LEVÍTICO 19:18 - Biblia Guarani Tumpa Iñee

¹⁸ Agüɨye peyepɨse, agüɨye peñovatu pepɨa pe ikavimbae perëtaɨgua kotɨ. Peaɨu perapicha pe peyeaɨu rami. Che ko peYa.

LEVÍTICO 19:18 ပူးပေါင်းရင်းမြစ်များ

GÉNESIS 4:23

Lamec jei jembireko Ada jare Zila pe: “Peyeapɨsaka cheñee re: Metei kuimbae ayuka chembopere ramo, jare metei kunumi chenupa ramo.

2 SAMUEL 13:22

Absalón mbaetɨ etei mbae jei Amnón pe, ërei omotareɨ omae Amnón re, opoko ramo jeindɨ Tamar re.

2 SAMUEL 13:28

Absalón yepe jei jembiokuai reta pe: “Pemae kavi, Amnón osavaɨpo ma oï yave, che jaeta peve peyuka vaerä yave, peyuka; agüɨye pekɨɨye, echa che ko jae peve. Jayave peñemomɨ̈rata jare peñemoäta ngatu.”

SALMOS 103:9

Mbaetɨ ko oñeengata avei yandeve, mbaetɨ vi iyarasɨ avei;

ÉXODO 20:16

Agüɨye pemiari añetembae perapicha kotɨ.

PROVERBIOS 20:22

Agüɨye ere: “Tayepɨ jese”; eyeko yandeYa reño jae ko ndereepɨ ta.

LEVÍTICO 19:34

Pemae kavi jese reta, pe pemae oyoe rami; peaɨu, pe reta peyeaɨu rami; echa pe reta ketɨgua peikose yepi ɨvɨ Egipto pe. Che ko peYa Tumpa.

San Mateo 19:16

Jayave metei taɨrusu ou jei Jesús pe: —Oporomboe vae, jupi vae. ¿Mbae ikavi vae pa ayapota anoi vaerä tekove opambae vae?

San Mateo 19:19

Emboete nderu jare ndesɨ. Jare eaɨu nderapicha, nde reyeaɨu rami.

San Juan 13:34

Amee peve metei mborookuai ipɨau vae, jae ko: Peyoaɨu. Peyoaɨu che poaɨu rami.

Hechos 16:28

Ërei Pablo osapúkai reve jei: —¡Agüɨye eyeyuka. Ko opareveño roï kuae pe!

Romanos 12:17

Ikavimbae vae oyapo peve vae pe, agüɨye pemboekovia ikavimbae vae pe. Peeka peyapo ikavi vaeño opaete vae jovake.

Romanos 12:19

Cherɨvɨ reta, agüɨye pe etei peeka peyepɨ vaerä mbae ikavimbae vae oyapo peve vae kotɨ. Pemaeño Tumpa toiporarauka chupe. Echa oyekuatía oï körai: “Oiporarauka vae ko che. Che tamboekovia chupe.”

Romanos 13:4

echa mburuvicha reta oyeokuai ko ñogüɨnoi Tumpa pe ndemborɨ vaerä. Ërei reyapo ikavimbae vae yave, ekɨɨye. Echa Tumpa omee chupe reta mbaepuere oiporarauka vaerä. Jáeramo oyeokuai ñogüɨnoi Tumpa pe, oiporarauka vaerä ikavimbae oyapo vae reta pe.

Romanos 13:9

Echa mborookuai jei körai: “Agüɨye peyuvanga menda re. Agüɨye peporoyuka. Agüɨye pemonda. Agüɨye pemiari peapu reve perapicha kotɨ. Agüɨye pembaepotarai.” Jare oime vi ïru mborookuai reta. Ërei opaete kuae mborookuai reta körai oñemometei: “Peaɨu perapicha, pe peyeaɨu rami.”

Gálatas 5:14

Echa opaete mborookuai, oyembopo kuae re: “Eaɨu nderapicha nde reyeaɨu rami.”

Gálatas 5:20

tumpa-raanga pota, mbaekuaa reta, ñemotareɨ reta, ñeapo reta, ñemoägüɨro reta, ñoraro reta, yoambotaä reta, mboromboe añetembae reta,

Efesios 4:31

Agüɨye peñovatu pepɨa pe, mbochɨ, arasɨ, yoaka, ñeeasɨ katu, jare opaete ikavimbae.

DEUTERONOMIO 32:25

Kɨsepuku oporoyukata ikatu rupi, jare o japɨpe rupi kɨɨye; omanota kunumi jare kuñatai, ndechi reta jare vi michia okambu vɨteri vae reta.

DEUTERONOMIO 32:35

oiporarauka jare omboepɨuka vae ko che, iara pe ogüɨapi retata. Echa köi yae ma oï oiporara reta vaerä, ¡oäro güɨnoi vae köi yae ma!

Colosenses 3:8

Ërei añave peeya opaete kuae ïru ikavimbae vae reta: Arasɨ, mbochɨ, ikavimbae, mboroangao Tumpa kotɨ vae, ñee ikavimbae vae.

Hebreos 10:30

Yaikuaa ko Tumpa jei: “Oiporarauka vae ko che. Che tamboekovia chupe.” Jei vi: “YandeYa oiporaraukata imbae vae reta pe.”

Santiago 2:8

Peyapo yave jupi rupi mborookuai añetete vae, Tumpa Iñee pe jei rami, körai: “Eaɨu nderapicha nde reyeaɨu rami.” Peyapo ko ikavi vae.

1 Pedro 2:1

Jáeramo, peeya opaete ikavimbae vae, opaete mborombotavɨ, opaete tova mókoi, akatúä reta jare opaete ñeeasɨ katu.

1 Juan 4:21

Jare Jesucristo oeya yande kuae mborookuai: Oaɨu Tumpa vae, toaɨu vi iñeïru oporogüɨrovia vae.