LEVÍTICO 17:5 - Biblia Guarani Tumpa Iñee

⁵ Kuae oyeapo ko Israel iñemuña reta kerupi mɨmba oyukase vae güeru vaerä mɨmba cheve, tupao guakapi pegua jöke pe sacerdote pe, jare jae tomee jese reta mbota yembopɨakatu pegua cheve.

LEVÍTICO 17:5 ပူးပေါင်းရင်းမြစ်များ

GÉNESIS 21:33

Abraham oñotɨ metei ɨvɨra tamarisco jee vae Beerseba pe, jare oyerure joko pe yandeYa Tumpa opambae vae jee re.

GÉNESIS 22:13

Jayave Abraham omopüa iñäka jare oecha ikupe kotɨ ñurati tëɨ vae ipäu pe oï metei vecha kuimbae, jäti rupi oyepókoi oï vae. Jare ojo Abraham oipɨɨ jare omee mɨmba oyeyukagüe opaetei oyeapɨ vae Tumpa pe, taɨ jekovia pe.

GÉNESIS 22:2

Javoi Tumpa jei chupe: —Eraja añave nderaɨ Isaac jaeño vae, reaɨu yae vae, jare ekua ɨvɨ Moriah jee vae pe, jare joko pe nderaɨ emee cheve mɨmba oyeyukagüe opaetei oyeapɨ vae rami, jókuae metei ɨvɨtɨ che amombeuta ndeve vae re.

GÉNESIS 31:54

Jayave Jacob oyuka mɨmba omee Tumpa pe jókuae ɨvɨtɨ re jare oenɨi jëtara reta okaru. Opaete jae reta okaru jare joko pe iköe reta.

1 REYES 14:23

echa omopüa reta vi mbaemboete renda, tumpa-raanga reta jare Asera iä reta ɨvɨtɨ ñavo re, jare opaete ɨvɨra iküaraɨa kavi yae vae reta igüɨ rupi.

1 REYES 3:2

Jókuae ara rupi opaete vae omee mɨmba oyeyukagüe ɨvɨtɨ rupi, echa mbaetɨ vɨteri tupao oñemopüa yandeYa peguarä.

1 REYES 3:3

Salomón oaɨu yae yandeYa, jare oyapo opaete mborookuai reta tu David oyapo oeyagüe, jare jae etei omee mɨmba oyeyukagüe jare ikäti kavi vae incienso ɨvɨtɨ rupigua mbaemboetea re.

2 REYES 16:4

Jaeramiño vi omee mɨmba oyeyukagüe jare oapɨ ikäti kavi vae incienso mbaemboete renda ɨvɨtɨ rupigua reta jare opaete ɨvɨra iküaraɨa kavi yae vae igüɨ rupi.

2 REYES 17:10

omopüa reta mbae iä jare Asera iä opaete ɨvɨtɨ ɨvate vae ñavo re, opaete ɨvɨra iküaraɨa kavi yae vae igüɨ ñavo rupi,

2 CRÓNICAS 28:4

Jaeramiño vi omee mɨmba oyeyukagüe jare oapɨ ikäti kavi vae incienso mbaemboete renda ɨvɨtɨ rupigua reta rupi, jare opaete ɨvɨra iküaraɨa kavi yae vae igüɨ rupi.

ÉXODO 24:5

Omondo Israel iñemuña reta güi, taɨrusu vae reta omee vaerä yandeYa pe mɨmba reta oyeyukagüe opaetei oyeapɨ vae jare toro taɨrusu vae reta, mɨmba oyeyukagüe mbɨakatu pegua.

EZEQUIEL 20:28

Che aru reta jókuae ɨvɨ arökuavee amee vaerä chupe retaa pe, jare oecha reta ramboeve ɨvɨtɨ ɨvate vae jare ɨvɨra iküaraɨa kavi vae yave, joko pe omee reta mɨmba oyeyukagüe, jare mbota reta, pɨpe chemboarasɨ reta, joko pe omee vi ikäti kavi vae incienso jare mbota vino oyepɨyere vaerä oñemee vae.

EZEQUIEL 22:9

Nderapɨpe yogüɨreko vae reta iyapu reve imiari vae reta oporoyukauka, yogüɨraja reta aretea pe oñemee yave mbaemboete ɨvɨtɨ re tumpa-raanga reta pe, jare oyapo reta pɨ̈chɨi cheve vae.

EZEQUIEL 43:27

Chiu ara opa oasa güire, juri araa güi jenonde kotɨ, sacerdote reta tomee jókuae mɨmba oyeyuka oyeapɨ jese vae re mɨmba oyeyukagüe opaetei oyeapɨ vae jare mbota reta yembopɨakatu pegua. Jare che chepɨakatuta peré. Che peYa Tumpa jae kuae.”

EZEQUIEL 44:15

Sacerdote reta Leví iñemuña pegua, Sadoc iñemuña reta, tupao re jekuaeño oyangareko reta cheve, Israel iñemuña reta oyembosɨrɨ chegüi yave vae reta, jókuae reta yogüeruta chekotɨ oyeokuai reta vaerä cheve, ñogüɨnoi retata cheróvai omee reta vaerä mɨmba ikɨragüe jare jugüɨgüe, jökorai che peYa Tumpa jae kuae.

LEVÍTICO 17:4

mbaetɨ yave güeru tupao guakapi pegua jöke pe, omee vaerä mbota cheve, o guakapi pegua jóvai, toyemboeko jókuae mɨmba jugüɨ opɨyere vae re; jókuae kuimbae toyemombo ete kavi jëtara reta ipɨte güi.

LEVÍTICO 17:6

Jare sacerdote toñapiramo jugüɨgüe pe mɨmba oyeyuka oyeapɨ jese vae, cheróvai oï vae, jare toapɨ ikɨragüe mbae ipiche katu vae cheveguarä.

DEUTERONOMIO 12:2

Pemboai opaete mbaemboete renda tëtaguasu reta pepɨ̈rota vae itumpa-raanga reta oyeokuai reta chupe vae jenda; ɨvɨtɨ ɨvate vae re ñogüɨnoi vae, jare jɨsɨ re ñogüɨnoi vae, jare opaete ɨvɨra iküaraɨa kavi yae vae igüɨ rupigua.