi jare mbaetɨ oväe mbutuu. Opaete jovaicho reta oupitɨ ɨvɨtɨ päu ipɨmiia pe.

LAMENTACIONES 4:9

Ñeraro pe omano vae reta ikaviño, yɨmbɨaɨ oyuka vae güi; echa jovaruru reta omano mbegüe pe, mbaetɨ tembíu ɨvɨ pe jeko pegua.

EZEQUIEL 18:19

Pe reta peparandu yave: ‘¿Maera ra taɨ oiporaraä vi tu iyoa re?’ Echa taɨ oyapo isɨmbi vae jare jupi vae, jare oyapo opaete cheporookuai reta; jáeramo oikoveta ko.

EZEQUIEL 20:43

Joko pe pemaenduata opaete pereko ikavimbae re, jare peyapogüe rupi peyemongɨa pɨpe vae re; jare pe aeño peñemotareɨta jeta mbaeyoa peyapo vae jeko pegua.

EZEQUIEL 24:23

Ngaraa peäka-güɨrai ani pepɨgüɨrai. Ngaraa peäpiro ani peyaeo. Pekañɨteita ikavimbae peyapo jeko pegua, pepɨatɨtɨ yaeta oyoe.

EZEQUIEL 33:10

Nde kuimbae, ere Israel iñemuña reta pe, körai: ‘Pe reta pere peyeupe: Yandepɨapochɨ jare yandeyoa reta jeko pegua ko opa ñakañɨtei ñaï. ¿Këraita ra yaikove jayave?

EZEQUIEL 36:31

Jare pemaendúa pereko ikavimbae re jare perembiapo ikavimbae re yave, pemarata peyeugüi aeño, peyoa jare ikavimbae peyapo jeko pegua.’

EZEQUIEL 4:17

Jare oata chupe reta ɨ jare tembíu yave, omae retata oyoe okɨɨye reve. Omano retata iyoa jeko pegua.”

EZEQUIEL 6:9

Kuae aroasayepegüe reta imaenduata cheré ïru tëtaguasu reta pe oyererajaukaa pe; imaendúa retata cheré, aiporarauka chupe reta vae re, mbaetɨ ramo jupi yogüɨreko cheve, jare omboete reta ramo tumpa-raanga reta. Jae reta imarata iyeugüi aeño, oyapo mbae ikavimbae yae vae jeko pegua.

OSEAS 5:15

Aja yeta aïa pe, jae reta oikuaa regua iyoa ko vae, yogüeru regua chereeka. ¡Oiporara reta ñogüɨnoi yave, chereekata!”

ZACARÍAS 10:9

Che ko amoai reta tëta guasu reta rupi, ërei yepe tëi ñogüɨnoi mombɨrɨ, imaenduata cheré, yogüɨrekota taɨ reta ndive jare oyerova reta yeta.

NÚMEROS 14:18

Tumpa mbaetɨ iyarasɨ raivi, jare tuicha yae iporoparareko, mbaeyoa jare pɨapochɨ re iñɨ̈ro, ërei jeko vae mbaetɨ oeya jökoraiño; jare oitɨ iyarasɨ tenondegua reta iyoa jeko pegua taɨ reta re, jare jɨmɨmino reta re, jɨmɨmino reta jɨmɨmino yoapɨ ye re.

DEUTERONOMIO 28:65

Jare peiko ramboeve jókuae tëtaguasu reta pe, mbaetɨta peiko pɨagüive, mbaetɨta peputuu kavi; echa yandeYa omeeta peve pɨakɨɨye, mbɨatɨtɨ jare yemoambeko.

DEUTERONOMIO 30:1

Ou güire peve opaete kuae mbaembae reta, mborerekua jare yepopeyu añono peiparavo vaerä vae, javoi peipoepɨ yave peyemongeta ikavimbae pepɨa pe penoi vae, opaete kerupi tëtaguasu reta yandeYa Tumpa pemomboa rupi,

DEUTERONOMIO 5:9

Agüɨye peyetavatɨka jóvai, agüɨye vi pemboete, echa che ko jae peYa Tumpa jägüɨro vae, aiporarauka peñemuñagüe reta pe iyoa re vae, taɨ reta, jɨmɨmino reta pe jare taɨ jɨmɨmino reta pe, chemotareɨ vae reta pe,

DEUTERONOMIO 8:20

Perovake yandeYa Tumpa opata omokañɨ tëtaguasu reta rami, pe opata pekañɨtei, mbaetɨ yave yandeYa Tumpa iñee jei vae peyapo.