LEVÍTICO 19:11 - Biblia Guarani Tumpa Iñee

¹¹ Agüɨye pemaeñomi, agüɨye peapu, agüɨye peporombotavɨ.

LEVÍTICO 19:11 ပူးပေါင်းရင်းမြစ်များ

2 SAMUEL 17:20

Jare Absalón jupiegua reta opa yogüɨraja oväe jókuae kuña jo pe yave oparandu reta chupe: —¿Jama pa Jonatán jare Ahimaas? Jókuae kuña jei chupe reta: —Kuae rupi opa oasa reta ɨ̈aka kotɨ. Jayave Absalón jupiegua reta opa yogüɨraja oeka, ërei oyerova reta ye Jerusalén kotɨ mbaetɨ oväe reta jeko pegua.

1 REYES 13:18

Ërei indechi vae jeiete yapu reve omoñera: —Che jae vi ko Tumpa iñeemombeúa nde rami, metei araɨgua omombeu Tumpa iñee cheve jei reve: “Ekua eru ndero pe. Tokaru jare tou ɨ.”

SALMOS 101:7

Iporombotavɨse vae ngaraa oiko chero pe; ¡metei ave iyapu vae ngaraa oiko cheróvai!

SALMOS 116:11

Ayemongetambae reve jae: “Opaete vae yapu vae päve ko.”

ÉXODO 20:15

Agüɨye pemaeñomi.

ÉXODO 20:16

Agüɨye pemiari añetembae perapicha kotɨ.

ÉXODO 20:17

Agüɨye peipotarai perapicha jo, agüɨye peipotarai perapicha jembireko, ani jembiokuai kuimbae, ani jembiokuai kuña, ani igüeye, ani imburika, ani oipotagüe mbae nunga güɨnoi perapicha vae.”

ÉXODO 22:1

Kia nunga vae oñomi yave güeye ani vecha, jare oyuka ani omee yave, jókuae güeye re tomboepɨ pandepo güeye, jókuae vecha re tomboepɨ irundɨ vecha.

ÉXODO 22:7

Kia nunga vae omee yave japicha pe korepoti ani mbae jepɨ vae, oñovatu vaerä chupe, jare okañɨ yave jókuae kuimbae jo güi, jare jókuae imonda vae oñeväe yave, tomboepɨ metei yoarambo ye;

ÉXODO 23:1

Agüɨye pemoërakua ndaye, agüɨye peñemoïru iyoa vae ndive, pemiari vaerä teko añetembae re.

PROVERBIOS 24:28

Agüɨye emboekoiño nderapicha jekombae reve, ñeapoa pe, agüɨye mbae jupimbae ave ere ikotɨ.

JEREMÍAS 6:13

Opaete vae, michia güive okuakuaa vae pe, iyeupeguaräño imbaepotarai yae reta, ñeemombeúa reta jare sacerdote reta ave, opaetei oporombotavɨ vae reta ko.

LEVÍTICO 19:10

Agüɨye vi peyevɨka uva re peuvarupa pe, agüɨye vi osururugüe pemonoo; peeya paravete vae reta peguarä, jare ketɨgua reta peguarä. Che ko peYa Tumpa.

Romanos 3:4

¡Mbaetɨ ko! Echa Tumpa oyapo opaete añete vae rupi, yepe tëi opaete ɨvɨ pegua reta iyapu vae ko. Oyekuatía oï körai: “Neñee rupi, reyembojupiukata, jare reñejäauka yave, ngaraa ndereko.”

Efesios 4:25

Jáeramo, peeya mo apu, metei ñavo pemiari perapicha pe añete vae. Echa opaete yande metei jeteño ko.

Efesios 4:28

Omaeñomise vae agüɨye ye mo tomaeñomi, toparavɨkɨ iyeupe, toyapo ipo pe mbae ikavi vae, ipuere vaerä omborɨ iporiau vae.

DEUTERONOMIO 5:19

Agüɨye pemaeñomi.

Colosenses 3:9

Agüɨye peapu oyoupe, echa peekɨ ma peyeugüi pereko indechigüe pɨ̈chɨi vae jare ikavimbae vae peyapose vae,

1 Timoteo 1:10

aguasa oyapo vae reta peguarä, jare kuimbae reta oyoupii oyogüɨreko vae peguarä, oñomi japicha vae reta peguarä, iyapu vae reta peguarä, oñeapo iyapu reve vae reta peguarä, jare oipotagüe mboromboe añete vae ndive oyovaicho vae reta peguarä.

Apocalipsis 21:8

Ërei okɨɨye vae reta jare oporogüɨroviambae reta, jare mbae pɨ̈chɨi vae oyapo vae reta, jare oporoyuka vae reta, jare iyaguasa vae reta, jare imbaekuaa vae reta, itumpa-raanga pota vae reta jare opaete iyapu vae reta yogüɨrajata tata guasu azufre ndive jendɨ vae pe. Kuae ko jae mano mokoía.