LEVÍTICO 23:14 - Biblia Guarani Tumpa Iñee

¹⁴ Agüɨye peu mbɨyape ani trigo jäɨ oyeimbegüe ani ipɨaugüe, ndei peraja mbove mbotarä Tumpa pe, kuae mborookuai toiko avei peve jare peñemuña reta pe, oipota rupi peikoa rupi.

LEVÍTICO 23:14 ပူးပေါင်းရင်းမြစ်များ

NEHEMÍAS 9:14

Jare reyókuai vi oñono tee reta vaerä ara mbutuu, jare nderembiokuai Moisés ipo rupi remee chupe reta mborookuai reta jare yemboe kavi.

SALMOS 19:8

Sɨmbi ko yandeYa iporookuai reta, oporomboyerovia vae, ikɨambae ko yandeYa iporookuai, oechauka opaete mbaembae vae.

ÉXODO 27:21

Aarón jare taɨ reta toñogüɨnoi oyangareko vaerä jese, jendɨ vaerä cheróvai pɨ̈tu-ɨpɨ güive köe regua tupao guakapi pegua pe, käjou yemomaendúa pegua jóvai oï asoya vae güi ikatu pe. Kuae mborookuai toï jekuae avei pegua Israel iñemuña reta pe, jare jaɨkue rupigua reta pe.

ÉXODO 34:26

Pembaagüɨyerɨpɨ ikavigüe peraja che peYa Tumpa jo pe. Agüɨye kavara raɨ isoo pemboyɨ ichɨ ineche pe.”

LEVÍTICO 10:11

jare pemboe vaerä Israel iñemuña reta opaete mborookuai che peYa jae Moisés rupi vae.”

LEVÍTICO 2:14

Oñemee yave mbota mbaagüɨyerɨpɨ cheve, toyeimbe tata pe jókuae mbaagüɨyerɨpɨ jovɨgüe jare jäɨ oyeapasogüe, körai toñemee mbota mbaagüɨyerɨpɨ.

LEVÍTICO 23:31

Agüɨye mbae nunga mbaravɨkɨ peyapo. Mborookuai jekuae avei pegua toiko peve jare peñemuña reta peguarä, oipota rupi peikoa rupi.

LEVÍTICO 23:41

Año ñavo chiúa yasɨ pe peyapo arete chiu ara cheve. Mborookuai jekuae avei pegua toiko peve jare peñemuña reta peguarä.

LEVÍTICO 3:17

Mborookuai jekuae avei pegua toiko peveguarä jare peraɨ reta peguarä, oipota rupi peikoa rupi, agüɨye peu mbaekɨra ani tugüɨ.”

DEUTERONOMIO 16:12

Pemaendúa peikose tembiokuai ɨvɨ Egipto pe vae re, jáeramo peyapo kuae mborookuai reta.