LEVÍTICO 21:22 - Biblia Guarani Tumpa Iñee

²² Tumpa pe mbɨyape oñemee vae güi, jare mbaembae oñeñono tee vae jare oñeñono tee kavi yae vae güi ipuere jou,

LEVÍTICO 21:22 ပူးပေါင်းရင်းမြစ်များ

LEVÍTICO 10:12

Jare Moisés jei Aarón pe jare taɨ reta oikoveño vae Eleazar jare Itamar pe: —Peekɨ mbɨyape jembɨregüe mbota oyeapɨ yandeYa pe vae güi, jare peu oyembovumbae reve mɨmba oyeyuka oyeapɨ jese vae iyɨpɨ pe, echa mbae oñeñono tee kavi yae vae ko.

LEVÍTICO 10:17

—¿Maera pa mbaetɨ peu mɨmba oyeyuka Tumpa iñɨ̈ro vaerä mbaeyoa re vae oñeñono teea pe? Echa oñeñono tee kavi yae vae ko, jae omee peve peraja vaerä jeta vae reta jeko ikavimbae, oñeñono kavi ye vaerä yandeYa jóvai.

LEVÍTICO 14:13

Jare toñaseokɨ̈ti vecha kuimbae taɨrusu vae, mɨmba oyeyuka mbaeyoa re vae, mɨmba oyeyuka opaetei oyeapɨ vae oñeaseokɨ̈tía pe. Echa mɨmba oyeyuka mbaeyoa re vae jare mɨmba oyeyuka ñɨ̈ro pegua vae sacerdote imbaerä ko, mbae oñeñono tee kavi yae vae ko.

LEVÍTICO 2:10

Jare jókuae mbota güi jembɨregüe topɨta Aarón jare taɨ reta peguarä; mbae oñeñono tee kavi yae ete vae ko mbota reta güi cheveguarä.

LEVÍTICO 2:3

Jare mbota güi jembɨregüe topɨta Aarón jare taɨ reta peguarä; mbae oñeñono tee kavi yae ete vae ko, mbota reta güi cheveguarä.

LEVÍTICO 21:23

ërei agüɨye toya asoya o imboyaoa re, ani mɨmba oyeyuka oyeapɨ jese vae re, echa jete oikomegua ko, agüɨye vaerä omongɨa chero mbaemboetea. Echa che ko peYa poñono tee vae.”

LEVÍTICO 22:25

Agüɨye ketɨgua reta güi ave toipɨɨ reta kuae nunga mɨmba oñemee vaerä tembiurä peTumpa pe, echa mɨmba oikomeguagüe ko; mbaetɨ ko jete kavi, Tumpa ngaraa ipɨakatu jese peve.”

LEVÍTICO 22:7

Kuaraɨ oike ma yave topɨta ikɨambae; jare jaɨkue rupi ipuere jou mbota oñeñono tee vae, echa jae jou vaerä ko.

LEVÍTICO 27:28

Ërei mbaetɨ eteita oñemee ani oyegua mbae oñemee oñeñono tee cheve vae, kuimbae, mɨmba ani ɨvɨ, opaete mbae oñeñono tee vae, toñeñono tee kavi yae cheveguaräño.

LEVÍTICO 6:10

Jare sacerdote tomonde jemimonde igüɨ pegua lino pegua jare temimonde lino pegua, jare opa ma ókai mɨmba yave, tombosɨrɨ itanimbugüe mɨmba oyeyuka oyeapɨ jese vae güi, jare toñono mɨmba oyeyuka oyeapɨ jese vae iyɨpɨ pe.

LEVÍTICO 6:29

Opaete sacerdote reta tou joko güi. Kuae ko mbae oñeñono tee kavi yae Tumpa peguarä vae.

LEVÍTICO 7:1

Jaeramiño jae kuae mborookuai kërai oyeapo vaerä mɨmba oyeyuka ñɨ̈ro pegua jare mbaemboepɨ oñemoïru reve vae. Kuae ko jae oñeñono tee kavi yae Tumpa peguarä vae.

LEVÍTICO 7:6

Opaete sacerdote reta tou joko güi oñeñono teea pe; kuae ko mbae oñeñono tee kavi yae Tumpa peguarä vae.

NÚMEROS 18:19

Opaete Israel iñemuña reta mbota güɨrökuavee omee cheve mbae oñeñono tee vae güi vae amee ko ndeve, nderaɨ reta jare nderayɨ reta yogüɨreko ndépɨri vae pe, jekuae avei pegua; yukɨ morogüɨrökuavee päve jekuae avei pegua ko yandeYa oyapo, nde ndive jare neñemuña reta ndive.”

1 Corintios 9:13

¿Mbaetɨ pa peikuaa tupao pe oparavɨkɨ vae reta jou ko tembíu tupao pegua? Echa mɨmba oyeyukagüe oyeapɨ jesea pe oparavɨkɨ vae reta jou ko jókuae mɨmba oyeyukagüe isoo.