LEVÍTICO 19:26 - Biblia Guarani Tumpa Iñee

²⁶ Agüɨye peu soo jugüɨ reve. Agüɨye pembaekuaa, ani pemomora peikuaa vaerä mbae maratuta vae.

LEVÍTICO 19:26 ပူးပေါင်းရင်းမြစ်များ

GÉNESIS 44:5

Echa cheya pɨpe ko oɨu, jare pɨpe vi oikuaa mbaembae outa vae. ¡Mbaetɨ ko ikavi kuae peyapo vae!”

GÉNESIS 9:4

Ërei agüɨyeta peu soo jugüɨ reve. Echa jugüɨ re ko oï jekove.

2 REYES 17:17

Oapɨ reta vi taɨ reta jare tayɨ reta tumpa-raanga pe, jare güɨrovia katu reta mbaekuaa rupi maratuta vae re omombeu vae, jare moroäɨvo reta re, oyapo reta ikavimbae yandeYa jesa róvai vae rupi omboarasɨuka.

2 REYES 21:6

Oapɨuka vi taɨ reta tumpa-raanga pe, oyemoambeko mbae oecha vaerä mbaekuaa rupi jare oikuaa vaerä mbae maratuta vae re, oñono imbaekuaa vae reta jare maratuta vae imombeúa reta, jökorai ombojeiete ikavimbae yandeYa jesa róvai vae rupi omboarasɨuka.

2 CRÓNICAS 33:6

Oapɨuka vi taɨ reta ɨvɨtɨ päu Hinom pe; oyemoambeko mbae oikuaa vaerä moroäɨvo rupi, oikuaa vaerä mbaekuaa rupi mbae maratuta vae; jare oparandu maratuta vae imombeúa reta pe jare imbaekuaa vae reta pe. Jökorai jeiete oyapo ikavimbae yandeYa jesa róvai, omboarasɨuka regua.

ÉXODO 7:11

Jayave Faraón oenɨi vi imbaekuaa vae reta jare ichoropa vae reta, kuae reta oyapo vi jökorai etei imbaekuaa rupi,

ÉXODO 8:7

Jare imbaekuaa vae reta oyapo vi jökorai imbaekuaa rupi, omboyekuaa reta vi jeta pïte opaete ɨvɨ Egipto rupi.

JEREMÍAS 10:2

Jei körai: “Agüɨye pemomoe ïru tëtaguasu reta jeko, agüɨye pekɨɨye mɨakañɨ reta ara re oyekuaa vae güi, yepe tëi tëtaguasu reta okɨɨye chugüi.

DANIEL 2:10

Caldeaɨgua iyarakuaa vae reta jei mburuvicha guasu pe: —Mbaetɨ ko metei ave kuimbae kuae ɨvɨ pe ipuereta omombeu nde mburuvicha guasu reipota reikuaa vae; jare mbaetɨi vi metei mburuvicha guasu ave, ani metei mburuvicha ani kia nunga iya ave oparandu kuae nunga re metei ichoropa vae pe, yasɨtata re oyemboe vae pe, Caldeaɨgua iyarakuaa vae reta pe.

LEVÍTICO 19:25

jare pandepoa año pe, pepuere ma peu opaete temitɨ iagüe, echa jayave temitɨ reta ia jetata. Che ko peYa Tumpa.

LEVÍTICO 3:17

Mborookuai jekuae avei pegua toiko peveguarä jare peraɨ reta peguarä, oipota rupi peikoa rupi, agüɨye peu mbaekɨra ani tugüɨ.”

LEVÍTICO 7:26

Jaeramiño vi oipota rupi peikoa rupi, agüɨye peu güɨra reta jugüɨgüe ani mɨmba reta jugüɨgüe.

MALAQUÍAS 3:5

Jei yandeYa Imbaepuere yae ete vae: “Jare ayuta pekotɨ aporojäa vaerä; amoañete vaerä imbaekuaa vae reta jeko jare iyaguasa vae reta, yapu reve imiari vae reta, jembiokuai pe mbaetɨ omboepɨ kavi vae reta, imemano vae tɨ̈reɨ, jare ketɨgua pe jupimbae oyapo vae reta mbaetɨ reve oipoɨu reta chegüi.”

Hechos 15:20

Ërei toyekuatía chupe reta, agüɨye vaerä oyemongɨa tumpa-raanga reta pe mbae oñererökuavee vae rupi, aguasa pe jare mɨmba oyeyuvɨgüe isoo, jare mbaerugüɨ, jare agüɨye vaerä oyapo aguasa.

DEUTERONOMIO 12:16

Jaeño ete jugüɨgüe agüɨye peu, pepɨyere ɨvɨ re ɨ rami.

DEUTERONOMIO 12:23

Jaeño agüɨye peu jugüɨgüe, echa tugüɨ jae ko tekove, jayave agüɨye peu soo tekove ndive.

DEUTERONOMIO 15:23

Jaeño ete agüɨye peu jugüɨ, pepɨyere ɨvɨ pe ɨ rami.

1 SAMUEL 14:32

jayave jovaicho reta güi mbae opɨ̈rogüe re opoko reta jare oipɨɨ reta vecha, guaka, toro taɨrusu vae, oñaseokɨ̈ti ɨvɨ re, jare jou reta soo jugüɨ reve.

1 SAMUEL 14:33

Jare omombeu reta Saúl pe: —Sundaro reta iyoa yandeYa kotɨ, echa jou reta ñogüɨnoi soo jugüɨ reve. Jayave Saúl jei: —¡Pe reta ko jae peikuaa reve peyoa vae! Pemboyapayere añave peru cheve metei ita tuicha vae.

1 SAMUEL 15:23

Echa mbaekuaa rupi mbae maratuta vae re oikuaa vae iyoa rami ko ipɨapochɨ vae iyoa; tumpa-raanga omboete vae rami ko iñeereendumbae. Nde reröɨro yandeYa iñee jeko pegua, jae ñereröɨro vi agüɨye vaerä reiko mburuvicha guasurä.”