LEVÍTICO 26:36 - Biblia Guarani Tumpa Iñee

³⁶ Jare pegüi oimeño oikove vae, perovaicho reta iɨvɨ pe, añonota ipɨa pe kɨɨye rai, metei ñana-roo oa yave ave okɨɨyeta, kɨsepuku pe kia omoña vae rami otekuaraita, oyepɨakata mbaetɨ kia omoña reve;

LEVÍTICO 26:36 ပူးပေါင်းရင်းမြစ်များ

GÉNESIS 35:5

Jare oë reta ma yave joko güi, Tumpa omee okɨɨye yae vaerä opaete tëta iyɨvɨrigua reta, jare mbaetɨ oaɨkuemoña reta Jacob taɨ reta.

GÉNESIS 4:12

Reparavɨkɨ yae tëi reve ngaraa neremitɨ oñemuña kavi ndeve. Reguata reteiñota jare reiporara reve reikota ɨvɨ ambuae rupi.

2 CRÓNICAS 14:14

Opüa reta vi opaete tëta guasu reta Gerar iyɨ́vɨri ñogüɨnoi vae re, echa yandeYa ombou kɨɨye guasu jese reta, jare omaepɨ̈ro opaete tëta guasu reta rupi, echa jeta yae imbaembae reta joko pe.

JOB 13:25

¿Remokañɨteita pa metei ñana-roo oagüe, ani reyapo pa ikavimbae kapii otinigüe pe?

SALMOS 53:5

Joko pe oime kɨɨye yavaetegüe, yepe tëi mbaetɨ mbae jeko pegua okɨɨye vaerä. Echa Tumpa opa omoai perovaicho reta ikägüe, ñemomarai pe opɨtata, echa Tumpa güɨröɨro reta.

SALMOS 53:6

¡Mbae mona ɨvɨtɨ Sión güi ou yemborɨ Israel pe! Tumpa güeru ye yave imbae vae reta, ovɨakatu yaeta Jacob, oyerovia yaeta Israel.

SALMOS 89:43

Jaimbepa reyapo ikɨsepuku reta, mbaetɨ remborɨ ñeraro pe.

PROVERBIOS 28:1

Iyoa vae otekuarai mbaetɨ tëi reve kia oaɨkuemoña, ërei jupi vae oiko okɨɨyembae reve yaguapope rami.

ISAÍAS 30:17

Metei tovaicho güi, petekuaraita mil pe reta, pandepo vae güi, opaeteita petekuarai, ɨvɨra jaeño oï ɨvɨtɨ guasu re rami, ani metei bandera oï ɨvɨtɨ re rami.

ISAÍAS 7:2

Jare omombeu reta Acaz, David iñemuña pe körai: “Siriaɨgua reta oñemoïru Efraín pegua reta ndive.” Jayave mburuvicha guasu jare opaete vae orɨrɨi ipɨa okɨɨye güi, kaa pe ɨvɨra reta okana ɨvɨtu yave rami.

ISAÍAS 7:4

jare ere chupe: ‘Eyeandu, jare eyembopɨaguasu; agüɨye ekɨɨye jare agüɨye eyembopɨtu, jókuae mókoi tatasɨgüe jätati ñogüɨnoi vae güi, Rezín mburuvicha guasu Siria pegua güi jare Peka, Remalías taɨ mburuvicha guasu Israel pegua pochɨ ñogüɨnoi vae güi.

JEREMÍAS 37:10

Echa, yepe mona opa pemoamɨri Caldeaɨgua sundaro reta ñeraro pe, mbovɨ iperegüe reta opɨta teyupa rupi vae, opüata ko oapɨ tëta guasu.”

JEREMÍAS 46:16

Ndesundaro reta ipɨ̈sa-yeyuka jare oyepɨaka reta, jare jei reta oyoupe: ‘¡Yaja kuae güi, yaja ye yandeɨvɨ pe, jókuae ɨvɨ yaa pɨpea pe! ¡Yatekuarai ñeraro yavaetegüe güi!’

LAMENTACIONES 1:3

Judá oyereraja tembipɨɨ, oiporara yae oï jasɨ katu yae reve; oï tëtaguasu reta ipɨte rupi jare mbaetɨ oväe mbutuu. Opaete jovaicho reta oupitɨ ɨvɨtɨ päu ipɨmiia pe.

LAMENTACIONES 1:6

Okañɨ, Sión ipöra yae vae; itenondegua reta, guasukaka oeka tëi kapii rami; añeapea yae ma oguata reta, oaɨkuemoña vae reta jenonde.

LAMENTACIONES 4:19

Oreraɨkuemoña vae reta, iñäkua yae ete güɨraké güi; ¡oreraɨkuemoña ɨvɨtɨ rupi! ¡Okätɨro kavi reta ñuu rupi oreré!

EZEQUIEL 21:12

Nde kuimbae, ¡neräse jare jasɨ katu reve eyaeo, echa kuae kɨsepuku oyukata chembae vae reta jare opaete mburuvicha reta Israel pegua! Jae reta omanota chembae vae reta ndive, ekua ndeu re ndepɨatɨtɨ güi;

EZEQUIEL 21:15

Kuae kɨsepuku oporomongɨɨye yaeta, jeta yaeta oporoyuka. Opaete o reta rupi oimeta kɨɨye kɨsepuku oporoyuka vae güi. Kuae kɨsepuku jembipe oï overa vaerä, oyeimbeeasɨ oporoaseokɨ̈ti vaerä vae.

EZEQUIEL 21:7

Jae reta jei yave ndeve: ¿Maera pa reyaeo? Nde ere chupe reta: Oime mbae jërakua; jare jókuae oyeapota yave, opaete vae ipɨatɨtɨta, mbaetɨ etei kia ipuereta mbae oyapo, orɨrɨita okɨɨye güi. Ko ma ou jare oyeapota, che ndeYa Tumpa jae.”

OSEAS 8:3

Ërei Israel pegua reta güɨröɨro ikavi vae, jókuae jeko pegua tovaicho reta pembotekuarai.

LEVÍTICO 26:17

Ayemboyovaichota pekotɨ, jare peñemoamɨriukata perovaicho reta pe; pemotareɨ vae reta güɨnoita mbaepuere peré, jare petekuaraita yepe tëi mbaetɨ kia peraɨkuemoña reve.

LEVÍTICO 26:35

Opaete ara reta ipombae ɨvɨ oiko ramboeve oputuuta, echa mbaetɨ pemombutuu jókuae ɨvɨ ara reta mbutuu pegua pe, peiko ramboeve pɨpe.

DEUTERONOMIO 1:44

Ërei ñogüɨnoe perovaicho reta peve yave, amorreo reta jókuae ɨvɨtɨ rupi yogüɨreko vae, peñemoñauka chupe reta kävee oporomoña rami, jare peñemoamɨriuka chupe reta Seir güive Horma kotɨ.

JOSUÉ 5:1

Opaete mburuvicha guasu, amorreo reta juvicha reta ɨ̈aka Jordán güi kuaraɨ oikea kotɨ ñogüɨnoi vae reta jare opaete mburuvicha guasu Canaán pegua reta, köiño yogüɨreko ɨguasu güi vae reta oendu kërai yandeYa opa omondɨpa ɨ̈aka Jordán Israel iñemuña reta opa oasa regua yave, okɨɨye yae reta, mbaetɨ oñemokɨ̈reɨ reta oñeraro vaerä Israel iñemuña reta ndive.

JOSUÉ 7:5

Jare Hai pegua reta oyuka Israel iñemuña reta güi treinta y seis rupi, jare omoña reta tëta jöke güive Sebarim kotɨ, jare omoamɨri reta yagüeyɨa pe. Jókuae jeko pegua opaete Israel iñemuña reta ipɨatɨtɨ yae jare ipɨa kɨɨye reta.

1 SAMUEL 17:24

Jare Israel iñemuña reta oecha yave kuae kuimbae, okɨɨye yae reta chugüi jare otekuarai.