LEVÍTICO 20:14 - Biblia Guarani Tumpa Iñee

¹⁴ Kia nunga vae güɨreko yave kuña jare omoñemɨi ichɨ ndive yave; echa ikavimbae yae ko oyapo, peapɨ opa reve jekove reveño tata pe, agüɨye vaerä oime jókuae ikavimbae yae vae pepɨte pe.

LEVÍTICO 20:14 ပူးပေါင်းရင်းမြစ်များ

LEVÍTICO 18:17

Agüɨye kia nunga vae topoko metei kuña re jare imemɨkuña re ani jamariro re: Imembɨraɨe tayɨ ani imemɨkuña imembɨ re, echa metei tugüɨ reta ko. Ikavimbae yae vae ko jókuae.

LEVÍTICO 21:9

Jare sacerdote tayɨ omboɨpɨ yave iyaguasa pota, omboeteä ko tu; jekove reveño toyeapɨ tata pe.

AMÓS 2:7

Oyuvanga reta ipuerembae vae reta re, jare paravete vae reta güi güɨrova reta teko; metei kuimbae taɨ ndive güɨreko päve metei kuñatai, omongɨa reta cheree ikɨambae.

DEUTERONOMIO 27:23

‘Tijeko jaicho re opoko vae.’ Jare opaete vae tei: ‘Amén.’

JOSUÉ 7:15

Jare jókuae oñeväe jese mbaembae yepopeyu pe oï vae yave, topa toyeapɨ, opaete imbaembae ndive, echa oyavɨ ko cheporogüɨrökuavee päve kotɨ, jare oyapo ikavimbae Israel iñemuña reta ipɨte pe.

JOSUÉ 7:25

Jare Josué jei chupe: —¿Maera pa orembosusere? Tandembosusere yandeYa kuae ara. Jare opaete Israel iñemuña reta oyapi ita pe, jare opa oapɨ reta oyuka güire ita pe.