LEVÍTICO 23:28 - Biblia Guarani Tumpa Iñee

²⁸ Agüɨye mbae nunga mbaravɨkɨ peyapo jókuae ara; echa jókuae ara cheɨ̈ro vaerä mbaeyoa re vae ko, ñeñono kavi pegua che peYa Tumpa jóvai.

LEVÍTICO 23:28 ပူးပေါင်းရင်းမြစ်များ

ISAÍAS 53:10

Ërei opaete kuae reve yandeYa oiporarauka chupe, omee oiporara yae vaerä. Omee jekove mano pe, mbaeyoa omboai vaerä yave, oechata iñemuña reta, oiko pukuta, jare ipo pe yandeYa jemimbota oë kavita.

DANIEL 9:24

Setenta semana oasata nerëtaɨgua reta re jare nerëta guasu oñeñono tee vae re, opa vaerä oyemboai mbaeyoa yavaetegüe jare ikavimbae, oime vaerä ñɨ̈ro mbae ikavimbae re, jare jupi vae oime vaerä jekuae avei pegua, oyembopo vaerä jókuae mbae oyeecha jare maratuta vae, jare oñeñono tee vaerä Tumpa pe oñeñono tee kavi yae vae.

LEVÍTICO 16:30

Echa jókuae ara ko oñemee peré mɨmba oyeyukagüe, cheɨ̈ro vaerä peyoa re, ikɨambae pepɨta vaerä opaete peyoa güi cheróvai.

LEVÍTICO 16:33

jare toitɨo tupao guakapi pegua japɨpe oñeñono tee kavi yae vae, tupao guakapi pegua, ikäti kavi vae incienso oyeapɨ jese vae. Jare toyapo vi sacerdote reta re, jare opaete Israel iñemuña reta re, cheɨ̈ro vaerä mbaeyoa re.

LEVÍTICO 16:34

Kuae mborookuai jekuae avei pegua toiko peveguarä: Pemee mɨmba oyeyukagüe cheɨ̈ro vaerä mbaeyoa re vae, metei vese año pe Israel iñemuña reta re.” Jare Moisés oyapo yandeYa oyókuai vae rami.

LEVÍTICO 23:27

“Payandepo ara kuae chiúa yasɨ re, toiko cheɨ̈ro vaerä mbaeyoa re vae pegua; peyapo yemboatɨ mbaemboete pegua, peiporarauka peyeupe aeño, jare pemee mbota oyeapɨ vae cheve.

ZACARÍAS 3:9

Echa, ko Josué jóvai añono ita; kuae ita jaevaeño vae güɨnoi chiu iyɨke; mase, ko che aikuatiata jei yandeYa Imbaepuere yae ete vae, jare ɨvɨ pegua reta iyoa aekɨta metei ara pe.

Hebreos 10:10

Jökorai Jesucristo omee jete metei veseño jekuae avei pegua. Jókuae jemimbota rupi Tumpa ñaneñono tee iyeupeguarä.

Hebreos 10:14

echa metei veseño omee jete vae rupi ombojupi jekuae avei pegua oñeñono tee vae reta.

Hebreos 9:12

Jare Cristo mbaetɨ oike omee kavara kuimbae jugüɨgüe ani toro taɨrusu vae jugüɨgüe, güɨroike ko jae jugüɨ etei metei veseño cuarto Oñeñono tee kavi yae vae pe jekuae avei pegua, jökorai omee yandeve yemboasa opambae vae.

Hebreos 9:26

echa jökorai yave mona, omanota tëi ko jeta vese ɨvɨ oyeapo güive. Ërei añave ara reta taɨkuegua pe oñemee omano vaerä metei veseño jekuae avei pegua, omboai vaerä mbaeyoa reta.

1 Juan 2:2

Jae imano rupi Tumpa iñɨ̈ro yandeve yandeyoa reta re; ërei mbaetɨ yandeyoa reño, opaete ɨvɨ pegua reta iyoa reta re vi ko.

1 Juan 4:10

Kuae re oï mboroaɨu: Mbaetɨ ko yande yaaɨu Tumpa ramo, jaeño jae yanderaɨu jare ombou Taɨ rupi iñɨ̈ro vaerä yandeyoa reta re.

1 Juan 5:6

Kuae Jesucristo ko jae omboɨpɨ iparavɨkɨ ɨ jare tugüɨ rupi vae; mbaetɨ ɨ rupiño, ɨ rupi jare tugüɨ rupi vi. Espíritu Santo ko omombeu kuae regua. Echa Espíritu Santo añete vae ko.