LEVÍTICO 26:34 - Biblia Guarani Tumpa Iñee

³⁴ Jayave jókuae ɨvɨ oyekouta ara reta mbutuu pegua re, opaete ara reta ipombae oiko ramboeve, pe peiko ramboeve perovaicho reta iɨvɨ pe; jökorai jókuae ɨvɨ oputuuta jare oyekouta ara reta mbutuu pegua re.

LEVÍTICO 26:34 ပူးပေါင်းရင်းမြစ်များ

1 REYES 8:46

Iyoa reta ndekotɨ yave, echa mbaetɨta ko kia iyoambae, jare kuae re ndearasɨ chupe reta jare remee jovaicho reta ipo pe yave, güɨraja vaerä tembipɨɨrä köiño ani mombɨrɨ,

2 CRÓNICAS 36:21

oyembopo vaerä Tumpa jeigüe iñeemombeúa Jeremías rupi vae. Jökorai jókuae ɨvɨ oputuu kavi; echa oputuu opaete ara ipombae oiko ramboeve setenta año oupitɨ regua.

JEREMÍAS 34:17

Jáeramo, che peYa Israel iTumpa jae: Pe reta mbaetɨ peyapo cheporookuai, echa mbaetɨ peyora perëtara perembiokuairä pereko vae; jáeramo añave, che ambouta peve ñeraro, mbaerasɨ ovakatu vae jare karuai; jare poñonota ñemomarai pe opaete mborookuaía reta ñogüɨnoi ɨvɨ pe vae jóvai. Che peYa ko jae kuae.

LEVÍTICO 25:10

Jare año cincuenta peñono tee Tumpa peguarä, año yeyora pegua ko jare pemoërakua yeyora opaete jókuae ɨvɨ pe yogüɨreko vae reta pe. Toyogüɨraja ye metei ñavo iɨvɨ ae pe, jare metei ñavo tojo jëtara pɨri.

LEVÍTICO 26:35

Opaete ara reta ipombae ɨvɨ oiko ramboeve oputuuta, echa mbaetɨ pemombutuu jókuae ɨvɨ ara reta mbutuu pegua pe, peiko ramboeve pɨpe.

LEVÍTICO 26:43

Jare pe reta opata peeya peɨvɨ jare jókuae ɨvɨ oyekouta ara reta mbutuu pegua re, echa ipombae oikota ketɨ peiko ramboeve; jayave pe reta peiporara yaeta pereko kavimbae re, echa peröɨro jare pekuérai cheporookuai güi.