LEVÍTICO 24:11 - Biblia Guarani Tumpa Iñee

¹¹ Jare kuae kuña Israel iñemuña pegua imembɨraɨe oyangao Tumpa; jare güɨraja reta Moisés jóvai. Ichɨ ko jee Selomit, Dibri tayɨ, jae ko Dan iñemuña pegua;

LEVÍTICO 24:11 ပူးပေါင်းရင်းမြစ်များ

2 SAMUEL 12:14

Ërei ngatu kuae reyapo vae jeko pegua, reyangaouka yandeYa jókuae oyemboyovaicho ikotɨ vae reta pe. Kuae jeko pegua, jókuae michia raɨ oa ramo ndeve vae omanota.

1 REYES 21:10

Javoi peñono jóvai mókoi kuimbae ipɨapochɨ vae yapu reve oporomboeko vae, imiari reta vaerä ikotɨ, jei reve: ‘Nde rere ñee ikavimbae Tumpa kotɨ jare mburuvicha guasu kotɨ.’ Javoi penoe ikatu pe peyapi ita pe, jökorai tomano.”

1 REYES 21:13

Jayave yogüeru jókuae mókoi ipɨapochɨ vae, jare imiari reta Nabot kotɨ opaete vae reta jóvai jei reta reve: “Nabot jei ñee ikavimbae Tumpa kotɨ jare mburuvicha guasu kotɨ.” Jayave güɨnoe reta ikatu pe jare oyapi reta ita pe oyuka.

2 REYES 18:30

Agüɨye Ezequías togüɨroviauka peve Tumpa re, jei yave peve: “YandeYa añetete ko yandereepɨta, jare kuae tëta guasu ngaraa oa mburuvicha guasu Asiria pegua ipo pe.”

2 REYES 18:35

¿Oime pa mbae nunga tumpa reta opaete kuae ɨvɨ pegua oepɨ iɨvɨ chembaepuere güi vae? ¿Maera pa peyemongeta peYa Tumpa ipuere oepɨ chegüi Jerusalén?”

2 REYES 18:37

Jayave Eliaquim, Hilcías taɨ, mburuvicha guasu imbaembae iyangarekoa, jare Sebna ombaekuatía vae jare mburuvicha Joa, Asaf taɨ yogüeru Ezequías pɨri, omondoro reta jemimonde ipɨatɨtɨ güi, jare imiari reta chupe Rabsaces jei vae.

2 REYES 19:10

Körai pere Ezequías mburuvicha guasu Judá pegua pe: “Agüɨye tandembotavɨ neTumpa nde rerovia jese vae, jei yave ndeve: ‘Jerusalén mbaetɨta oa mburuvicha guasu Asiria pegua ipo pe.’

2 REYES 19:22

¿Kia pa reyangao jare neñeeasɨ katu ikotɨ? ¿Kia kotɨ pa mbae rere jare neñeeäta reyembotuicha reve? ¡Israel pegua Iyoambae kotɨ ko!

2 REYES 19:6

Jare Isaías jei chupe reta: Köraita pere peya pe: “Körai jei yandeYa: ‘Agüɨye ekɨɨye ñee reta reendugüe güi, jókuae mburuvicha guasu Asiria pegua jembiokuai reta cheangao pɨpe vae güi.

JOB 1:11

Ërei yaecha añave epoko opaete mbaembae reta güɨnoi vae re, jare reechata mbaetɨta ra ndeangao nderova pe etei vae.

JOB 1:22

Opaete kuae mbaembae pe Job mbaetɨ iyoa, jare mbaetɨ ave omboeko Tumpa mbae pe ave.

JOB 1:5

Jare opa güire omboasa reta iarete yave, Job omondo oenɨiuka taɨ reta, jare ndeimboveasɨ opüa omee mbota mɨmba oyeyukagüe opaetei oyeapɨ vae, taɨ reta ñavo re; jökorai oyapo chupe reta yetɨo iyoa güi, echa Job jei: “Güɨramoi cheraɨ reta oyapo mbaeyoa ani oyangao reta ipɨa pe Tumpa.” Jökorai avei oyapo Job.

JOB 2:5

Ërei yaecha añave epoko ikägüe re jare isoo re, jare reechata mbaetɨta ra ndeangao nderova pe etei vae.

SALMOS 74:18

Nemaendúa kuae re cheYa: Tovaicho reta iñeeasɨ katu ndekotɨ, jare yarakuaambae reta ndeangao.

SALMOS 74:22

¡Epüa cheRu Tumpa! ¡Eyeepɨ! ¡Emae kërai yarakuaambae reta ndeangao ara ñavo!

ÉXODO 18:22

Kuae reta tojäa opaete vae ara ñavo; jare opaete teko yavai yae ete vae togüeru reta ndekotɨ, jare jae reta tojäa teko mbaetɨ yavai mbatee vae. Körai rembovevɨita ndeyeugüi ndeparavɨkɨ, jare kuae reta ndemborɨta jese.

ÉXODO 18:26

Jare kuae reta oporojäa tëta re ara ñavo; teko yavai yae ete vae güeru reta Moisés kotɨ, jare kuae reta oñono kavi teko mbaetɨ yavai mbatee vae.

ÉXODO 20:7

Agüɨye peenɨi raangaiño peYa Tumpa jee. Echa ngaraa aeya jekombae rami, jókuae nunga chereenɨi raangaiño vae.

ÉXODO 22:28

Agüɨye pere mbae jasɨ katu vae oporojäa vae reta kotɨ, agüɨye ave vi pere ñee ikavimbae perëta ruvicha reta kotɨ.

ÉXODO 3:15

Tumpa jei ye Moisés pe: —Köraita rere Israel iñemuña reta pe: “YandeYa, peñemuñagüe Abraham, Isaac jare Jacob iTumpa chembou pekotɨ.” Kuae ko jae cheree jekuae avei pegua, kuae tee rupi pemaenduata cheré jekuae avei.

ISAÍAS 8:21

Jeta vae reta oguatata oipota rupi, oiporara reve jare yɨmbɨaɨ reve; jare yɨmbɨaɨ güi pochɨ retata, jare oyangao retata juvicha guasu jare iTumpa, omae reve ara kotɨ,

LEVÍTICO 24:10

Jókuae ara rupi oiko metei kuimbae, ichɨ ko Israel iñemuña pegua jare tu ko Egiptoɨgua, kuae kuimbae oyoaka metei kuimbae Israel iñemuña pegua ndive teyupa pe.

San Mateo 26:65

Jayave sacerdote tenondegua ete kuae oendu yave, pochɨ ramo omondoro jemimonde, jei reve: —Jei ma ikavimbae yae vae Tumpa kotɨ. ¿Mbaerä ye pa yaekata kia imiari vaerä jese? Mase, pe reta etei peendu ma ikavimbae yae jei Tumpa kotɨ vae.

Romanos 2:24

Echa Tumpa Iñee pe oyekuatía oï körai: “Judiombae vae reta jei ikavimbae vae Tumpa kotɨ pereko pegua.”

1 Timoteo 1:13

yepe tëi tenonde yave che jae mbae ikavimbae vae yandeYa kotɨ, ayapo ikavimbae vae yandeYa re güɨrovia vae reta pe, jare chereko pochɨ ikotɨ. Ërei yandeYa cheparareko, echa ayapo mbaetɨ aikuaa ramo jare mbaetɨ aporogüɨrovia ramo.

Apocalipsis 16:11

Jare jei reta ñee ikavimbae vae Tumpa ara pe oï vae kotɨ, oiporara yae güi jare ipere jemɨi jasɨ yae güi, jare mbaetɨ oeya reta jembiapo ikavimbae vae.

Apocalipsis 16:21

Jare ara güi oa opaete vae reta re metei amandau guasu reta, treinta kilo oasa ipoɨ vae. Jare ɨvɨ pegua reta jei ñee ikavimbae vae Tumpa kotɨ, jókuae susere amandau guasu rupi vae re, echa jókuae susere oasa ete ikaviä.