LEVÍTICO 17:11 - Biblia Guarani Tumpa Iñee

¹¹ Echa opaete oikove vae, tugüɨ re ko güɨnoi tekove, jare jókuae tugüɨ che amee peve, cheɨ̈ro vaerä peyoa re, mɨmba oyeyuka oyeapɨ jese vae re, echa tugüɨ etei ko omboai mbaeyoa.

LEVÍTICO 17:11 ပူးပေါင်းရင်းမြစ်များ

GÉNESIS 9:4

Ërei agüɨyeta peu soo jugüɨ reve. Echa jugüɨ re ko oï jekove.

LEVÍTICO 1:5

Jayave toñaseokɨ̈ti toro taɨrusu vae cheróvai; jare sacerdote reta, Aarón taɨ reta tomee mɨmba jugüɨgüe, jare toñapiramo reta mɨmba oyeyuka oyeapɨ jese vae iyɨke yɨke re, tupao guakapi pegua jöke pe oï vae.

LEVÍTICO 16:11

Jare Aarón togüeruruka toro taɨrusu vae jae imbae, jare toñaseokɨ̈ti cheɨ̈ro vaerä iyoa re, jökorai toyapo ñeñono kavi iyeupeguarä jare jo pegua reta peguarä.

LEVÍTICO 17:12

Jáeramo jae Israel iñemuña reta pe: Agüɨye etei pegüi reta kia tou tugüɨ, ketɨgua reta pepɨte rupi yogüɨreko vae ave agüɨye tou tugüɨ.

LEVÍTICO 17:14

echa opaete mɨmba oikove vae, tugüɨ re ko güɨnoi tekove. Jáeramo jae Israel iñemuña reta pe agüɨye vaerä jou mɨmba jugüɨgüe, echa opaete mɨmba tugüɨ re ko oikove, oipotagüe jou tugüɨ vae toyemombo ete kavi.

LEVÍTICO 4:25

Jare sacerdote tomopöe ipoäka jókuae mɨmba jugüɨgüe pe jare toipichɨ mɨmba oyeyuka oyeapɨ jese vae re guakarätiecha ñogüɨnoi vae re mɨmba oyeyukagüe opaetei oyeapɨa pe, jare jugüɨ jembɨregüe topɨyere iyɨpɨ re.

LEVÍTICO 4:26

Jare opaete ikɨragüe toapɨ mɨmba oyeyuka oyeapɨ jese vae re, mbota yembopɨakatu pegua ikɨragüe rami; jökorai toyapo sacerdote jókuae mburuvicha iyoa re, cheɨ̈ro vaerä iyoa re, jare cheɨ̈rota chupe.

LEVÍTICO 8:15

Jare oñaseokɨ̈ti; jare Moisés oipɨɨ jugüɨgüe, omopöe ipoäka pɨpe jare opaetei oipichɨ guakarätiecha ñogüɨnoi mɨmba oyeyuka oyeapɨ jese vae re vae, jökorai oitɨo mɨmba oyeyuka oyeapɨ jese vae Tumpa peguarä, jare jugüɨ jembɨregüe opɨyere mɨmba oyeyuka oyeapɨ jese vae iyɨpɨ re, jare mɨmba oyeyuka oyeapɨ jese vae oñeñono tee opɨta jese Tumpa iñɨ̈ro vaerä mbaeyoa re.

San Mateo 20:28

Echa che Kuimbaerä ayeapo vae ayu ayeokuai vaerä ïru vae reta pe. Mbaetɨ ayu ïru vae reta oyeokuai cheve vaerä. Ayu amano vaerä, jeta vae aepɨ vaerä.

San Mateo 26:28

echa kuae jae ko cherugüɨ morogüɨrökuavee päve ipɨau vae pegua, oyepɨyereta Tumpa iñɨ̈ro vaerä jeta vae reta pe iyoa reta re.

San Marcos 14:24

Jare jei chupe reta: —Kuae ko jae cherugüɨ morogüɨrökuavee päve ipɨau vae pegua, oyepɨyereta jeta vae reta peguarä.

Romanos 3:25

jae ko Tumpa omee, oime vaerä ñɨ̈ro jugüɨ rupi yarovia yave, jökorai oyekuaa kërai Tumpa jupi ko, arakae iñɨ̈ro yave ipɨaguasu reve opaete mbaeyoa reta re;

Romanos 5:9

Vɨtei pa yayembojupi ma Jesucristo jugüɨ rupi yave, jae rupi yaasayepeta Tumpa iyarasɨ güi.

Efesios 1:7

jugüɨ rupi yandereepɨ ma, Tumpa iñɨ̈ro vaerä yandeve yandeyoa reta re, ipɨakavi yae rupi,

DEUTERONOMIO 12:23

Jaeño agüɨye peu jugüɨgüe, echa tugüɨ jae ko tekove, jayave agüɨye peu soo tekove ndive.

Colosenses 1:14

yandeRu yandereepɨ Taɨ imano rupi, jare iñɨ̈ro yandeyoa reta re.

Colosenses 1:20

jare ombopɨakatu jae ndive Cristo rupi opaete mbaembae, ɨvɨ pe jare ara pe ñogüɨnoi vae reta, oyapo mbɨakatu kurusu re jugüɨ oyepɨyere vae rupi.

Hebreos 13:12

Jáeramo Jesús vi oiporara mano tëta guasu güi ikatu pe, ñaneñono tee vaerä Tumpa peguarä jae jugüɨ rupi.

Hebreos 9:22

Jare tugüɨ rupi mborookuai jei rami opaete seri oyeyoe Tumpa kotɨ. Jare tugüɨ oyepɨyerembae reve Tumpa mbaetɨ iñɨ̈ro mbaeyoa reta re.

1 Pedro 1:2

yandeRu Tumpa peparavo, ndei ɨvɨ oyeapo mbove oikuaa voi pe reta peyeapota ko taɨ retarä. Espíritu Santo peñono tee Tumpa peguarä, peñeereendu katu vaerä jare peyeyoe vaerä Jesucristo jugüɨ pe. Tumpa ipɨakavi jare ipɨakatu toï jeta pe reta ndive.

1 Juan 1:7

Ërei yaiko yave tembipe pe, Tumpa oiko tembipe rami, ñañemoïru ko oyoupi, jare Taɨ Jesucristo jugüɨ yandeyoe opaete mbaeyoa güi.

1 Juan 2:2

Jae imano rupi Tumpa iñɨ̈ro yandeve yandeyoa reta re; ërei mbaetɨ yandeyoa reño, opaete ɨvɨ pegua reta iyoa reta re vi ko.

Apocalipsis 1:5

jare Jesucristo jupi rupi imiari vae, tenonde voi oikove ye omanogüe reta güi vae, mburuvicha guasu reta ɨvɨ pegua juvicha guasu güi. Yanderaɨu jare oyoe jugüɨ pe yandeyoa reta vae,