LEVÍTICO 19:12 - Biblia Guarani Tumpa Iñee

¹² Agüɨye pere raangaiño cheree re añete vae nunga, echa pemboeteä ko peTumpa jee. Che ko peYa.

LEVÍTICO 19:12 ပူးပေါင်းရင်းမြစ်များ

SALMOS 15:4

omotareɨ omae, oñemotareɨuka vae re vae, ërei güɨnoi mboromboete jókuae Tumpa güi oipoɨu vae re; ombopo avei iñee, yepe tëi yavai, mbaetɨ oipoepɨ iyemongeta.

ÉXODO 20:7

Agüɨye peenɨi raangaiño peYa Tumpa jee. Echa ngaraa aeya jekombae rami, jókuae nunga chereenɨi raangaiño vae.

ISAÍAS 48:1

“Peyeapɨsaka, Jacob iñemuña reta, tee Israel pe peñeenɨi vae reta, Judá iñemuña reta; Tumpa jee re peñererökuavee mbae peyapo vaerä vae; Israel iTumpa pe peyerure vae reta, yepe tëi mbaetɨ añetete reve ani jupi rupi;

JEREMÍAS 34:16

Ërei jaɨkue rupi peipoepɨ ye peyemongeta, pemboeteä cheree, opa ye peipɨɨ perembiokuai reta kuimbae jare kuña peyoragüe, oyeokuai ye vaerä peve.

JEREMÍAS 4:2

ndepuere rere cheree re, añetete vae, jupi vae jare sɨmbi vae. Jayave tëtaguasu reta peguarä cheree oïta, mborerekua jare mbaemboetea peguarä.”

JEREMÍAS 5:2

Yepe tëi amogüe reta jei mbae cheree re, ërei mbaetɨ ko añetete jei reta.”

JEREMÍAS 7:9

Pemaeñomi, peporoyuka, peyuvanga menda re, peñererökuavee jaanga, peapɨ ikäti kavi vae incienso Baal pe, jare pemboete tumpa ambuae mbaetɨ peikuaa vae reta.

LEVÍTICO 18:21

Agüɨye kia nunga vae tomee taɨ mbota rami tumpa-raanga Moloc jee vae pe, agüɨye pemongɨa peTumpa jee. Echa che ko peYa.

LEVÍTICO 20:3

Jare che tayovaicho jókuae kuimbae kotɨ, jare tamokañɨtei jëtara reta ipɨte güi, taɨ omee tumpa-raanga Moloc jee vae pe jeko pegua, echa omongɨa chero mbaemboetea jare cheree ikɨambae.

LEVÍTICO 24:11

Jare kuae kuña Israel iñemuña pegua imembɨraɨe oyangao Tumpa; jare güɨraja reta Moisés jóvai. Ichɨ ko jee Selomit, Dibri tayɨ, jae ko Dan iñemuña pegua;

LEVÍTICO 6:3

ani mbae okañɨgüe oväe vae oikuaku yave, jare oyeepɨ yave añete rami Tumpa jee re oipotagüe mbae nunga rupi kuimbae reta iyoa vae,

ZACARÍAS 5:3

Jayave jei cheve: “Kuae jae ko oyekuatía yoyavi yepopeyu outa opaete ɨvɨ pe vae, metei jovaicho oyekuatía vae pe jei: Opaete imonda vae oyemboaita, jare jovaicho re oyekuatía vae pe jei: Añetete rami mbae jei Tumpa jee re vae oyemboaita.

ZACARÍAS 5:4

YandeYa Imbaepuere yae ete vae jei: ‘Che ko amondo yepopeyu imonda vae jo pe jare añetete rami mbae jei cheree re vae jo pe. Jare oïta joko pe opaetei regua omboai jo ndive, okɨta jare ita reta ave.’ ”

MALAQUÍAS 3:5

Jei yandeYa Imbaepuere yae ete vae: “Jare ayuta pekotɨ aporojäa vaerä; amoañete vaerä imbaekuaa vae reta jeko jare iyaguasa vae reta, yapu reve imiari vae reta, jembiokuai pe mbaetɨ omboepɨ kavi vae reta, imemano vae tɨ̈reɨ, jare ketɨgua pe jupimbae oyapo vae reta mbaetɨ reve oipoɨu reta chegüi.”

DEUTERONOMIO 5:11

Agüɨye peenɨi raangaiño peYa Tumpa jee, echa ngaraa oeya jekombae rami jee oenɨi raangaiño vae.

Santiago 5:12

Ërei, cherɨvɨ reta, agüɨye pere ara jee re ani ɨvɨ jee re ani ïru jee re ave. Pere yave: “Ayapota”, peyapo. Ani pere yave: “Ngaraa ayapo”, agüɨye peyapo, agüɨye vaerä peñejäauka.