LEVÍTICO 25:39 - Biblia Guarani Tumpa Iñee

³⁹ Kia nunga perëtara iparavete opɨta pépɨri oiko reve yave, jare oñemee peve, agüɨye peyókuai tembiokuai oyeguagüe rami;

LEVÍTICO 25:39 ပူးပေါင်းရင်းမြစ်များ

1 REYES 9:22

Ërei mbaetɨ metei ave omombaravɨkɨ Israel iñemuña reta tembiokuai rami, jaeño oñono ñeraro reguarä, sundaro juvicharä, käretou iyangarekoarä, jare kavayu reguarä.

2 REYES 4:1

Metei kuña, ñeemombeúa jembirekogüe ojo iñeengeta Eliseo pe, jei reve: —Cheme omano, jare nde reikuaa jae oipoɨu yandeYa güi vae ko; jare ou orepía iya güɨraja vaerä chegüi mókoi reve chemembɨ reta tembiokuairä.

2 CRÓNICAS 28:10

Jaeramiño vi Judá pegua reta jare Jerusalén pegua reta opa peñono yogüɨreko vaerä perembiokuairä. Jayave ¿pe reta mbaetɨ pa ko peyoa yandeYa Tumpa kotɨ?

NEHEMÍAS 5:5

“Ore mbaetɨ ko ambuae vae orerëtara reta güi, oremichia reta mbaetɨ ko ambuae vae imichia reta güi; ërei, ore opa romee oreraɨ jare orerayɨ reta yogüɨreko vaerä tembiokuairä. Jare oime ma ko amogüe orerayɨ reta ñogüɨnoi jökorai, añave ore mbaetɨ orepuere mbae royapo, echa oreɨvɨ jare oreuvarupa reta ïru vae reta imbae ma ko.”

ÉXODO 1:14

Oiporarauka yae chupe reta mbaravɨkɨ rupi, oyapouka chupe reta tuyuapo jare ladrillo jare opaete mbaravɨkɨ kó rupigua rupi; jare opaete mbaembae oyapouka chupe reta vae rupi omombaravɨkɨasɨ katu yae.

ÉXODO 21:2

Pegua yave tembiokuai perëtara hebreo, ova año toyeokuai, ërei chiúa año pe toyeyora iya güi oyemboepɨmbae reve,

ÉXODO 22:3

Ërei ara pe ko yave, jókuae oporonupa vae tijeko imano re. Imonda vae tomboepɨ opaetei oñomi vae jepɨgüe, ërei mbaetɨ yave güɨnoi korepoti, jae etei toñemee jókuae oñomigüe jepɨrä.

JEREMÍAS 25:14

Tëtaguasu reta tuichagüe jare mburuvicha guasu reta imbaepuere yae vae ipo pe oa retata vi Caldeaɨgua reta. Jökorai aiporaraukata chupe reta jeko reta oï rupi.’ ”

JEREMÍAS 27:7

Opaete tëtaguasu reta oyeokuaita chupe, taɨ reta pe jare jɨmɨmino reta pe, ou regua oväe ara, jae iɨvɨ ma oyeokuai vaerä tëtaguasu reta jare mburuvicha guasu reta imbaepuere yae vae pe.

JEREMÍAS 30:8

Che, peYa Imbaepuere yae ete vae jae: Ayorata chembae vae reta tembipɨɨ güi, jare ngaraa ye ma ketɨgua reta jembipɨɨrä yogüɨreko.

JEREMÍAS 34:14

chiu año oväe ñavo oyora reta vaerä oipotagüe jëtara hebreo oñemee jembiokuairä vae, jare oyeokuai chupe ova año vae. Ërei ngatu peñemuñagüe reta mbaetɨ oendu jare mbaetɨ oyapo reta che jae vae.

JEREMÍAS 34:8

YandeYa imiari Jeremías pe, mburuvicha guasu Sedequías opa güire oyapo yemongeta opaete Jerusalén pegua reta ndive oyeyora vaerä opaete tembiokuai reta.

JEREMÍAS 34:9

Jókuae yemongeta oyeapogüe pe jei, metei ñavo oyora vaerä jembiokuai kuimbae ani jembiokuai kuña jëtara hebreo, jökorai agüɨye vaerä metei ave kia güɨnoi jembiokuairä jëtara hebreo.

LEVÍTICO 25:46

kuae reta pepuere peeya peraɨ reta imbaerä pemano yave, jekuae avei oyeokuai vaerä chupe reta. Ërei perëtara Israel iñemuña reta agüɨye peyokuaiasɨ katu, agüɨye peyemombae jese.

San Mateo 18:25

Jókuae jembiokuai mbaetɨ ipuere omboepɨ ramo, mburuvicha guasu oyókuai oñemee vaerä korepoti re jembiokuai jare jembireko jare imichia reta, jare opaete imbaembae, jökorai ipuere vaerä omboepɨ ipía chupe.