LEVÍTICO 22:23 - Biblia Guarani Tumpa Iñee

²³ Toro ani vecha kuimbae jete oikomeguagüe ipuereño omee reta mbota kɨ̈reɨ ngatu reve oñemee vae; ërei oñererökuavee vae ombopo vaerä omee yave, ngaraa Tumpa ipɨakatu jese.

LEVÍTICO 22:23 ပူးပေါင်းရင်းမြစ်များ

ÉXODO 35:29

Kuimbae jare kuña Israel iñemuña reta, oime kɨ̈reɨ ngatu güɨnoi oporomborɨ vaerä opaete mbaravɨkɨ pe vae, oyeapo vaerä yandeYa oyókuai Moisés vae, güeru reta mbota ipɨakavi reve yandeYa pe.

LEVÍTICO 21:18

Agüɨye metei ave kuimbae jete oikomegua vae toya omee vaerä mbota: Jesambae, iköcho vae, itï ani inambi oikomegua vae,

LEVÍTICO 22:22

Agüɨye kuae nunga toñemee cheve: Mɨmba jesambae, iu opëgüe, ipo ani ipɨchutu vae, jete rupi ikɨ̈ta vae, ikuru vae, ipere vae; agüɨye etei kuae reta güi toñemee mbota oyeapɨ jese vae re cheve.

LEVÍTICO 22:24

Agüɨye tomee reta cheve mɨmba japiaräɨ iperegüe ani oyeapasogüe, oyeapiaogüe ani oyeasɨagüe. Agüɨye kuae nunga peyapo peɨvɨ pe.

MALAQUÍAS 1:8

jare peru pemee yave mɨmba jesambae oyeyuka vaerä, ¿ikavi vae pa jókuae? Jaeramiño vi peru yave mɨmba iköcho vae ani imbaerasɨgüe, ¿ikavi vae pa jókuae? ¡Peraja kuae nunga peruvicha pe! ¡Yaecha ra ipɨakatu omae peré jare mbota re!” Jei yandeYa Imbaepuere yae ete vae.

DEUTERONOMIO 15:21

Ërei oime yave jete mbaetɨ ikavi, iköcho, ani jesakuape, ani mbae oata chupe, jayave agüɨye pemee yandeYa pe.

DEUTERONOMIO 17:1

Agüɨye pemee yandeYa pe, toro ani vecha kuimbae taɨrusu vae mbae oata chupe vae ani oikomegua vae, echa pɨ̈chɨi yae ko yandeYa Tumpa pe jókuae nunga.