LEVÍTICO 20:8 - Biblia Guarani Tumpa Iñee

⁸ Jare peñovatu pepɨa pe jare peyapo cheporookuai reta. Che ko peYa Tumpa, peñono tee iyeupeguarä vae.

LEVÍTICO 20:8 ပူးပေါင်းရင်းမြစ်များ

ÉXODO 31:13

“Nde ere Israel iñemuña reta pe: ‘Pemboete ara reta mbutuu pegua cheveguarä oyeapo vae; echa jae ko ikañɨmaa vaerä cheve, jare peve jekuae avei rupi, peikuaa vaerä che ko peYa poñono tee vae.

EZEQUIEL 20:12

Aikuaauka vi chupe reta cheara mbutuu pegua, jókuae rupi ikañɨmaa vaerä tëi jae reta cheve, jare metei yemomaendúa che ko añono tee reta cheyeupeguarä vae.

EZEQUIEL 37:28

Jare ïru tëtaguasu reta oikuaata che peYa Tumpa ko añono tee Israel iñemuña reta vae, anoi ma yave chero mbaemboetea pegua jae reta ipɨte pe jekuae avei pegua.’ ”

LEVÍTICO 19:19

Peyapo cheporookuai reta. Agüɨye perɨmba pemboyopɨɨ mɨmba ambuaeyee vae ndive. Agüɨye pemboyea yea temitɨ jäɨ peñotɨ peko pe. Agüɨye peyemonde temimonde ipɨaa oyea yea vae pe.

LEVÍTICO 19:37

Peñovatu pepɨa pe jare peyapo opaete cheporookuai reta. Che ko peYa.”

LEVÍTICO 20:26

Peyoambae peiko cheve, echa che peYa iyoambae ko, che ko poparavo ïru tëta reta güi, peiko vaerä chembaerä.

LEVÍTICO 21:8

Eñono tee reta opaete mbaembae güi, echa jae reta ko omee mbɨyape neTumpa pe. Jare iyoambae toyogüɨreko ndeveguarä, echa che peYa iyoambae ko añono tee reta.

LEVÍTICO 22:32

Agüɨye pemongɨa cheree ikɨambae, jökorai aiko tee vaerä Israel iñemuña reta ipɨte pe. Echa che ko peYa poñono tee vae,

San Mateo 12:50

Echa opaete cheRu ara pe oï vae jeigüe oyapo vae reta ko jae cherɨvɨ, chereindɨ jare chesɨ.

San Mateo 23:17

¡Yarakuaambae reta, jesambae vae reta! ¿Echa mbae pa yambotenondeta oro ani tupao pa?, echa tupao ko oñono tee oro.

San Mateo 5:19

Oime yave kia metei mborookuai güi mbaeä eteiecha vae mbaetɨ oyapo, jare jökorai oporomboe yave, michi yaeta ko opɨta araɨgua mborookuaía pe. Ërei oime yave kia oyapo jare oporomboe jese vae, tuicha yaeta ko araɨgua mborookuaía pe.

San Mateo 7:24

Jáeramo, oime kia oyeapɨsaka cheré jare oyapo che jae chupe oyapo vaerä vae yave, tambojaanga metei kuimbae iyarakuaa vae jorä omopüa ita guasu re vae re.

San Juan 13:17

Kuae peikuaa jare peyapo yave, peyeroviata yaeta ko.

1 Corintios 1:30

Ërei Tumpa etei peapo metei ramiño Cristo Jesús ndive. Echa Cristo Jesús rupi Tumpa omee yandeve arakuaa, yembojupi, ñaneñono tee jare yandereepɨ.

1 Tesalonicenses 5:23

Tumpa etei, mbɨakatu omee vae, tapeñono tee jare toyangareko kavi peré, peespíritu re, perekove re jare perete re, agüɨye vaerä kia pemboeko mbae re yandeYa Jesucristo ou ye yave.

2 Tesalonicenses 2:13

Cherɨvɨ reta, yandeYa oaɨu vae reta, ikavi ko jekuaeño romee vaerä yasoropai Tumpa pe peré, echa Tumpa peparavo iyɨpɨ güive pemboasa vaerä, Espíritu Santo peñono tee Tumpa peguarä vae rupi, jare añete vae perovia ramo.

Santiago 1:22

Ërei peyapo ñee peendu vae. Agüɨye peenduiño. Echa peenduiño yave peyembotavɨta ko pe aeño.

Apocalipsis 22:14

Oyerovia ko jemimonde oyoe vae reta, ipuere vaerä oya ɨvɨra tekove pegua re, jare oike vaerä tëta guasu pe jöke rupi.