LEVÍTICO 17:6 - Biblia Guarani Tumpa Iñee

⁶ Jare sacerdote toñapiramo jugüɨgüe pe mɨmba oyeyuka oyeapɨ jese vae, cheróvai oï vae, jare toapɨ ikɨragüe mbae ipiche katu vae cheveguarä.

LEVÍTICO 17:6 ပူးပေါင်းရင်းမြစ်များ

ÉXODO 29:13

Eekɨ vi opaete ikɨra ichuri oñova vae, ipɨa jare ipɨ̈rɨkɨti reta ikɨra, jare eapɨ mɨmba oyeyuka oyeapɨ jese vae re;

ÉXODO 29:18

Jare opaetei eapɨ vecha kuimbae mɨmba oyeyuka oyeapɨ jese vae re; mɨmba oyeyukagüe opaetei oyeapɨ vae ipiche katu vae ko peYa peguarä; jae ko che peYa peguarä mbota oyeapɨ vae.

EZEQUIEL 44:15

Sacerdote reta Leví iñemuña pegua, Sadoc iñemuña reta, tupao re jekuaeño oyangareko reta cheve, Israel iñemuña reta oyembosɨrɨ chegüi yave vae reta, jókuae reta yogüeruta chekotɨ oyeokuai reta vaerä cheve, ñogüɨnoi retata cheróvai omee reta vaerä mɨmba ikɨragüe jare jugüɨgüe, jökorai che peYa Tumpa jae kuae.

LEVÍTICO 17:5

Kuae oyeapo ko Israel iñemuña reta kerupi mɨmba oyukase vae güeru vaerä mɨmba cheve, tupao guakapi pegua jöke pe sacerdote pe, jare jae tomee jese reta mbota yembopɨakatu pegua cheve.

LEVÍTICO 3:11

Jare sacerdote toapɨ kuae reta mɨmba oyeyuka oyeapɨ jese vae re; mbota tembíu oyeapɨ vae ko cheveguarä.

LEVÍTICO 3:13

Toñono ipo jókuae mɨmba iñäka re, jare toñaseokɨ̈ti tupao guakapi pegua jóvai; jare Aarón taɨ reta toñapiramo jugüɨgüe pe mɨmba oyeyuka oyeapɨ jese vae iyɨke yɨke re.

LEVÍTICO 3:16

Jare sacerdote toapɨ kuae reta mɨmba oyeyuka oyeapɨ jese vae re; mbota tembíu oyeapɨ ipiche katu vae ko cheveguarä. Opaete mɨmba ikɨragüe chembae ko.

LEVÍTICO 3:2

Jare jókuae mbota omee vae toñono ipo mɨmba iñäka re, jare toñaseokɨ̈ti tupao guakapi pegua ikësea jöke pe, jare sacerdote reta Aarón taɨ reta toñapiramo jugüɨgüe pe mɨmba oyeyuka oyeapɨ jese vae iyɨke yɨke re.

LEVÍTICO 3:5

Opaete kuae reta Aarón taɨ reta toapɨ mɨmba oyeyuka oyeapɨ jese vae re, mɨmba oyeyukagüe opaetei oyeapɨ vae ndive, yepea tata pe oï vae iárambo; mbota ipiche katu vae ko cheveguarä.

LEVÍTICO 3:8

Toñono ipo jókuae mɨmba iñäka re, jare jaɨkue rupi toñaseokɨ̈ti tupao guakapi pegua jóvai; jare Aarón taɨ reta toñapiramo jugüɨgüe pe mɨmba oyeyuka oyeapɨ jese vae iyɨke yɨke re.

LEVÍTICO 4:31

Jare toekɨ chugüi, opaetei ikɨragüe mɨmba oyeyukagüe yembopɨakatu pegua ikɨragüe oyeekɨ rami, jare sacerdote toapɨ mɨmba oyeyuka oyeapɨ jese vae re, ipiche katu vaerä cheve, jökorai sacerdote toyapo chupe, cheɨ̈ro vaerä iyoa re, jare cheɨ̈rota chupe.

NÚMEROS 18:17

Ërei guaka imembɨrɨpɨ toro raɨ, jare vecha imembɨrɨpɨ kuimbae, jare kavara imembɨrɨpɨ kuimbae, mbaetɨta oyemboepɨ; oñeñono tee vae reta ko; jókuae reta jugüɨgüe eñapiramo mɨmba oyeyuka oyeapɨ jese vae re, jare ikɨragüe eapɨ, mbota ipiche katu vae yandeYa pe.