LEVÍTICO 25:17 - Biblia Guarani Tumpa Iñee

¹⁷ Agüɨye kia nunga vae tombotavɨ japicha, peipoɨu peTumpa güi, echa che ko peYa Tumpa.

LEVÍTICO 25:17 ပူးပေါင်းရင်းမြစ်များ

GÉNESIS 20:11

Abraham jei chupe: —Jae cheyeupe: “Añetete kuae pe mbaetɨ Tumpa güi oipoɨu vae, cheyuka retata ko cherembireko re.”

GÉNESIS 22:12

Jei chupe: —¡Agüɨye emopüa ndepo kunumi re, agüɨye maratu eyapo. Echa aikuaa ma kërai ko ndeporogüɨrovia Tumpa kotɨ vae, aecha kërai mbaetɨ reipoɨu remee nderaɨ cheve; nderaɨ jaeño vae!

GÉNESIS 39:9

Mbaetɨ ye kia tenondegua chegüi kuae o pe, jare cheya mbaetɨ mbae oyopia chegüi; jaeño ma nde, echa nde ko jae jembireko. ¿Këraita pa che ayapo kuae mbae ikavimbae yae vae, jare cheyoa Tumpa kotɨ?

GÉNESIS 42:18

Jare mboapɨa ara pe José jei chupe reta: —Tumpa güi oipoɨu vae ko che; peyapo kuae, jayave ngaraa pemano.

2 CRÓNICAS 19:7

Jayave peipoɨu yandeYa güi, pemae kavi peyapo vae re, echa yandeYa Tumpa jupi vae ko, mbaetɨ oporoparavo ani mbaetɨ vi oipɨɨ vɨari korepoti ani mbae.”

NEHEMÍAS 5:15

Ërei ïru mburuvicha reta tenonde yogüɨreko chegüi vae, oiporarauka opaete vae reta pe, echa ara ñavo okovara reta okaru jare okau vaerä cuarenta reare korepoti pegua, jare jembiokuai reta ave oiporarauka opaete vae reta pe. Ërei che mbaetɨ ayapo jókuae, aipoɨu ramo Tumpa güi.

NEHEMÍAS 5:9

Jare jae vi chupe reta: “Pe reta peyapo peï vae mbaetɨ ko ikavi. ¿Maera pa mbaetɨ peipoɨu ñaneTumpa güi, agüɨye vaerä opuka tovaicho reta yanderé?

SALMOS 19:9

YandeYa güi yaipoɨu vae ko ikɨambae jare jekuae avei vae; yandeYa iporookuai añete ko jare jupi ko opaete.

ÉXODO 20:20

Jare Moisés jei chupe reta: —Agüɨye pekɨɨye; echa pekuaa vaerä ou Tumpa, peipoɨu vaerä chugüi, agüɨye vaerä peyoa.

PROVERBIOS 1:7

Arakuaa katu jae ko yandeYa güi yaipoɨu vae; iyarakuaambae reta güɨröɨro arakuaa katu jare mboromboe.

PROVERBIOS 14:31

Paravete vae güɨrekoasɨ katu vae, ikavimbae ko oyapo Iyapoa kotɨ; ërei omboete ko, paravete vae re güɨ noi mboroparareko vae.

PROVERBIOS 16:6

Mboroparareko jare añetete vae rupi, iyoa vae pe oime ñɨ̈ro; yandeYa güi yaipoɨu vae rupi ko, yasɨrɨ ikavimbae güi.

PROVERBIOS 22:22

Agüɨye mbae eñomi paravete vae güi paravete güiño, agüɨye erekoasɨ katu mbɨatɨtɨ rupi oiko vae oporojäa vae reta jóvai,

ISAÍAS 3:14

YandeYa outa ojäa tëta imbae vae itenondegua jare juvicha reta: “Pe reta opa pemokañɨtei cheuvarupa; paravete vae reta güi peñomigüe oime penoi pero pe.

JEREMÍAS 22:16

Oepɨ yepi paravete vae reta, jare oikoasɨ katu vae reta, jáeramo oë kavi chupe opaete mbaembae. Jökorai ko jókuae chekuaa vae. Che ndeYa ko jae kuae.

LEVÍTICO 19:13

Agüɨye peyuvanga perapicha re, agüɨye peñomi mbae chugüi. Agüɨye pemombɨta oparavɨkɨ peve vae ikorepoti pɨareve peguarä, pemboepɨ voi chupe.

LEVÍTICO 19:14

Agüɨye peyepopeyu iyapɨsambae re. Agüɨye peñono jesambae japerä pe mbae, oyepɨaka jese vaerä. Peipoɨu peTumpa güi. Che ko peYa.

LEVÍTICO 19:32

Peyemboɨ jare pemboete ndechi reta, peipoɨu peTumpa güi. Che ko peYa.

LEVÍTICO 25:14

Pemee yave mbae perapicha pe ani pegua yave mbae chugüi, agüɨye pembotavɨ perapicha.

LEVÍTICO 25:36

Agüɨye imbae pepɨ̈ro chugüi, agüɨye vi pekovara chupe pemborɨ vae re, peipoɨu peTumpa güi, toiko jókuae perëtara pe ndive.

LEVÍTICO 25:43

Agüɨye peyokuaiasɨ katu, peipoɨu Tumpa güi.

MALAQUÍAS 3:5

Jei yandeYa Imbaepuere yae ete vae: “Jare ayuta pekotɨ aporojäa vaerä; amoañete vaerä imbaekuaa vae reta jeko jare iyaguasa vae reta, yapu reve imiari vae reta, jembiokuai pe mbaetɨ omboepɨ kavi vae reta, imemano vae tɨ̈reɨ, jare ketɨgua pe jupimbae oyapo vae reta mbaetɨ reve oipoɨu reta chegüi.”

San Lucas 12:5

Ërei tamombeu peve kia güi pekɨɨye vaerä. Pekɨɨye jókuae ipuere oekɨ perekove güire oporomondo kañɨtei pe vae güi. Añete che jae peve, pekɨɨye chugüi.

Hechos 10:2

Jae jare opaete jo pegua reta omboete Tumpa, jare jae omee vi jeta mbae iparavete vae reta pe, jare oyerure avei vi Tumpa pe.

Hechos 10:35

Echa oipotagüe tëtaguasu pegua omboete Tumpa vae jare jupigüe oyapo vae ikavi ko chupe.

Hechos 9:31

Jayave opaete Judea rupi, Galilea rupi jare Samaria rupi, oporogüɨrovia vae reta yogüɨreko pɨagüive jare oñemomɨ̈rata reta oipoɨu kavi reve yandeYa güi, jare Espíritu Santo iporomborɨ rupi jekuaeño jeta oñemoïru.

Romanos 11:20

Añete ko. Mbaetɨ oporogüɨrovia reta ramo ko, oyeekɨuka. Ërei nde reï joko pe, rerovia jeko, jáeramo agüɨye peyembotuicha. Peipoɨuño.

Romanos 3:18

Mbaetɨ etei oipoɨu Tumpa güi.”

DEUTERONOMIO 25:18

ñogüɨnoe oporepeña peré tape pe, ñogüɨnoe ipɨtugüe taɨkue opɨta vae reta pe; pekangɨ yae peï yave; mbaetɨ etei oipoɨu reta Tumpa güi.

1 Tesalonicenses 4:6

Agüɨye peyapo kuae nunga ikavimbae vae. Echa kuae nunga ikavimbae vae peyapo yave, peyapo ko ikavimbae vae perɨvɨ reta pe. Echa yandeYa oiporaraukata ko peve kuae re, romombeu ma peve rami,

1 SAMUEL 12:24

Jaeño peipoɨu yandeYa güi, peyeokuai kavi chupe añete rupi opaete pepɨa ndive, pemaendúa jeta mɨakañɨ tuicha vae oyapo peve vae re.