LEVÍTICO 21:15 - Biblia Guarani Tumpa Iñee

¹⁵ agüɨye vaerä omongɨa iñemuña reta, jëtaɨgua reta ipɨte pe; echa che peYa ko añono tee reta.”

LEVÍTICO 21:15 ပူးပေါင်းရင်းမြစ်များ

GÉNESIS 18:19

Echa aiparavo ko güɨroata vaerä taɨ reta jare opaete iñemuña reta cheporomboe rupi; oyapo reta vaerä jupi vae jare sɨmbi vae; jökorai yave aruta Abraham re opaete arökuavee chupe vae.”

ESDRAS 2:62

Kuae reta oeka tëi iñemuñagüe reta jee tupapire pe tee oñemoapɨtaa pe, jare mbaetɨ oväe reta, jáeramo omoë reta mbaravɨkɨ sacerdote pegua güi.

ESDRAS 9:2

Echa jae reta jare taɨ reta güɨreko jókuae ɨvɨ pegua reta tayɨ, jökorai Tumpa jembiparavo reta oyea ïru tëta pegua reta ndive. Mburuvicha reta etei tenonde oyapo kuae mbaeyoa.”

ÉXODO 34:16

ani tayɨ reta omomenda yave peraɨ reta ndive, jókuae kuña reta omboete yave itumpa reta, omboeteukata vi ko peraɨ reta pe jae reta itumpa reta.

LEVÍTICO 19:2

“Ere opaete Israel iñemuña reta pe: Peiko tee peyoambae, echa che peYa Tumpa iyoambae ko.

LEVÍTICO 20:7

Peñeñono tee cheve, jare peiko iyoambae, echa che ko peYa Tumpa.

LEVÍTICO 21:14

Agüɨye tomenda imemano vae ndive ani ime omombogüe ndive, oyemboeteukambae ani iyaguasa pota vae ndive; tomenda metei kuñatai jëta pegua ndei etei kuimbae ndive oasa vae ndive,

LEVÍTICO 21:16

YandeYa jei Moisés pe:

LEVÍTICO 21:8

Eñono tee reta opaete mbaembae güi, echa jae reta ko omee mbɨyape neTumpa pe. Jare iyoambae toyogüɨreko ndeveguarä, echa che peYa iyoambae ko añono tee reta.

LEVÍTICO 22:16

echa jou reta ko yave jókuae mbota oñeñono tee Tumpa pe vae omboekoukata ko Israel iñemuña reta. Che ko peYa poñono tee vae.”

MALAQUÍAS 2:11

Judá iñemuña reta oyapo ikavimbae vae, Israel pe jare Jerusalén pe oyeapo pɨ̈chɨi yae vae. Echa Judá iñemuña reta omongɨa tupao guasu yandeYa oaɨu yae vae; jare omenda reta tumpa-raanga imboetea reta tayɨ ndive.

MALAQUÍAS 2:15

Tumpa ko oyapo mókoi vae güi meteiño, güɨnoi jete jare jekove. ¿Maera pa oyapo metei ramiño? Echa oipota tëi ko peñemuña vaerä Tumpa peguaräño. ¡Jáeramo, peñeñovatu agüɨye pembotavɨ perembireko, petaɨrusu güive pemenda jae ndive vae!

San Mateo 23:17

¡Yarakuaambae reta, jesambae vae reta! ¿Echa mbae pa yambotenondeta oro ani tupao pa?, echa tupao ko oñono tee oro.

Romanos 11:16

Echa mbaagüɨyerɨpɨ reta oñeñono tee Tumpa pe yave, opaete trigokúi oyemombɨugüe oñeñono tee vi ko Tumpa peguarä. Ani metei temitɨ japo reta oñeñono tee Tumpa pe yave, opaete jäka reta oñeñono tee vi ko Tumpa peguarä.

1 Corintios 7:14

Echa kuimbae oporogüɨroviambae vae oñeñono tee ko imenda rupi jembireko iporogüɨrovia rupi. Jaeramiño vi kuña oporogüɨroviambae vae ime rupi. Jare oyoeya reta yave, imichia reta ikɨa ko Tumpa jóvai. Ërei añave ikɨambae reta ko.