LEVÍTICO 23:39 - Biblia Guarani Tumpa Iñee

³⁹ Ërei jókuae chiúa yasɨ, quince ara pe, opa ma pemboɨru pembaagüɨye reta yave, peyapo arete cheve, tenondegua ara toiko mbutuu pegua jare juría ara toiko vi mbutuu pegua.

LEVÍTICO 23:39 ပူးပေါင်းရင်းမြစ်များ

ÉXODO 23:16

Jökoraiño vi arete mbaagüɨye regua; pembaagüɨyerɨpɨ kó pe peñotɨ vae, jare arete mbaarɨvo regua año opata ma yave vae; pemboɨru ma yave peremitɨ yagüɨyegüe.

LEVÍTICO 23:24

“Ere Israel iñemuña reta pe: Tenondegua ara chiúa yasɨ pe, peyapo ara mbutuu pegua, peyapo yemboatɨ mbaemboete jare yemomaendúa pegua mimbɨñee rupi.

LEVÍTICO 23:34

“Ere Israel iñemuña reta pe: Kuae chiúa yasɨ, quince ara pe, toiko o ñairaka pegua arete ikavi yae vae, cheveguarä chiu ara rupi.

LEVÍTICO 23:36

Chiu ara pemee mbota oyeapɨ vae cheve; jare juría ara pe peyapo yemboatɨ mbaemboete pegua, jare pemee mbota oyeapɨ vae cheve; arete ko, agüɨye mbae nunga mbaravɨkɨ ipoɨgüe peyapo.

LEVÍTICO 23:38

Peipapambae reve ara mbutuu pegua pe pemee vae, mbota reta jare mbota reta peñererökuavee pemee vaerä vae ani mbota reta kɨ̈reɨ ngatu reve pemee cheve vae.

LEVÍTICO 23:40

Tenondegua ara pe peru ɨvɨra reta ikavi yae vae iagüe, karandaɨ jäka, ɨvɨra jokɨ katu yae vae jäka jare sause ɨ̈aka rupigua, jare peyerovia che peYa Tumpa jóvai chiu ara rupi.

DEUTERONOMIO 16:13

Opa pearɨvo trigo jare peitɨami uva yave, peyapo arete ikavi yae vae chiu ara, o ñairaka pegua iyarete.