LEVÍTICO 18:28 - Biblia Guarani Tumpa Iñee

²⁸ ¡Agüɨye kuae ɨvɨ güi peyemombouka pemongɨa jeko pegua, kuae ɨvɨ pe ndei peike mbove yogüɨrekose vae reta opa oyemombouka rami!

LEVÍTICO 18:28 ပူးပေါင်းရင်းမြစ်များ

JEREMÍAS 9:19

Echa Sión güi oyeendu ñee yaeo reve vae körai: ¡Maera pa ko opa yayemboai! ¡Ñemomarai tuichagüe yaiporara! Yaeyata ko yandeɨvɨ, echa yandero reta opa oyemboai.

EZEQUIEL 36:13

YandeYa Tumpa jei körai: ‘Jei pekotɨ vae: Oporomokañɨtei vae jare peporoeya iñemuñambae vae.

EZEQUIEL 36:17

“Nde kuimbae, Israel iñemuña reta yogüɨreko ramboeve iɨvɨ pe, omongɨa reta jeko ikavimbae pe jare jembiapo reta ikavimbae pe; kuña yasɨ ñavo oiporara vae ikɨa rami cheróvai reta.

LEVÍTICO 18:25

jare omongɨa reta iɨvɨ, jáeramo, che aiporarauka chupe reta jeko re, jare ɨvɨ etei opa omoë omombo.

LEVÍTICO 18:27

Echa kuae ikavimbae yae vae ko oyapo jókuae ɨvɨ pegua reta, pe reta ndei peike jókuae ɨvɨ pe mbove, omongɨa reta iɨvɨ.

LEVÍTICO 18:29

Echa kia nunga vae oyapo yave kuae ikavimbae yae vae, toyemombo ete kavi jëtara reta ipɨte güi.

LEVÍTICO 20:22

Peñovatu pepɨa pe jare peyapo opaete cheporookuai reta, agüɨye vaerä peyemombouka jókuae ɨvɨ pogüɨrajata peiko pɨpe vae güi.

Romanos 8:22

Echa yaikuaa ko kërai iyɨpɨ güive añave regua opaete Tumpa jembiapo reta oiporara yae oï, metei kuña imembɨrasɨ vae oiporara yae oï rami.

Apocalipsis 3:16

Jare mbaetɨ chemotareɨ ani cheraɨu ramo romombota, yandeyuru güi mbae yamombo yayuguaru reve rami.