LEVÍTICO 23:34 - Biblia Guarani Tumpa Iñee

³⁴ “Ere Israel iñemuña reta pe: Kuae chiúa yasɨ, quince ara pe, toiko o ñairaka pegua arete ikavi yae vae, cheveguarä chiu ara rupi.

LEVÍTICO 23:34 ပူးပေါင်းရင်းမြစ်များ

1 REYES 12:32

Ombojee vi oyeapo vaerä metei arete ikavi yae vae quince ara juri yasɨa pe, Judá pe arete ikavi yae vae oyeapo rami, jare jae etei omee mɨmba oyeyukagüe, mɨmba oyeyuka oyeapɨ jese vae re. Oyapo Bet-el pe, omee mɨmba oyeyukagüe toro taɨrusu iä oyapogüe pe. Jókuae mbaemboete renda oyapoa pe ombojee vi sacerdote retarä.

1 REYES 8:2

Arete guasu iara pe oyemboatɨ opaete Israel iñemuña reta pegua mburuvicha guasu Salomón pɨri Etanim yasɨ pe, jae ko chiúa yasɨ pe.

1 REYES 8:65

Jókuae ara pe Salomón jare opaete Israel iñemuña reta, jetagüe yogüeru, Hamat güive ojoi oväe ɨ̈aka Egipto kotɨ yogüeru oyapo reta vaerä arete guasu küaraɨa pegua yandeYa Tumpa jóvai chiu ara pegua, jare ïru chiu ye ndive oupitɨ catorce ara arete.

ESDRAS 3:4

Oyapo reta vi arete mbaemboete pegua küaraɨa ñairaka pegua mborookuai pe oyekuatía oï rami, mɨmba oyeyukagüe opaetei oyeapɨ vae ara ñavo oñemeese rami, jókuae ara oyepapa oñemeeta rami.

NEHEMÍAS 8:14

Jare oväe reta mborookuai pe oyekuatía oï, kërai yandeYa Tumpa oporookuai Moisés rupi, ñogüɨnoi vaerä opaete Israel iñemuña reta o ñairaka pegua pe, yasɨ chiúa pe, arete mbaemboete pegua oyeapo yave;

ÉXODO 23:16

Jökoraiño vi arete mbaagüɨye regua; pembaagüɨyerɨpɨ kó pe peñotɨ vae, jare arete mbaarɨvo regua año opata ma yave vae; pemboɨru ma yave peremitɨ yagüɨyegüe.

ÉXODO 34:22

Peyapo vi arete reta semana vae, trigo yagüɨyerɨpɨ vae regua, jare arete mbaarɨvo regua año opata ma yave oyeapo vae.

EZEQUIEL 45:25

Chiúa yasɨ pe, quince araa pe, arete o ñairaka pegua pe, peyapota vi kuae chiu ara arete Pascua pe peyapo rami, pemeeta mɨmba yeyuka Tumpa iñɨ̈ro vaerä mbaeyoa re vae, mɨmba oyeyukagüe oyeapɨ vae, mbota temitɨ jäɨgüe jare olivo iasaite.

LEVÍTICO 23:33

YandeYa jei Moisés pe:

LEVÍTICO 23:42

O ñairaka pegua pe peiko chiu ara rupi, pe opaete Israel iñemuña reta,

LEVÍTICO 23:43

peñemuña reta oikuaa vaerä, che ko pogüɨnoe ɨvɨ Egipto güi vae jare pogüɨreko o ñairaka pegua pe. Che ko peYa Tumpa.”

NÚMEROS 29:12

Yasɨ chiúa pe, ara quince pe, penoi yemboatɨ guasu Tumpa peguarä; jókuae ara agüɨye peyapo mbae nunga mbaravɨkɨ ave, peyapo chiu ara arete ikavi yae vae yandeYa pe.

San Juan 1:14

Jókuae Ñee oyeapo Kuimbaerä, jare ou oiko orepɨte rupi mbɨakatu ndive jare añetegüe rupi. Jare ore roecha iyemboetea, Tumpa Taɨ jae vaeño vae iyemboetea.

San Juan 7:2

Jare oyearo ma judío reta iarete, o ñairaka pegua arete.

DEUTERONOMIO 16:16

Opaete kuimbae reta toyogüeru mboapɨ vese año pe yandeYa Tumpa jóvai, jókuae jae oiparavo jee oï pɨpea pe: Arete mbɨyape oyembovumbae pegua pe, arete semana vae pe, jare o ñairaka pegua iyarete pe. Agüɨye etei kia tou ipogüɨrai yandeYa jóvai,

DEUTERONOMIO 31:10

oyókuai körai: “Chiu año ñavo, oväe yave año ñɨ̈ro pegua, o ñairaka pegua iyarete pe,

Hebreos 11:13

Iporogüɨrovia reve opa omano omboresivembae reve Tumpa güɨrökuavee chupe reta vae, ërei oecha reta mombɨrɨ güi iporogüɨrovia rupi jare omomaraetei, jare jae reta omae iyé ketɨguaño ko kuae ɨvɨ pe.

Hebreos 11:9

Iporogüɨrovia rupi Abraham oiko ketɨgua rami ɨvɨ oñemeeta chupe vae pe ɨvɨ ambuae pe rami. Oiko o guakapi pegua pe Isaac jare Jacob ndive, yepe tëi jae reta vi ko ɨvɨ iyarä vae.