LEVÍTICO 26:14 - Biblia Guarani Tumpa Iñee

¹⁴ Ërei ngatu mbaetɨ yave peendu, jare mbaetɨ yave peyapo kuae cheporookuai reta,

LEVÍTICO 26:14 ပူးပေါင်းရင်းမြစ်များ

2 REYES 22:13

“Pekua peparandu yandeYa pe cheré, jare opaete vae re, jare opaete Judá pegua reta re, kuae tembikuatía pe ñee reta oñeväe vae regua; echa yandeYa iyarasɨ yae ko yandekotɨ, ñaneñemuñagüe reta mbaetɨ kuae tembikuatía pegua ñee reta jei vae oendu jeko pegua, mbaetɨ vi oyapo reta opaete oyekuatía oï pɨpe vae.”

2 CRÓNICAS 34:24

Körai jei yandeYa: ‘Che aruta kuae tëta re jare yogüɨreko pɨpe vae reta re opaete ikavimbae, kuae tembikuatía pe oyekuatía oï vae reta, mburuvicha guasu Judá pegua jóvai omongeta reta vae.

2 CRÓNICAS 7:19

Ërei pe reta peyerova jare peeya cheporookuai reta amee peve vae, jare pemboete tumpa ambuae reta yave,

SALMOS 81:12

Jáeramo amaeño oyapo reta ipɨa jemimbota, yogüɨreko reta iyemongeta ae rupi.

PROVERBIOS 3:33

YandeYa iyepopeyu oï jupimbae jo re, ërei iporerekua oï, jupi vae reta jo re.

JEREMÍAS 11:8

Ërei mbaetɨ oyeapɨsaka ani oyapo reta che jaegüe, oyapo reta ipɨa jemimbotaño. Mbaetɨ oipota oyapo reta che jae vae ramo, ambou chupe reta tembiporara reta kuae morogüɨrökuavee päve pe oyekuatía oï vae.’ ”

JEREMÍAS 17:27

Ërei pe reta mbaetɨ yave peyapo cheporookuai, peñono tee vaerä cheve ara mbutuu, jekuaeño peroike pevoɨta Jerusalén jöke rupi yave, che ayatapɨta jókuae öke reta re, jare opata oapɨ o kavi reta Jerusalén pegua, jare ngaraa kia ipuere ombogüe.’ ”

JEREMÍAS 26:4

Ere chupe reta, körai jei yandeYa: ‘Peendúä cheve peguata vaerä cheporookuai añono peróvai vae rupi yave,

JEREMÍAS 28:8

Tenonde yogüɨreko ñeemombeúa reta ndei che ani nde reiko mbove vae, omoërakua reta ñeraro, tembiporara jare mbaerasɨ ovakatu vae opaete tëtaguasu reta kotɨ jare mborookuaía reta kotɨ.

JEREMÍAS 32:23

Ërei ngatu, jae reta oike ma oñemoëta pɨpe yave, mbaetɨ oendu ndeporookuai reta ani oipota oyapo reta nde reyókuai oyapo vaerä vae. Jáeramo rembou chupe reta opaete kuae susere yavaetegüe.

JEREMÍAS 40:2

Sundaro omaeäro vae reta juvicha oenɨi Jeremías ïkotɨa jare jei chupe: “NdeYa Tumpa omoërakua kuae ikavimbae ombou vaerä kuae ɨvɨ re,

LAMENTACIONES 1:18

YandeYa, jupi ko; che ayembopɨapochɨ iñee kotɨ. ¡Añave, peendu opaete ɨvɨ pegua reta, pemae kuae aiporara yae aï vae re! ¡Chekunumi reta jare chekuñatai reta opa oyereraja tembipɨɨrä!

LAMENTACIONES 2:17

YandeYa jei oyapo vaerä vae, oyapo; ombopo iñee, jókuae arakae güive ma jei oiko vaerä vae; oporomboai iñɨ̈rombae reve; omaeño nderovaicho reta ndeyóyai yóyai vaerä, jare omee nderovaicho reta imbaepuere yae vaerä.

DANIEL 9:13

Opaete kuae ikavimbae rembou oreré, Moisés iporookuai pe oyekuatía oï rami etei; ërei ore mbaetɨ roeka nde oreYa Tumpa, mbaetɨ roeya orereko ikavimbae, mbaetɨ vi roiko ndeporomboe añetete vae rupi.

OSEAS 7:12

Ërei yogüɨraja yave jokotɨ, amombota jese reta chepɨsa; aitɨta güɨra reta oa pɨsa pe rami, aipɨɨta iyoa reta jeko pegua.

LEVÍTICO 26:18

Ërei opaete kuaekuae reve mbaetɨño peendu cheve yave, che ayerovata pekotɨ aiporarauka vaerä peve chiu ye, peyoa reta jeko pegua.

MALAQUÍAS 2:2

Mbaetɨ yave peendu jare mbaetɨ yave pepɨakatu reve chemboete, ayepopeyuta peré jare mbaembae penoi vae re, echa mbaetɨ chemboete pepɨakatu reve.” Jei yandeYa Imbaepuere yae ete vae.

Hechos 3:23

Jare oime yave kia mbaetɨ oyeapɨsaka jókuae ñeemombeúa re vae, oyemombota ko ïru vae reta ipɨte güi.

Hebreos 12:25

Jáeramo peyeandu, agüɨye peäteɨ peyeapɨsaka imiari yandeve vae re, echa mbaetɨ ojoyepe jókuae ñäteɨ oyeapɨsaka kuae ɨvɨ pe omboarakuaa tëi vae reta, vɨtei pa yande ñaneäteɨ yayeapɨsaka yave ara güi yandemboarakuaa vae re.

JOSUÉ 23:15

Ërei opaete ñee kavi reta yandeYa Tumpa jei peve vae oyembopo rami, jökorai vi yandeYa güeruta peré opaete ñee kavimbae, opa regua pemokañɨtei kuae ɨvɨ kavi jae omee peve vae iárambo güi,

JUECES 2:15

Jare ñeraroa pe yogüɨraja reta yave, yandeYa mbaetɨ omborɨ reta, jae jei rami, oñererökuavee omombeu kavi voi chupe reta rami; jare oiporara yae reta.

1 SAMUEL 12:15

Ërei mbaetɨ peyapo yandeYa iporookuai yave, peñeereenduä yandeYa kotɨ yave, jae oiporaraukata peve jare peruvicha guasu pe, peñemuñagüe reta pe oiporarauka rami.