LEVÍTICO 19:36 - Biblia Guarani Tumpa Iñee

³⁶ Pejäa kavi mbae pemee oyoupe mbaejäaka pe. Che ko peYa Tumpa, ɨvɨ Egipto güi perenoe vae.

LEVÍTICO 19:36 ပူးပေါင်းရင်းမြစ်များ

1 CRÓNICAS 23:29

Ñogüɨnoi vi oyangareko vaerä mbɨyape mbaemboete pegua oyemboyoarambo kavi vae re, trigokúi re, mbota temitɨ jäɨgüe re, mbɨyape ipïreriasɨ oyembovumbae re, mbota mbɨyape oyɨ takɨpe pe vae re, mbɨyape oyeapegüe re jare opaete mbaejäaka re.

ÉXODO 20:2

“Che ko jae peYa Tumpa, perenoe ɨvɨ Egipto güi vae, yeokuaiasɨ katu güi.

PROVERBIOS 11:1

YandeYa güɨröɨro yae ko omaemee yave oata ojäa omee vae; ërei omboyerovia yae jupi rupi kavi mbae ojäa omee vae.

PROVERBIOS 16:11

Oñejäa kavi oñemee mbae vae, jare mbaejäaka jupi vae, yandeYa güi ko ou; opaete mbae oñejäa oñemee pɨpe vae, jae etei ko oñono.

PROVERBIOS 20:10

Omaemee vae oata ojäa omee vae jare imbaejäaka jaekavimbae, kuae mókoi reve ikaviä yae ko yandeYa pe.

EZEQUIEL 45:10

Peiporu mbaejäaka reta ikavi vae jare mbae oñejäa pɨpe vae mbaetɨta pemanaro pɨpe vae.

LEVÍTICO 11:45

Echa che ko jae peYa pogüɨnoeuka ɨvɨ Egipto güi vae, aiko vaerä peTumparä. Jáeramo peiko tee mbaeyoa güi, echa che ko iyoambae.’

LEVÍTICO 19:37

Peñovatu pepɨa pe jare peyapo opaete cheporookuai reta. Che ko peYa.”

MIQUEAS 6:11

¿Aeyata pa jekombae, mbaejäaka oyemboyoavɨgüe güɨnoi vae? ¿Jare omboɨru oñono, ojäa kavimbae reve vae?

ZACARÍAS 5:6

Jare aparandu chupe: “¿Mbae pa jókuae?” Jae jei cheve: “Kuae ko jae metei mbaejäaka, jae ko opaete kuae ɨvɨ pegua reta iyoa oñejäa pɨpe vae.”