LEVÍTICO 25:36 - Biblia Guarani Tumpa Iñee

³⁶ Agüɨye imbae pepɨ̈ro chugüi, agüɨye vi pekovara chupe pemborɨ vae re, peipoɨu peTumpa güi, toiko jókuae perëtara pe ndive.

LEVÍTICO 25:36 ပူးပေါင်းရင်းမြစ်များ

NEHEMÍAS 5:15

Ërei ïru mburuvicha reta tenonde yogüɨreko chegüi vae, oiporarauka opaete vae reta pe, echa ara ñavo okovara reta okaru jare okau vaerä cuarenta reare korepoti pegua, jare jembiokuai reta ave oiporarauka opaete vae reta pe. Ërei che mbaetɨ ayapo jókuae, aipoɨu ramo Tumpa güi.

NEHEMÍAS 5:3

Amogüe reta jei: “Yɨmbɨaɨ jeko pegua roiporu ko korepoti oreɨvɨ regua, oreuvarupa regua, orero regua, rogua vaerä orerembiurä.”

SALMOS 15:5

Mbaetɨ ikorepoti oiporuka vae pe oasa ete okovara vae; mbaetɨ oipɨɨ vɨari korepoti jekombae vae regua vae. Jökorai oiko vae, oiko kavi aveita.

ÉXODO 22:24

jare chearasɨta jare poyukaukata ñeraro rupi, jare perembireko reta yogüɨrekota imemano vae jare peraɨ reta tɨ̈reɨ.

ÉXODO 22:25

Kia nunga paravete vae, tëta chembae vae pegua pepɨte pe oiko vae pe peiporuka korepoti yave, agüɨye peiko chupe reta korepoti jepɨ reve oiporukañoi vae reta rami, agüɨye vi pekovara yoapɨ ye chupe reta.

PROVERBIOS 28:8

Mbae re oasa ete okovara vae rupi oyemboikokatu vae, omboatɨ ko, jókuae paravete vae re iporoparareko vae peguarä.

ISAÍAS 24:2

Jökoraita oasa opaete tëta pegua reta: Sacerdote reta, ani sacerdotembae reta ndive, tembiokuai kuimbae ani iya, tembiokuai kuña ani iya kuña, ombaegua vae ani omaemee vae, ombaeporuka vae ani ombaeporu vae, ipía vae ani oporombopiauka vae.

JEREMÍAS 15:10

¡Tataɨ, chesɨ, chugüi aa vae jaeño ayoaka jare añoraro vaerä opaete ɨvɨ pegua reta ndive! Mbaetɨ etei kia pe ave aiporu korepoti, cheve ave mbaetɨ kia ombaeporu, ërei opaete vae oyepopeyu cheré.

EZEQUIEL 18:13

oiporuka ikorepoti yave oasa ete okovara jese. ¡Jókuae kuimbae ngaraa oikove! Oyapo yave opaete jókuae che aröɨro vae reta, omanota ko, jaeiño ko jeko iyeupe imano re.

EZEQUIEL 18:17

oiporuka ikorepoti yave mbaetɨ oasa ete okovara jese; mbaetɨ ikavimbae oyapo ïru vae pe; cheporookuai jei rami oiko; oyapo opaete cheporookuai reta. ¡Jókuae kuimbae ngaraa omano tu iyoa jeko pegua! ¡Oikoveta ko!

EZEQUIEL 18:8

oiporuka korepoti yave mbaetɨ oasa ete okovara jese; mbaetɨ ikavimbae oyapo ïru vae pe; oime yave ñeapo, jupi rupi ojäa mókoi reve;

EZEQUIEL 22:12

Nderapɨpe yogüɨreko vae reta oipɨɨ vɨari korepoti oyuka vaerä ïru vae; oiporuka korepoti oasa ete okovara ye vaerä jese, oyuvanga katu japicha re jare iñakañɨ reta chegüi. Che peYa jae.

LEVÍTICO 25:17

Agüɨye kia nunga vae tombotavɨ japicha, peipoɨu peTumpa güi, echa che ko peYa Tumpa.

LEVÍTICO 25:37

Agüɨye korepoti peiporuka chupe vae re, pemoïru ye pekovara yave, agüɨye vi tembíu reta jepɨ peupi chupe.