LEVÍTICO 19:33 - Biblia Guarani Tumpa Iñee

³³ Agüɨye peiporarauka ketɨgua yogüɨreko pepɨte pe vae pe.

LEVÍTICO 19:33 ပူးပေါင်းရင်းမြစ်များ

ÉXODO 22:20

Mɨmba oyuka omee ïru tumpa reta pei yandeYa güi vae, tomano.

ÉXODO 22:21

Agüɨye pembotavɨ jare peiporarauka ketɨgua reta pe, echa pe reta ketɨgua ko peikose ɨvɨ Egipto pe.

ÉXODO 23:9

Agüɨye pembopɨatɨtɨ ketɨgua; echa pe reta peikuaa, kërai ko ketɨgua reta ipɨa vae, echa pe reta peikose ketɨgua ɨvɨ Egipto pe.

JEREMÍAS 7:6

jare mbaetɨ peyuvanga ketɨgua re, tɨ̈reɨ re jare imemano vae re yave, ani kuae ɨvɨ pe ave mbaetɨ jekombae peyuka yave, ani jókuae tumpa ambuae reta mbaetɨta ikavi peve vae mbaetɨ pemboete yave,

EZEQUIEL 22:29

Opaete vae reta oporogüɨrekoasɨ katu jare omaeñomi reta; omaepɨ̈ro reta paravete vae güi jare oata mbae re vae güi, jare oyapo reta jupimbae ketɨgua reta pe.

EZEQUIEL 22:7

Nderapɨpe yogüɨreko vae reta omboeteä tu jare ichɨ, oiporarauka reta ketɨgua pe, opɨ̈ro reta mbae tɨ̈reɨ güi jare imemano vae güi.

MALAQUÍAS 3:5

Jei yandeYa Imbaepuere yae ete vae: “Jare ayuta pekotɨ aporojäa vaerä; amoañete vaerä imbaekuaa vae reta jeko jare iyaguasa vae reta, yapu reve imiari vae reta, jembiokuai pe mbaetɨ omboepɨ kavi vae reta, imemano vae tɨ̈reɨ, jare ketɨgua pe jupimbae oyapo vae reta mbaetɨ reve oipoɨu reta chegüi.”

DEUTERONOMIO 24:14

Agüɨye peyuvanga paravete vae re, ara ñavo oyeokuai omongana vaerä vae, perëtaɨgua ani ketɨgua oiko peɨvɨ pegua tëta guasu reta pe vae.

DEUTERONOMIO 24:17

Agüɨye peyapo jupimbae ketɨgua kotɨ, ani tɨ̈reɨ kotɨ, imemano vae jemimonde ave agüɨye peekɨ chugüi ipía re.

DEUTERONOMIO 24:18

Pemaendúa, pe reta tembiokuai ko peikose Egipto pe vae, jare joko güi yandeYa Tumpa perenoe; jáeramo, che poyókuai peyapo vaerä opaete kuae.

DEUTERONOMIO 27:19

‘Tijeko oyapo ikavimbae ketɨgua pe vae, tɨ̈reɨ pe ani imemano vae pe vae.’ Jare opaete vae tei: ‘Amén.’