LEVÍTICO 20:18 - Biblia Guarani Tumpa Iñee

¹⁸ Kia nunga vae opoko yave kuña jugüɨ reve oï vae re, jare kuña oñemaeño yave, omboyekuaa ko jugüɨ reve oï vae; mókoi reve toyemombo ete kavi jëtara reta ipɨte güi.

LEVÍTICO 20:18 ပူးပေါင်းရင်းမြစ်များ

ÉXODO 30:33

Kia nunga vae oyapo yave kuae rami etei mbae ikäti kavi vae, jare opɨyere yave oipotagüe kuimbae re, toyemombo ete kavi jëtara reta ipɨte güi.’ ”

EZEQUIEL 18:6

Mbaetɨ ojo oyea aretea pe oñemee yave mbaemboete ɨvɨtɨ re, mbaetɨ vi omboete tumpa-raanga reta Israel pegua; mbaetɨ oasa japicha jembireko ndive, mbaetɨ vi oya jembireko re jugüɨ oï yave;

EZEQUIEL 22:10

Amogüe reta oasa tu jembireko ndive, ani omboeteä kuña imbaerasɨ yave oï, yasɨ ñavo vae.

LEVÍTICO 12:2

“Ere Israel iñemuña reta pe körai: Kuña ipurúa jare imembɨ oa vae kuimbae ko yave, tikɨa topɨta Tumpa jóvai chiu ara, tugüɨ oiporara yasɨ ñavo vae rami.

LEVÍTICO 15:24

Kia nunga vae oyapakua yave jae ndive jugüɨ oï reve, jare jugüɨ oya jese yave, tikɨa topɨta Tumpa jóvai chiu ara rupi, jare jókuae kuimbae opaete mbae re oyapakua vae, tikɨa topɨta Tumpa jóvai.

LEVÍTICO 18:19

Agüɨye kia nunga vae topoko kuña jugüɨ oï vae re.