LEVÍTICO 26:30 - Biblia Guarani Tumpa Iñee

³⁰ Amboaita pembaemboete renda ɨvɨtɨ re ñogüɨnoi vae, jare ambosururuta petumpa-raanga reta, jare añonota perëogüegüe petumpa-raanga reta oyekagüe iárambo rupi, echa pɨ̈chɨi yae ko cheve;

LEVÍTICO 26:30 ပူးပေါင်းရင်းမြစ်များ

GÉNESIS 19:13

Echa romokañɨteita kuae tëta, jeta yae ma ñeengeta kuae tëta regua yandeYa jóvai, jáeramo, yandeYa orembou romokañɨtei vaerä.

1 REYES 13:2

Jae iñeeäta reve jei Tumpa iñee, ikäti kavi vae incienso oyeapɨ jese vae kotɨ: “Mbota oyeapɨ jese vae, mbota oyeapɨ jese vae, körai jei yandeYa: ‘Mase, ko David jëtara güi oata metei michia raɨ, jeeta Josías, jae oapɨta nderé mbaemboetea pegua sacerdote reta ikäti kavi vae incienso oapɨ nderé vae reta; nderé oapɨta kuimbae ikägüegüe.’ ”

1 REYES 13:32

echa jae omoërakua yandeYa iñee ikäti kavi vae incienso oyeapɨ jese vae Bet-el pegua kotɨ vae oyembopota ko jare opaete tumpa-raanga jo mbaemboete renda ɨvɨtɨ rupigua tëta guasu reta Samaria pe vae kotɨ.

2 REYES 23:16

Josías oyerova ye yave, oecha tɨvɨa reta ɨvɨtɨ re, jare omondo güɨnoeuka maekägüe reta joko pe oï vae, jare oapɨ mɨmba oyeyuka oyeapɨ jese vae re omongɨa vaerä Tumpa jóvai. Jökorai oyembopo yandeYa jei iñeemombeúa rupi vae.

2 REYES 23:20

Oyuka vi mɨmba oyeyuka oyeapɨ jese vae re opaete sacerdoterä ñogüɨnoi mbaemboete renda ɨvɨtɨ rupigua rupi vae, oapɨ jese reta ïru sacerdote reta ikägüegüe. Javoi oyerova ye Jerusalén kotɨ.

2 REYES 23:8

Javoi oenɨiuka yogüeru vaerä opaete sacerdote reta tëta guasu reta Judá pegua güi; güɨröɨro güi omboai opaete mbaemboete renda ɨvɨtɨ rupigua sacerdote reta mburuvicha guasu oñono vae reta, oapɨ pɨpe ikäti kavi vae incienso vae reta, Geba güive Beerseba kotɨ; omboai vi mɨmba oyeyuka oyeapɨ jese vae reta, Josué jëta guasu juvicha jöke pe ñogüɨnoi vae, tëta guasu jöke iyasu kotɨ ñogüɨnoi vae reta.

2 CRÓNICAS 23:17

Kuae jaɨkue rupi opaete yogüɨraja reta oike Baal itupao guasu pe, jare omboai reta mɨmba oyeyuka oyeapɨ jese vae jare tumpa-raanga reta iä. Jare oyuka reta Matán, Baal isacerdote mɨmba oyeyuka oyeapɨ jese vae reta jóvai.

2 CRÓNICAS 31:1

Opa kuae mbaembae oyeapo yave, opaete Israel iñemuña reta ñogüɨnoi joko pe vae ñogüɨnoe tëta guasu reta Judá pegua rupi jare oyoka reta mbae iä reta ita pegua, jare oyasɨa Asera iä reta jare omboai reta o mbaemboete renda ɨvɨtɨ rupigua reta, jare mɨmba oyeyuka oyeapɨ jese vae reta opaetei omboai reta regua ɨvɨ Judá pe jare ɨvɨ Benjamín pe, jökorai vi ɨvɨ Efraín pe jare Manasés pe. Javoi opaete Israel iñemuña reta oyerova ye jëta guasu reta rupi, metei ñavo iɨvɨ ae ae rupi.

SALMOS 106:40

Jáeramo, yandeYa iyarasɨ imbae vae reta kotɨ, jare güɨröɨro imbae vae reta;

SALMOS 89:38

Ërei ngatu, reröɨro jare remombo mburuvicha guasu nde reiparavogüe; ¡ndearasɨ chupe!

ISAÍAS 27:9

Jare Jacob iñemuña reta pe iñɨ̈rota iyoa reta re, oiporu chupe reta vae oyapo yave, jae ko: Opa vaerä omonguruvi ita reta, itumpa reta pe mbota omee jese vae, tövati oyemonguruvi vae rami, agüɨye vaerä ma oyapo reta Asera iä, ani kuaraɨ iä reta yepe.

JEREMÍAS 14:19

CheYa, ¿remombo ete pa ko Judá? ¿Reröɨro pa tëta guasu Sión? ¿Maera pa ko orembopere, rokuerambae vaerä? Roäro tëi mbɨakatu, ërei mbaetɨ mbae ikavigüe ou oreve. Roäro tëi rokuera vaerä, jaeño jeiete kɨɨye ou oreve.

JEREMÍAS 16:18

Tenonde aiporaraukata täta chupe reta jeko kavimbae jare imbaeyoa reta re, echa omongɨa reta cheɨvɨ itumpa-raanga reta jekovembae pe, jare opaete ɨvɨ chembae rupi oyapo reta mbaembae che aröɨro vae.”

EZEQUIEL 16:39

Romeeta jae reta ipo pe; jae reta opata omboai ndembaemboete renda reta ɨvɨtɨ rupigua, jare mɨmba reyuka reapɨ remee jese vae reta. Opaeteita ndetɨrumboi reta, jare opɨ̈rota reñemopöra pɨpe vae reta; ndereeyata nenandiño jare ndepogüɨrai etei.

EZEQUIEL 43:7

jare jei cheve: “Nde kuimbae, kuae ko jae cheguapɨka mborookuaía pegua jenda, chepɨ amombutuúa; kuae pe aikota Israel iñemuña reta ipɨte pe jekuae avei rupi. Ngaraa ye ma Israel iñemuña reta omongɨa cheree ikɨambae, jae reta jare juvicha guasu reta teko pɨ̈chɨi oyapo reta vae rupi, juvicha guasu reta omano yave ave ngaraa ma omopüa reta iägüe.

EZEQUIEL 6:13

Jökorai chekuaata, che jae ko peYa, peecha yave tëogüe reta petumpa-raanga reta ipɨte rupi, mɨmba peyuka peapɨ pemee jese vae iyɨ́vɨri rupi, ɨvɨtɨ raɨ reta ikúa rupi, ɨvɨtɨ reta iyapɨte rupi, ɨvɨra reta iküaraɨa kavía rupi, ɨvɨra encina jee vae igüɨ rupi, ikäti kavi vae incienso peapɨ opaete petumpa-raanga reta pe vaea rupi.

OSEAS 10:2

Israel ipɨayoyavi, añave oiporarata iyoa re. YandeYa opata oyoka chugüi mɨmba oapɨ reta omee jese vae, jare omboaita itumpa-raanga reta.

LEVÍTICO 20:23

Agüɨye pemomoe jókuae ɨvɨ güi amoëta perenonde güi vae reta jeko; echa jae reta oyapo opaete kuae ikavimbae, jáeramo mbaetɨ chepɨaguasu chupe reta jeko re.

LEVÍTICO 26:11

Jare che aikota pepɨte pe, ngaraa pogüɨröɨro;

LEVÍTICO 26:15

peröɨro yave che jae vae, jare pepɨa etei güɨröɨro yave cheporookuai reta, peyapombae vaerä, jare mbaetɨ pemboete cheporogüɨrökuavee päve,

AMÓS 6:8

YandeYa Tumpa jei jee re aeño, yandeYa Tumpa Imbaepuere yae ete vae jei: “Aröɨro Jacob iñemuña reta ipɨayemboete jare jo kavi reta; ameeta tëta jare pɨpegua reta jovaicho reta ipo pe.”

AMÓS 7:9

Isaac iñemuña reta imbaemboetea ɨvɨtɨ regua reta opata oyemboai, jare Israel imbaemboetea reta opata oyemboai. ¡Ambouta ñeraro Jeroboam iñemuña reta kotɨ!

DEUTERONOMIO 32:19

Jare jókuae yandeYa oecha yave iyarasɨ, taɨ jare tayɨ reta iporogüɨröɨro ikotɨ ramo;