LEVÍTICO 23:24 - Biblia Guarani Tumpa Iñee

²⁴ “Ere Israel iñemuña reta pe: Tenondegua ara chiúa yasɨ pe, peyapo ara mbutuu pegua, peyapo yemboatɨ mbaemboete jare yemomaendúa pegua mimbɨñee rupi.

LEVÍTICO 23:24 ပူးပေါင်းရင်းမြစ်များ

1 CRÓNICAS 15:28

Jökorai opaete Israel iñemuña reta güɨraja Tumpa ikäjou morogüɨrökuavee päve pegua, jäsémbai oyerovia yae güi mimbɨ iñee ndive, mimbɨguasu, platillo reta, ngitara jare arpa reta ipu ndive.

2 CRÓNICAS 5:13

Omoñee reta mimbɨguasu reta yave, jare otairari reta metei rami omboete vaerä jare omee vaerä yasoropai yandeYa pe yave, jare mimbɨguasu reta iñee ndive omboete reta yandeYa, jei reve: “Echa jae ipɨakavi, iporoparareko jekuae avei.” Jayave amapɨtu tɨnɨe yandeYa itupao guasu.

ESDRAS 3:6

Tenondegua ara, yasɨ chiúa güive omboɨpɨ omee reta mbota mɨmba oyeyukagüe opaetei oyeapɨ vae yandeYa pe, yepe tëi ndei oyemboɨpɨ oñeñono yandeYa itupao guasu iguapɨka.

NEHEMÍAS 8:2

Jare sacerdote Esdras güeru jókuae mborookuai, oyemboatɨ vae reta jóvai, jae ko kuimbae reta, kuña reta jare opaete michia ipuere ma oikuaa vae reta; jae ko tenondegua ara, yasɨ chiúa pe.

SALMOS 89:15

CheYa Tumpa, oyerovia ko tëta ndemboete oyerovia katu reve vae; nderemimbota rupi oguata vae,

SALMOS 98:6

Petairari mimbɨguasu reta iñee ndive jare vecha kuimbae-räti iñee ndive, mburuvicha guasu yandeYa jóvai.

ISAÍAS 27:13

Jare jókuae ara oñemoñeeta temimbɨguasu, jare opa oñemoai ñogüɨnoi Asiria rupi vae reta, jaeramiño vi Egipto pe ñogüɨnoi vae reta, yogüeruta omboete yandeYa tëta Jerusalén pe, jae ko ɨvɨtɨ oñeñono tee vae re.

LEVÍTICO 23:23

YandeYa jei Moisés pe:

LEVÍTICO 25:9

chiúa yasɨ pe, payandepo ara pe, mɨmba oyeyukagüe cheɨ̈ro vaerä mbaeyoa re vae iara pe, pemoñeeuka täta temimbɨ vecha kuimbae-räti pegua opaete peɨvɨ rupi.

1 Corintios 15:52

metei jeia pe, ñaneresapïri rami Tumpa jemimbɨguasu opa oñee yave. Echa omoñeeta mimbɨ guasu, jare omanogüe reta oikove yeta oikomeguambae vaerä, jare yande yayepoepɨta.

1 Tesalonicenses 4:16

Echa yandeYa etei ogüeyɨta ara güi ñee mbaepuere pegua ndive, araɨgua tenondegua vae iñee jare Tumpa jemimbɨ guasu ndive. Jare Cristo re güɨrovia reve omano vae reta oikove yeta jae reta räri;