LEVÍTICO 26:33 - Biblia Guarani Tumpa Iñee

³³ Jare opata pomoai kerupi ïru tëtaguasu reta rupi, ñeraro rupi opata pomoai, peɨvɨ oikota ipombae jare perëta guasu reta tëtagüerä.

LEVÍTICO 26:33 ပူးပေါင်းရင်းမြစ်များ

1 REYES 8:46

Iyoa reta ndekotɨ yave, echa mbaetɨta ko kia iyoambae, jare kuae re ndearasɨ chupe reta jare remee jovaicho reta ipo pe yave, güɨraja vaerä tembipɨɨrä köiño ani mombɨrɨ,

2 REYES 25:9

jare oapɨ yandeYa jo, mburuvicha guasu jo, jare opaete o reta Jerusalén pegua; oapɨ opaete mburuvicha reta jo.

2 CRÓNICAS 7:19

Ërei pe reta peyerova jare peeya cheporookuai reta amee peve vae, jare pemboete tumpa ambuae reta yave,

NEHEMÍAS 1:3

Jare jei reta cheve: “Jókuae jembɨregüe reta, oasayepe tembipɨɨ güi vae reta, jókuae ɨvɨ pe opɨtagüe reta mbaetɨ etei ikavi ñogüɨnoi, ñemomarai rupi yogüɨreko reta; jare Jerusalén ikësea opa oyemboai oï, jare jöke reta opa oyeapɨ.”

NEHEMÍAS 1:8

Nemaendúa añave neñee re, nderembiokuai Moisés pe remee vae, rere reve: ‘Pe reta peyoa yave, che opata pomoai moai tëtaguasu reta rupi;

ESTER 3:8

Jare Amán jei mburuvicha guasu Asuero pe: —Oime metei tëtaɨgua reta oñemoai ñogüɨnoi opaete tëta reta ndembaepuere pe oï vae rupi, jare mborookuai jae reta güɨnoi vae ambuaeyee ko opaete vae güi, jare mbaetɨ omboete reta ndeporookuai, mbaetɨ jaekavi remaeño vaerä oikove reta.

SALMOS 106:27

omomichiuka vaerä tëtaguasu reta ñavo pe, jare opa omoai moai opaete ɨvɨ rupi.

SALMOS 44:11

Oremee vecha reta oyereraja mbaeyukaa pe rami; opa oremoai moai tëtaguasu reta rupi;

SALMOS 44:12

remeeiño ndembae vae reta, mbaetɨ etei rekovara kërai ave yepe.

ISAÍAS 1:7

Peɨvɨ reta opa opɨta ipombae, perëta guasu reta opa oyeapɨ, ketɨgua reta perovakei opa jou peremitɨ, tovaicho reta opa omboai oeya rami oï perëta.

ISAÍAS 6:11

Jare che jae chupe: “¿Kërai yave regua pa cheYa?” Jare jae jei cheve: “Tëta guasu reta opa oyemboai regua, ipombae opɨta regua; o reta ipombae opɨta regua, jare ɨvɨ ipombae opɨta regua,

JEREMÍAS 13:24

Jáeramo che opata pomoai moai, ɨvɨtu opa kapii javiyugüe güɨroveve ñuu pe rami.

JEREMÍAS 15:4

Ayapota chupe reta vae rupi opaete tëtaguasu reta okɨɨye yaeta, Manasés mburuvicha guasu Judá pegua, Ezequías taɨ jeko pegua, Jerusalén pe oyapo vae re.

JEREMÍAS 31:10

Tëtaguasu reta, peyeapɨsaka yandeYa iñee re, jare pemoërakua mombɨrɨ ɨguasu jembeɨ rupigua reta pe, pere: ‘YandeYa opa omoai moai Israel iñemuña reta, ërei omboatɨ yeta jare oyangarekota jese, vecha iyangarekoa, ivecha re oyangareko rami.’

JEREMÍAS 4:7

Yaguapope oë ma ikua güi, tëtaguasu reta imboaia oë ma oguata; iɨvɨ güi oë ndeɨvɨ omboai vaerä, nerëta guasu reta omboaita jare ipombae opɨtata.

JEREMÍAS 7:34

Amokañɨta Judá pegua tëta guasu reta güi jare kaye reta Jerusalén pegua güi, tairari yerovia katu arete pegua reta, jare tairari menda pegua reta; opaete kuae ɨvɨ oyemboaita opɨta.”

JEREMÍAS 8:3

Jókuae ñemuña reta jeko kavimbae güi jembɨregüe, kerupi che amoaia rupi ñogüɨnoia pe oeka eteita omano vaerä. Che ndeYa Imbaepuere yae ete vae, jae kuae.

JEREMÍAS 9:16

Opata amoai reta, kerupi ïru tëtaguasu reta oikuaambaea rupi, tu reta ave mbaetɨ oikuaa vae rupi; jare amondota ayukauka vaerä kɨsepuku pe opaetei okañɨtei regua.”

LAMENTACIONES 1:1

¡Kërai ipombae opɨta, tëta guasu jeta yepi pɨpe vae! ¡Kuae tëta guasu jërakua ïru tëtaguasu reta rupi vae, ou opɨta kuña imemano vae rami! Tenondeguarä oiko yepi vae, añave ombaemboepɨ vaerä ma oiko.

LAMENTACIONES 1:3

Judá oyereraja tembipɨɨ, oiporara yae oï jasɨ katu yae reve; oï tëtaguasu reta ipɨte rupi jare mbaetɨ oväe mbutuu. Opaete jovaicho reta oupitɨ ɨvɨtɨ päu ipɨmiia pe.

LAMENTACIONES 4:15

Opaete jei chupe vae: “¡Pesɨrɨ, jókuae ikɨa Tumpa jóvai vae güi! ¡Pesɨrɨ chugüi! ¡Agüɨye peyavɨkɨ!” Opa otekuarai reta jare opa oñemoai moai reta. Tëtaguasu reta jei oyoupe: “Ngaraa etei ma yogüɨreko ye kuae pe.”

LAMENTACIONES 4:16

Tumpa iyarasɨ rupi opa omoai moai, ngaraa ye ma omae jese reta. Echa mbaetɨ omboete reta sacerdote reta, mbaetɨ etei iporoparareko reta ndechi reta re ave.

EZEQUIEL 12:20

Opaete tëta guasu reta oyemboaita jare ɨvɨ opɨtata ipombae; jayave pe reta chekuaata, che ko jae peYa.’ ”

EZEQUIEL 20:23

Jaeramiño vi, chepo aupi reve jae chupe reta ñuu pe, opata amoai moai opaete tëtaguasu reta rupi vae,

EZEQUIEL 22:15

Romoaita opaete ïru tëtaguasu reta rupi, romoaita opaete ɨvɨ rupi, rotɨota opaete ndekɨa cheróvai vae güi;

EZEQUIEL 5:2

Remboapɨ yave jókuae ara reta reiporara Jerusalén re vae, eapɨ metei yemboyao ndea jókuae tëta iä mbɨte pe; jaɨkue rupi metei kɨse pe eyasɨa mokoía ndea remboyao vae tëta guasu ikupe rupi; jare mboapɨa ndea remboyao vae emombo ɨvɨtu güɨroveve vaerä. Che ajata jaɨkue reta metei kɨsepuku ndive chepo pe.

OSEAS 9:6

Jae reta opa otekuarai kañɨtei jeko pegua; Egipto pe yogüɨreko retata, tëta guasu Menfis pe opata oñeotɨuka reta. Ñana yuu reve vae opɨ̈rota imbaembae jepɨ vae, jeyupagüe pe okuakuaata ñurati.

AMÓS 9:4

Ani jovaicho reta pe opa oyererajauka tembipɨɨrä yave, joko pe oyeyukauka retata kɨsepuku pe; ¡amae aveita jese reta ainupa vaerä, mbaetɨta amborɨ vaerä!”

ZACARÍAS 7:14

Jare kusumirou guasu pe rami opa amoai moai reta tëtaguasu reta mbaetɨ oikuaa vae rupi, jare jaɨkue pe iɨvɨ ou opɨta ñuurä mbaetɨ kia ipuere oiko pɨpe. Tëta ikavi yae vae ou oyepoepɨ ñuurä.”

San Lucas 21:24

Jare oimeta oyeyukauka kɨsepuku pe vae. Jare oyererajata tembiokuairä opaete tëtaguasu reta rupi, jare judiombae vae reta omboaita Jerusalén, jae reta iara opa regua.”

DEUTERONOMIO 4:27

YandeYa opata pemoai moai tëtaguasu reta rupi, mbovɨ yae peyekuaata jókuae yandeYa pererajata vae ipɨte pe.

Santiago 1:1

Che ko Santiago, Tumpa jare yandeYa Jesucristo jembiokuai. Amondo tamaraeme doce ñemuña Israel pegua reta oñemoai ñogüɨnoi vae pe.