LEVÍTICO 23:32 - Biblia Guarani Tumpa Iñee

³² Ara mbutuu pegua toiko peve, jare peiporarauka peyeupe aeño, pemboɨpɨ jókuae yasɨ, ara chaúa kaaru yave güive, pɨareve pe kaaru regua.”

LEVÍTICO 23:32 ပူးပေါင်းရင်းမြစ်များ

NEHEMÍAS 13:19

Jare pɨareve ma ara mbutuuta yave, ayókuai oyeokenda vaerä Jerusalén jöke, jae mai pɨtumimbita yave, jare agüɨye vaerä oyepea ara mbutuu oasa regua. Jare añono vi joko pe amogüe cherembiokuai oyangareko vaerä, agüɨye vaerä oyereroike Jerusalén pe mbae nunga voɨta ave.

SALMOS 35:13

ërei jae reta imbaerasɨ yave, che ayemonde temimonde mbɨatɨtɨ pegua pe, chepɨatɨtɨ jese reta güi ayekuaku tembíu güi, chepɨa rupi ayerure avei jese reta.

SALMOS 51:17

Ërei mbota Tumpa pegua vae, jae ko ipɨatɨtɨ yae vae; iyoa güi ipɨatɨtɨ vae jare ipɨa omomichi vae ngaraa nde reröɨro, cheRu Tumpa.

ISAÍAS 57:15

Echa Tuicha yae ete vae, oikoño mai vae, jae ko jee iYoambae, jae jei: “Che aiko ɨvate jare oñeñono teea pe, ërei aiko vi oiporara jare ipɨatɨtɨ vae reta ndive, amee chupe tekove, jäta ngatu vaerä.

ISAÍAS 61:3

amee vaerä opaete Sión pe ipɨatɨtɨ ñogüɨnoi vae reta pe, oime vaerä mbaemboete, mbɨatɨtɨ jekovia pe, yerovia katu toñemee mbae ikäti vae rami temimonde mbɨatɨtɨ pegua jekovia pe; asoya yerovia pegua, mbɨatɨtɨ jekovia pe. Jare oyembojeeuka retata: “Ɨvɨra jupi vae”, yandeYa jemitɨ, jae iyemboetea peguarä.

LEVÍTICO 16:29

Kuae mborookuai jekuae avei pegua toiko peveguarä: Chiu yasɨa pe, payandepo araa pe jókuae yasɨ, peiporarauka peyeupe aeño, agüɨye peyapo mbae nunga mbaravɨkɨ ani ketɨgua reta ave pepɨte rupi yogüɨreko vae.

LEVÍTICO 16:31

Ara mbutuu pegua toiko peve, peiporarauka peyeupe aeño; mborookuai jekuae avei pegua toiko peveguarä.

LEVÍTICO 23:27

“Payandepo ara kuae chiúa yasɨ re, toiko cheɨ̈ro vaerä mbaeyoa re vae pegua; peyapo yemboatɨ mbaemboete pegua, peiporarauka peyeupe aeño, jare pemee mbota oyeapɨ vae cheve.

LEVÍTICO 23:31

Agüɨye mbae nunga mbaravɨkɨ peyapo. Mborookuai jekuae avei pegua toiko peve jare peñemuña reta peguarä, oipota rupi peikoa rupi.

LEVÍTICO 23:33

YandeYa jei Moisés pe:

San Mateo 5:4

Oyerovia ko ipɨatɨtɨ vae reta. Echa Tumpa ombopɨakatu retata.

1 Corintios 11:31

Echa ñamae kavi yandeyé yave, yandeYa ngaraa yandemboeko.

Hebreos 4:11

Jáeramo, ñañemoäta ngatu yaike vaerä jókuae mbutuu pe, agüɨye vaerä oasa yande ndive jókuae iñeereendumbae vae reta rami.

Hebreos 4:3

Jare yande yarovia Tumpa vae yaupitɨ jókuae mbutuu, Tumpa jei rami: “Jáeramo, chearasɨ reve jae: Mbaetɨta oike reta mbutuu ameeta vae pe.” Yepe tëi Tumpa opa oyapo iparavɨkɨ, ɨvɨ opa oyapo güive.