LEVÍTICO 26:31 - Biblia Guarani Tumpa Iñee

³¹ amokañɨteita perëta guasu reta, jare pembaemboete renda, jare ngaraa ma aëtu mbae ikäti kavi vae pegüi.

LEVÍTICO 26:31 ပူးပေါင်းရင်းမြစ်များ

GÉNESIS 8:21

YandeYa oëtu yave ipiche katu mbota, jei ipɨa pe: “Ngaraa ye ma ayepopeyu ɨvɨ re kuimbae jeko pegua, yepe tëi kuimbae taɨrusu güive ipɨa pɨ̈chɨi yae vae reño; ngaraa ye ma amboai opaete oikove vae añave ayapo rami.

2 REYES 22:19

jare reyembopɨatɨtɨ jare reñemomichi cheróvai reendu ramboeve kuae tëta regua jare pɨpegua reta kotɨ jae vae, echa opata oñemokañɨtei, jare yogüɨrekota susere rupi vae yave, nde remondoro nderemimonde ndepɨatɨtɨ güi jare reyaeo cheróvai, jare che aendu vi ndeve. Jáeramo che amee,

2 CRÓNICAS 36:19

Oapɨ reta vi Tumpa jo, ombosururu reta Jerusalén ikësea, oapɨ reta vi mburuvicha jo jare omboai opaete mbae jepɨ yae vae.

NEHEMÍAS 1:3

Jare jei reta cheve: “Jókuae jembɨregüe reta, oasayepe tembipɨɨ güi vae reta, jókuae ɨvɨ pe opɨtagüe reta mbaetɨ etei ikavi ñogüɨnoi, ñemomarai rupi yogüɨreko reta; jare Jerusalén ikësea opa oyemboai oï, jare jöke reta opa oyeapɨ.”

NEHEMÍAS 2:17

Jare jae chupe reta: —Pe reta peecha ikavimbae pe ko ñaï, Jerusalén ipoä oï vae, jare jöke reta opa oyeapɨ oï vae; ikavi ko ñamopüa ye Jerusalén ikësea, jare agüɨye mo yaiko kia yandeyóyai yóyai vaerä.

NEHEMÍAS 2:3

Jare jae mburuvicha guasu pe: —¡Eikove katu avei mburuvicha guasu! ¿Kërai pa mbaetɨta chepɨatɨtɨ oyekuaa, cheñemuñagüe reta jɨvɨa renda tëta guasu Jerusalén oyemboai oï jare jöke reta opa oyeapɨ oï reve?

ISAÍAS 1:7

Peɨvɨ reta opa opɨta ipombae, perëta guasu reta opa oyeapɨ, ketɨgua reta perovakei opa jou peremitɨ, tovaicho reta opa omboai oeya rami oï perëta.

ISAÍAS 6:11

Jare che jae chupe: “¿Kërai yave regua pa cheYa?” Jare jae jei cheve: “Tëta guasu reta opa oyemboai regua, ipombae opɨta regua; o reta ipombae opɨta regua, jare ɨvɨ ipombae opɨta regua,

ISAÍAS 63:18

¡Mbovɨ año rupiño ndembae vae reta oñeñono tee vae yogüɨreko ɨvɨ iyarä! Orerovaicho reta opa omboai ndero mbaemboetea pegua.

ISAÍAS 64:9

OreYa, agüɨye ndearasɨ yae, agüɨye vi nemaendúa avei oreyoa reta re. ¡Mase, ndembae vae ko opaete ore reta!

ISAÍAS 66:3

Toro oyuka omee cheve vae, kuimbae oyuka ramiño ko; vecha oyuka omee cheve vae, yaɨmba oñaseokɨ̈ti vae ramiño ko; mbota temitɨ jäɨgüe omee cheve vae, kuchi jugüɨgüe omee vae ramiño ko; mbota mbae ikäti kavi vae incienso omee cheve vae, tumpa-raanga reta omboete vae ramiño ko. Echa kuae mbaembae iyapoa reta, jae reta aeño, oiparavo yogüɨreko vaerä ikavimbae rupi, ipɨa oaɨu yae kuae mbaembae ikavimbae vae.

JEREMÍAS 22:5

Ërei mbaetɨ yave peyapo kuae oyemombeu peve vae, cheyé aeño añererökuavee, kuae mburuvicha guasu jo opaeteita oyemboai.’ ”

JEREMÍAS 26:6

che ayapota kuae tupao ndive, Silo ayapo rami. Jare kuae tëta guasu añonota yepopeyu pe, opaete tëtaguasu reta ɨvɨ pegua reta jóvai.’ ”

JEREMÍAS 26:9

¿Maera pa rere yandeYa jee re: ‘Kuae tupao oasata Silo oasa rami, jare kuae tëta guasu oyemboaita, ipombae opɨta regua’?” Jare opaete vae reta oyomboatɨ Jeremías kotɨ, yandeYa itupao pe.

JEREMÍAS 4:26

Amae, jare aecha ɨvɨ kavi ipombae oï, jare opaete tëta guasu reta oyemboai. YandeYa iyarasɨ yavaetegüe opa omboai kuae reta.

JEREMÍAS 4:27

YandeYa jei: “Opaete ɨvɨ oyemboaita, ërei ngaraa opaetei amokañɨtei.

JEREMÍAS 4:7

Yaguapope oë ma ikua güi, tëtaguasu reta imboaia oë ma oguata; iɨvɨ güi oë ndeɨvɨ omboai vaerä, nerëta guasu reta omboaita jare ipombae opɨtata.

JEREMÍAS 44:2

“Che peYa Imbaepuere yae ete vae Israel iTumpa, jae: ‘Pe reta peecha opaete susere reta ambou Jerusalén re vae jare Judá pegua tëta guasu reta re vae. Añave jókuae tëta guasu reta opa oyemboai oï, ipoä etei ñogüɨnoi,

JEREMÍAS 44:6

Jáeramo, chearasɨ oyepota metei tata rami tëta guasu reta Judá pegua re jare Jerusalén pegua kaye reta re. Jare opa oyemboai opɨta añave regua.

JEREMÍAS 52:13

jare oapɨ yandeYa itupao, mburuvicha guasu jo jare opaete o reta Jerusalén pegua; opaete o tuichagüe reta;

JEREMÍAS 9:11

Jerusalén tëtagüerä ayapota, opɨtata aguarayaɨmba reta jëtarä; jare tëta guasu reta Judá pegua opɨtata ipombae, mbaetɨta kia ave oiko pɨpe.”

LAMENTACIONES 1:1

¡Kërai ipombae opɨta, tëta guasu jeta yepi pɨpe vae! ¡Kuae tëta guasu jërakua ïru tëtaguasu reta rupi vae, ou opɨta kuña imemano vae rami! Tenondeguarä oiko yepi vae, añave ombaemboepɨ vaerä ma oiko.

LAMENTACIONES 1:10

Tovaicho reta oyemombae opaete Jerusalén pegua mbaembae jepɨ vae re. Jerusalén oecha ketɨgua reta oike o mbaemboetea pe vae, ¡reporookuai tëi agüɨye vaerä ketɨgua reta oike pɨpe vae pe!

LAMENTACIONES 2:6

Jo guakapi pegua omboai, küaraɨa ñairaka pegua oyemboai rami; yemboatɨa renda opa omboai. YandeYa opa omoakañɨ Sión pegua reta arete reta mbaemboete pegua güi jare ara reta mbutuu pegua güi. Iyarasɨ jeko pegua opa omombo mburuvicha guasu jare sacerdote.

LAMENTACIONES 2:7

YandeYa opa omombo, mɨmba oyeyuka oyeapɨ jese vae, güɨröɨro jo mbaemboetea; omee tovaicho ipo pe tëta guasu ikësea. Jare jae reta, ¡arete pe jeta yae vae oyeendu sapúkai rami yandeYa jo pe!

EZEQUIEL 12:20

Opaete tëta guasu reta oyemboaita jare ɨvɨ opɨtata ipombae; jayave pe reta chekuaata, che ko jae peYa.’ ”

EZEQUIEL 21:15

Kuae kɨsepuku oporomongɨɨye yaeta, jeta yaeta oporoyuka. Opaete o reta rupi oimeta kɨɨye kɨsepuku oporoyuka vae güi. Kuae kɨsepuku jembipe oï overa vaerä, oyeimbeeasɨ oporoaseokɨ̈ti vaerä vae.

EZEQUIEL 21:7

Jae reta jei yave ndeve: ¿Maera pa reyaeo? Nde ere chupe reta: Oime mbae jërakua; jare jókuae oyeapota yave, opaete vae ipɨatɨtɨta, mbaetɨ etei kia ipuereta mbae oyapo, orɨrɨita okɨɨye güi. Ko ma ou jare oyeapota, che ndeYa Tumpa jae.”

EZEQUIEL 24:21

‘Ere Israel iñemuña reta pe. YandeYa Tumpa jei körai: Che aröɨro jare amboaita chero mbaemboetea, peyembotuicha jese vae, pe reta peipota yae pemae jese vae; peraɨ reta jare perayɨ reta peeya joko pe vae, opata oyeyukauka reta.

EZEQUIEL 6:6

Oipota rupi peikoa rupi tëta guasu reta oyemboaita, jare pembaemboetea ɨvatea reta rupi oï vae oyemboaita. Mɨmba peyuka peapɨ pemee jese vae opaeteita oyemboai, petumpa-raanga reta, kuaraɨ iä penoi vae opata oyemboai; opaete mbae peyapogüe oyemboaita.

DANIEL 2:46

Jayave mburuvicha guasu Nabucodonosor oyetavatɨka itindɨasɨ ɨvɨ re jare oñemomichi Daniel jóvai, jare oporookuai oñemee vaerä chupe mbota jare ikäti kavi vae incienso omboete vaerä Tumpa.

AMÓS 7:9

Isaac iñemuña reta imbaemboetea ɨvɨtɨ regua reta opata oyemboai, jare Israel imbaemboetea reta opata oyemboai. ¡Ambouta ñeraro Jeroboam iñemuña reta kotɨ!

MIQUEAS 3:12

Jáeramo, Jerusalén tëta guasu ɨvɨtɨ Sión pegua, pereko pegua opata oyeara ko rami, opaeteita oikomegua megua, jare tupao iɨvɨtɨ re okuakuaata ɨvɨra.

SOFONÍAS 3:6

YandeYa jei: “Opa amboai tëtaguasu reta, opa amboai maeka reta tëta guasu ikësea regua; ikaye ipombae opɨta, mbaetɨ etei pɨpe vae.

San Lucas 21:24

Jare oimeta oyeyukauka kɨsepuku pe vae. Jare oyererajata tembiokuairä opaete tëtaguasu reta rupi, jare judiombae vae reta omboaita Jerusalén, jae reta iara opa regua.”

Hechos 6:14

Echa roendu jei jókuae Jesús Nazaret pegua omboaita kuae tupao, jare oipoepɨta yandegüi mboromboe Moisés omee yandeve vae.

Hebreos 10:26

Echa yandeyoa yave ñanekɨ̈reɨ reve añete vae yaikuaa güire, mbaetɨ ye ma kia oñemee vaerä mbaeyoa reta re;